నేస్తమా ఇద్దరి లోకం ఒకటే లేవమ్మా

పల్లవి

[అతడు] నేస్తమా ఇద్దరి లోకం ఒకటే లేవమ్మా అందుకే నా కన్నులతో లోకం చూడమ్మా ||2||
ఈ గుండలోనా నీ ఊపిరంటూ నీ కళ్లలోనా నీ కలలు ఉంటే ఊహల
రెక్కలపైనా ఊరేగే దారులు ఒకటి
చూపులు ఎవ్వరివయినా చూపించే లోకం ఒకటి ||నేస్తమా||

చరణం 1

[ఆమె] మరి లోకంలో ఎన్ని రంగులుంటాయి అవి ఎలా ఉంటాయి
[అతడు] బుగ్గమీద వెచ్చని సిగ్గు వచ్చినప్పుడు దానిని అడుగు ఎర్రదనమంటే చెబుతుందీ
పెదవి కొమ్మ పూసిన పువ్వు అందమయిన నీ చిరునవ్వు
తెల్లరంగు అట్టా ఉంటుంది
నీలో నిలువుల పులకలు రేగిన వేళ నువ్వే పచ్చని పైరుని అవుతానమ్మా దిగులు
రంగే నలుపు అనుకో ప్రేమ పొంగే పసుపు అనుకో భావాలను గమనిస్తుంటే
ప్రతిరంగును చూస్తున్నట్లే చూపులు ఎవ్వరివయినా
చూపనిపించే లోకం ఒకటే ||నేస్తమా||

చరణం 2

[అతడు] మొదటి సారి నీ గుండెలలో తీయనైన ఆశలు రేపి
ఆ కదలికే ఉదయం అనుకోమ్మా
చూడలేని ఆవేదనతో కలత చెంది అలిసావనుకో సాయంత్రం అయినట్లేనమ్మా
నీలో నవ్విన ఆశలు నా చెలివైతే నేనై ఒక్కరి కోసం ఒకరం అనుకుంటూ
జీవిస్తుంటే చూపులు ఎవ్వరివైనా చూపించే లోకం ఒకటే ||నేస్తమా||

అనగనగా ఒక నిండు చందమామ

పల్లవి

అనగనగా ఒక నిండు చందమామ నిరుపేద కలువతో చెలిమి చేసెనమ్మా
అంతలోనే తెలవారి పోయెనమ్మా ఆకన్నె కలువ కల కరిగి పోయెనమ్మా
పచ్చని జంటను విడదీసిన ఆపాపం ఎవ్వరిదీ ||2|| ఓ...||అనగా||

చరణం 1

ఆశలెన్నో విరిసేలా బాషలెన్నో చేసాడు
ఉన్నపాటుగా కన్నుమరుగాయే చలువ చండ్రుడూ ||2||
రేరాజును రాహువు మింగాడో అమవాస్యకు ఆహుతి అయ్యాడో ||2||
అటు ఇటు వెతుకుతూ నిలువునా రగులుతూ వెన్నెల వుందని
వేకువ వద్దని కలువ జన్మ వడలి పోయెనమ్మా ఓ . . .

చరణం 2

గుప్పెడంత గుండెల్లో ఉప్పెనయినా సంద్రంలో చిక్కుకున్న ఈ చిన్నఆశకే
శ్వాస ఆడదే దిక్కులన్ని చూస్తున్నా నింగిని నిలదీస్తున్నా దిక్కులేని ఈ దిగులు
ప్రశ్నకి బదులు దొరకదే చిరునవ్వులు పూసిన మంట
ఇది కన్నీటికీ కోరని కోత ఇదీ ||2||
ఓటమి ముగిసెనా గెలుపుగా మిగిలెనా జాబిలి వెన్నెల మాటున రేగిన
జ్వాలలాంటి వింత బ్రతుకునాది
[ఆమె] ఓ . . .
కలువని చంద్రుని ఎందుకు కలిపాడు
ఆ కలయిక కలగా ఎందుకు మార్చాడు ఆ కధ రాసిన
దేవుడున్నవాడు కరుణన్నది ఎరుగని కటిక గుండెవాడు
నా కధలో ఆ దేవుని ఎంతటి దయ చూపించాడు ఆడగక
ముందే ఇంతటి పెన్నిది నాకందించాడు కలలే ఈ చంద్రుని
నేస్తం ఎప్పుడూ వాడిని ఈ కలువని చెలిగా ఇచ్చాడు ఓ . . .

దోస్త్ మేరా దోస్త్ తుహై మేరీజాన్

పల్లవి

దోస్త్ మేరా దోస్త్ తుహై మేరీజాన్ వాస్తవంగా దోస్త్ నువ్వే నా ప్రాణం
బ్రతుకు తీపి పాటలో మధుర స్వరాలం మనం
స్నేహం అనే మాటలో చెరో అక్షరం మనం ||దోస్త్||

చరణం 1

నిదరలో ఇద్దరమూ ఒకేలా కలగంటాం ఆహాహా ఏహే హే హే హే
నిజంలో ప్రతిక్షణం కలలకే కలలవుతాం ఓహొహొ ఆహాహా ఆహా
హే.....మేడల్లే నే నొదిగుంటూ నువ్వు ఎదుగుతువుంటే మబ్బుల్తో మన కధ
చెపుతా వింతగ వింటుంటే నీలా నాలా సాహసంగా నింగీ నేల కలవాలంటూ
మబ్బే కరిగి ఇలపై జలైరాదా మన్ను మిన్ను కలిపే హరివిల్లవదా ||దోస్త్||

చరణం 2

చరిత్రే శిరసొంచి ప్రణామం అంటుంది
హేయ్ ప్రాణానికి ప్రాణం పోస్తే మంత్రంరా స్నేహం
ఊరువాడ ఔరా అంటూ ఆశ్చర్యంతో చూస్తూ ఉంటే రాదా నేస్తం కాలం
చదవని కావ్యం లోకం మొత్తం చదివే ఆరోవేదం ||దోస్త్||

చూడచక్కని జింకపిల్లరా శ్రీరామచంద్రా

పల్లవి

[అతడు] చూడచక్కని జింకపిల్లరా శ్రీరామచంద్రా
హొయ్ చెంగుమంటు చెంతకొచ్చెరా శ్రీరామచంద్రా
[ఆమె] నీ కోసమే నే పుట్టి పెరిగా ఇన్నాళ్లుగా నీకోసం వెతిగా
నీ తోడుంటే ప్రతీరోజూ పండగే నువులేకుంటే బతికేది దండగే
[అతడు] నీ జల్లోని పువ్వయ్యినే ఉంటానే పువ్వుల బుల్లెమ్మా
[ఆమె] కళ్ళునావి చూపులు నీవిరా శ్రీరామచంద్రా
మాటనాది మనసు నీదిరా ఓ రామచంద్రా

చరణం 1

[అతడు] చెంపకుచారెడు కళ్లు చామంతులు పూస్తే వళ్లు నీ నవ్వే మల్లెలు జల్లే చిలకమ్మ
[ఆమె] అన్నీ నీకే ఇస్తా నీ వెంటనే నడిచొస్తా నీ వాకిలి ముందుర ముగ్గయై నేనుంటా
[అతడు] గుండెల నిండా ప్రేముండాలి భామ
దాన్ని ఏం చెయ్యాలో నువ్వే చెబుదువురామా
[ఆమె] నలుగురి ముందు తాళిని కట్టేయ్ మామ ఆ తరువాతేంజేయాలో చెబుతాలేమా
[అతడు] ఊరంతా పచ్చంగా పందిర్లెయ్యనా
[ఆమె] పదుగుర్లో పదిలంగా పెళ్లాడేయ్యనా
[అతడు] నీ మెళ్లోని గొలుసయి నీ గుండెల్లో కాపురమెట్టేయనా ||మాట||

చరణం 2

[ఆమె] గుళ్లో దేవుని కన్నా నువ్వేలే నాకు మిన్న నీ కాలికి అంటిన మన్నే బొట్టంటా
[అతడు] మేడలు మిద్దెలు కన్నా ముద్దొచ్చే పెదవులు మిన్న నీ కమ్మని ముద్దే కట్నం లెమ్మన్నా
[ఆమె] కొంగలు జారే కమ్మని రాతిరిలోనా నువు కోరిన పండు కొరికిస్తాలే మామా
[అతడు] కాటుక మరకలు అంటే కౌగిలిలోనా తెల్లారులు నిన్ను కరిగిస్తాలే భామా
[ఆమె] నీ మాటేనే వింటా ఏనాటికీ
[అతడు] సయ్యంటే సయ్యంటా సయ్యాటకి
[ఆమె] చెంగట్టేసి పట్టేసి చుట్టేస్తా సిగ్గుల చిలకమ్మా

బ్యూటిఫుల్ 2 లవ్ ఈజ్ బూటీఫుల్

పల్లవి

[అతడు] బ్యూటిఫుల్ 2 లవ్ ఈజ్ బూటీఫుల్
ప్రేమంచే మనసుంటే లోకం మెత్తం బ్యూటీఫుల్
నూజివీడులో వలపైనా న్యూజిలాండ్‌లో లవ్వయినా
పోర్ బందరూ ప్యారయినా ఇండోనేషియా ఇస్క్ అయినా
భాషేదైనా ప్రేమల్లోని భావం బహు బ్యూటిఫుల్ ||బ్యూటి||

చరణం

మీ పుట్టిన రోజుకంటే అమ్మాయి నవ్విన రోజే గుర్తుంటే అదిగ్రేటు గ్రేటు గ్రేట్‌లవ్
మీ చదువుల పట్టా కంటే చిన్నది రాసిన చీటి విలువైతే అది స్వీట్‌లవ్ స్వీత్ లవ్ స్వీట్‌లవ్
నువ్వు మెచ్చిన అమ్మాడి తమ్ముడు దేవుడిలా కనిపిస్తే కేపులవ్ ||బ్యూటి||
మీ కిల్లర్ జీన్స్ కన్నా కన్నెది వేసే ఖాదీ ముద్దొస్తే అది బ్యూటీలవ్ బూటీలవ్
మీ గాడ్రేజ్ ఫ్రిజ్‌కన్నా చిన్నది వాడే కూజాకుల్ ఉంటే అది హాట్ లవ్ హాట్ లవ్ హాట్ లవ్
అమ్మాయికి ఎగ్జామ్‌కి ఫీజ్‌ను వెచ్చిస్తే ది కాస్ట్‌లీ లవ్ కాస్ట్‌లీ లవ్ కస్ట్‌లీ లవ్
ఆ పిల్లకి జలుబేరాగా నువు పేషంట్ లాగా అయితే అది హెల్దీ లవ్ హెల్దీలవ్ హెల్దీలవ్ ||బ్యూటి||

మనసన్నది నాకున్నది

పల్లవి

[అతడు] మనసన్నది నాకున్నది, ప్రేమన్నది దరిరాకున్నది.....2
నా హృదయంలో ఒకరికిది అదినూరేళ్ళయినా తనకైవేచి ఉంటుంది ||మన||

చరణం 1

ఒక యదపై కరుణతోటి స్వాతివాన చిలుకుతుంది ప్రేమ ఈ
ప్రేమ మరొకరిపై కక్షబూని సాగరాన ముంచుతుంది ప్రేమ
ఈ ప్రేమ గడ్డి పూవునైన గులాబి పూవుగా మలచగా,
తులసిమొక్కనైనా గంజాయిలాగ చూపదా
త్యాగం స్వార్థం, మోసం మురిపెం . . .2
అన్నింటికీ అర్థం ఒన్లీ లవ్ ఒన్లీ లవ్ ||మన||

చరణం 2

ఒకసారి తల్లిలాగ జోలపాట పాడుతుంది ప్రేమ ఈ ప్రేమ
మరోసారి కాళిలాగ జ్వాలలోన కాల్చుతుంది ప్రేమ ఈ ప్రేమ
పాడు గుణమునైనా ఆదరించి చూడగా
మంచితనము పైనా చీదరింపు చూపదా
స్వర్గం నరకం సౌఖ్యం, శోకం . . .2
అన్నింటికీ మార్గం ఓన్లీ లవ్ ఓన్లీ లవ్ ||మన||

సుప్రభాతంలో మేలుకున్నానా

పల్లవి

సుప్రభాతంలో మేలుకున్నానా, స్వపనలోకంలో తేలుకున్నానా
నువ్వేదో అంటేనేను విన్నానా, పరాగ్గా ఉండీ అవుననుకున్నానా
ఈ నిజమంతా నిజమేనా నీ జత రుజువనుకోనా ||సుప్ర||

చరణం 1

మంచయినా మాయే అయినా కావాలని చేసావే
అచ్చంగా నాకు నువ్వే కావాలనుకున్నానే
నమ్ముతున్నా నవ్వుకున్నా, మెచ్చుకున్నా నొచ్చుకున్నా
నిత్యము నాధ్యాసా నీకంకితం చేసేసా
నేను తీసేశ్వాసా నిలువెల్ల నీపైఆశా
ప్రాణనాడులను వీనతీగలుగ మీటుతున్న హాయిలా ||సుప్ర||

చరణం 2

నా అడుగుల ప్రతిబాటా నీవైపే నడిచిందీ,
నా పెదవుల ప్రతిమాటా నీపేరే పిలిచింది
అందరాని తారవైనా అంతులేని దారివైనా
ఆగనంది ప్రాణం నీజంట కలిసేవరకూ ఆపకంది పయనం
నే ప్రేమగెలిచే యింతకన్నా తపమంటూ ఉండదని ఒట్టువేసి చెప్పనా ||సుప్ర||

గగనసీమలదిరే మాయింట విజయపతాకెగిరే

పల్లవి

గగనసీమలదిరే మాయింట విజయపతాకెగిరే
ఉత్సాహాలే ఉప్పొంగంగా, ||మె||
ఉల్లాసంగా చేయంగా సంబరంగా ఒక పండగజరిపి ఆ అంబరమందుకుంటాం ||గగ||

చరణం 1

[ఆమె] కడుపులో నెలలుగా పెరిగిన సంతానం, కనులలో
అలలుగా కరిగితే ఎం లాభం
[అతడు] నిదురలో జారిన దీపికలు యిలా ఎదురైతే చాలుకదా
[ఆమె] పొలంలో నిన్నటి నారులిలా క్షణంలో పైరుగా మారందా
[అతడు] యిదే సంక్రాంతిగా యదే చిందేయగా, చూడే మనవాడే
యింతింతై అపుడే ఎంతై పోయాడే ||గగ||

చరణం 2

[అతడు] పిలిస్తే గులామై పలకదురా ఏ గమ్యం వలేస్తే చులాగ్గా
పడదురా ఏ లక్ష్యం శ్రమించే అలసట ఆనందం అదిచ్చే బహుమతి అపురూపం
[అతడు] అలల్లో ఎగిసిన ఆవేశం తలాంచి ఒదగదు ఏనిమిషం
[ఆమె] శిరులు కొనలేనిదీ సుళువుగా రానిదీ, ఇదిగో ఆ విజయం
మన ఇంట్లో నవ్వుల నాట్యం చేసింది ||గగ||

అమితాబచ్చన్ హైట్ మీదొట్టు

పల్లవి

[అతడు] అమితాబచ్చన్ హైట్ మీదొట్టు, అజారుద్దీన్ బ్యాట్ మీదొట్టు. . .||2||
కనుమూరిబాపిరాజు మీసం మీదొట్టు కెరాఘవేంద్రరావు గడ్డాం మీదొట్టు
అబద్దం చెప్పమన్న చెప్పనూ, నిజం చెప్పొదన్నా అసలే విననూ
హరిశ్చంద్రుడు మా బాబాయిలే, ధర్మరాజు మా బడాబాయిలే ||అమి||
చరణం 1
అరె చిరంజీవి మా ఇంటి చుట్టు తిరుగుతుంటాడు, ఎక్సింగు
నేర్పమంటాడు, చంద్రబాబు నీ వెంట పడుతూ వేదిస్తుంటాడు
ఆంధ్రానేలమంటాడు, బిల్‌గేట్ సమ్ సలహాలిమ్మని టెలిఫోన్
చేస్తాడు. మిలియన్స్ యిస్తానంటాడు, బ్యాటింగ్‌లోని మెలుకువ
కోసం జయసూర్య వస్తాడు, జలగై పీడిస్తుంటాడు
[ఆమె] పాపం వాళ్లకంతా యింతహెల్ప్ చేస్తే పోలే
నాకా టైములేదు. వాళ్లకు టైమ్ బాగులేదు ||అమి||
యండమూరి కొత్తనవల రాస్తానన్నాడు అయిడియాలివ్వమంటాడు
స్పీల్‌బర్గ్ కొత్త మూవీ యిస్తానంటాడు, గ్రాఫిక్స్ చెయ్యమంటాడు
సమరం వచ్చి సమస్యలెన్నో నాతో చెపుతాడు సలహాలిమ్మంటుంటాడు
టాటావచ్చి నాతోటి సిసం తింటానన్నాడు ప్రాణం తింటూవుంటాడు
పాపం వాళ్ల అందరికి అపాయింట్‌మెంట్ యిస్తేపోలే
నాకా టైమ్‌లేదు. . .2 వాళ్లకు టైం బాగోలేదు

ప్రేమిస్తున్నా. . .4 నిను చూపినందుకు బ్రతుకుని

పల్లవి

[అతడు] ప్రేమిస్తున్నా...4 నిను చూపినందుకు బ్రతుకుని
నువు పలికినందుకు తెలుగుని, నువు నడిచినందుకు నేలని
నువు పీల్చినందుకు గాలినీ ||ప్రే||

చరణం 1

సొంతం నీకే అయినందుకు అందాన్ని ప్రేమిస్తున్నా
శాంతం నీకే వచ్చినందుకు వయసును ప్రేమిస్తున్నా
అపురూపంగా మలచినందుకు ఆ బ్రహ్మను ప్రేమిస్తున్నా
సుకుమారంగా పెంచినందుకు కన్నోళ్ళకు ప్రేమిస్తున్నా
నిన్ను నిదురపుచ్చినందుకు పాన్పును ప్రేమిస్తున్నా
నిన్ను మేల్కోనిపినందుకు తూర్పును ప్రేమిస్తున్నా

చరణం 2

ఎదురుగ నిన్నే నిలిపినందుకు పగటిని ప్రేమిస్తున్నా
కలలో నిన్నే పంపినందుకు రాత్రిని ప్రేమిస్తున్నా
నీ కన్నులనే పోలినందుకు మీనాన్నను ప్రేమిస్తున్నా
నీ కంఠాన్ని కలిగినందుకు కోయిలను ప్రేమిస్తున్నా
నిన్ను తెలుసుకున్నందుకు నన్నే ప్రేమిస్తున్నా. . .2
నిన్ను నన్ను కలిపినందుకు ప్రేమను ప్రేమిస్తున్నా ||ప్రే||

సాగర ఘోషశృతిలో హిమజలపాతాల లయలో

పల్లవి

సాగర ఘోషశృతిలో హిమజలపాతాల లయలో
సంగీతం భారత సంగీతం సునోరే భాయీ సునోరే
శాంతినికేతన గీతం ఇది శబర్మతీ సంగీతం - 2
తాన్నేన్‌ రాగమిది త్యాగరాజ గానమిది

చరణం 1

ఓ సత్యాహింసలు శృతిలయిలైన మానవతాగీతం ప్రేమసుధా భరితం
సత్యం శివ సుందరం సకల మత సమ్మతం ప్రపంచ శాంతి సంకేతం ||శాంతి||
సూర్యోదయం భూపాళం, చంద్రోద్యం హిందోళం
ఈ లోకమే స్వర్ణ సందేశమే, ఆఫ్రికా కోకిల అన్నమయ్య కృతి పాడగా
అమెరికన్‌ గిటారుపై హంసద్వని చెలరేగగా
జర్మన్‌ గాయని జయదేవుని గీతానికి తన్మయులవుదురులే
మీరా భజనల మాధురిలో ఇకమీరే పరవశలవుదురులే
హిందుస్తానీ రాగాలు తియ్యనైనని, కర్ణాటిక్‌ భావాలు కమ్మనైనవి
సగామగామాద మదాని సానిదసా
ఇంద్ర ధనుసు రంగులైన ఎడారిలో వానలైన
ఐవిల్‌ క్రియేట్ విత్ మై మ్యూజిక్, ఎస్‌ ఎస్‌ ||శాంతి||

చరణం 2

దేశదేశముల సంస్కృతులే రాగమాలగా సాగగా
ఆనందమే మధురానందమే, పసిఫిక్‌ కన్నలోతు ఎవరెస్టు కన్న ఎత్తు ప్రపంచాన మై మ్యూజిక్
తూర్పు పడమర విశ్వగానమే చేయగా శాంతికి స్వాగతం
సుస్వరాలదో ఈయగా అణుయుద్దములే జరగవులే
సరిహద్దుల గొడవలు తీరునులే, ప్రతిరోజు ఒక పండుగలే
ఇల మానవులందరు బంధువులే సూరదాస్‌ ఎంకిపాట చికాగో జీన్స్ పాట
నయాగారా హోరులో ఆలపించగా సగమద గమనిస నిసగమనిదస - 2
మంద్ర మంద్ర స్వరాలలో రసానంద సముద్రాలు పంచమాల వసంతాలు తారా స్ధాయి షడ్యమాలా
సాధ్య మధుర తంబుర దివ్య వేద సారము
భావరాగ తాళయుక్త భారతీయగానము ||సమ|| ||శాంతి||

మహాకనకదుర్గా, విజయకనకదుర్గా

పల్లవి

మహాకనకదుర్గా, విజయకనకదుర్గా
పరాశక్తి లలితా శివానంద చరితా - 2
శివంకరీ శుభంకరీ సూర్యచంద్ర కళాధరీ
బ్రహ్మవిష్ణు మహేశ్వరుల సృష్టించిన మూలకరీ
అష్టాదశ పీఠాలను అధిష్టించు ఆదిశక్తీ ||మహా||

చరణం 1

ఓంకార రావాల అ ల ల కృష్ణాతీరంలో ఇంద్రకీల గిరిపైన వెల్సెను కృతయుగములోన
ఈ కొండపైన అర్జునుడు తపమును గావించెను,
పరమశివుని మెప్పించి పాశుపతము పొందెను
విజయుడైన అర్జునుడి పేరిట విజయవాడ అయినది ఈ నగరము
జగములన్నియు జేజేలు పలుకగ కనకదుర్గ కైనది స్ధిరనివాసము
మేలిమి బంగారు ముద్దపసుపు కలగలిపిన వెన్నెలమోము
కోటి కోటి ప్రభాతాల అరుణిమయే కుంకుమా
అమ్మ మనసుపడి అడిగి ధరించిన కృష్ణవేణి ముక్కుపుడకా
ప్రేమా కరుణా వాత్సల్యం కురిపించే దుర్దరూపం
ముక్కోటి దేవతలందరికి ఇది ఇల్లే పుట్టిదీపం ||మహా||

చరణం 2

దేవీ నవరాత్రులలో వేదమంత్ర పూజలలో స్వర్ణకవచములు దాల్చిన కనకదుర్గాదేవి
భవబందాలను బాపే బాలా త్రిపుర సుందరి నిత్యానందము కూర్చే అన్నపూర్ణాదేవి
లోకశాంతినే సంరక్షించే సుమంత్రరూపీ గాయత్రీ
లక్షల సంపదలెన్నో అవని జనుల కందించే దివ్య రూపిణీ మహాలక్ష్మీ
విద్యా కవన గాన మొసగు వేదమునీ సరస్వతీ,
ఆయురారోగ్యాలు భోగభాగ్యములు ప్రసాదించే మహాదుర్గ
శతృ వినాసిని సత్యస్వరూపిని మహిషాసురమర్ధినీ,
విజయకారిణి అభయ రూపిణి శ్రీ రాజరాజేశ్వరీ,
భక్తులందరికి కన్నుల పండుగ అమ్మా నీ దర్శనం దుర్గమ్మా నీ దర్శనం ||మహా||

మీ ప్రేమకోరే చిన్నారులం

పల్లవి

మీ ప్రేమకోరే చిన్నారులం, మీ పడిని ఆడే చందమామలం - 2
గోరుముద్దలెరుగనీ బాల కృష్ణులం
బాధపైకి చెప్పలేని బాల ఏసులం
ఆలోచించండి ఓ అమ్మానాన్న ఏం చెప్పగలం మీకు ఇంతకన్నా ||మీ||

చరణం 1

కమ్మగా మా అమ్మచేతితో ఏ పూట తింటాము ఏడాదిలో
చక్కగా మా నాన్న పక్కగా సరదాగ తిరిగేది ఏ నాటికో
పొద్దున్నే పరుగున వెడతారు రాత్రికి ఎపుడో వస్తారు
మరిమరి అడిగినా కధలు చెప్పరూ మేమేం చెప్పినా మనసుపెట్టరూ
అమ్మ నాన్న తీరు మాకు అర్ధమవ్వదూ, ఏమిచెయ్యాలో మాకు దిక్కుతోచదూ ||ఆలో|| ||మీ||

చరణం 2

పిల్లలం మీ చేతి ప్రమిదలం మీ ప్రేమ చమురుతో వెలుగు దివ్వెలం
పువ్వులం మీ ఇంటి నవ్వులం నీ గుండెపై ఆడు చిన్ని గువ్వలం
కనిపించే మీరే దేవుళ్ళు కనిపించే శివుడూ పార్వతులూ
లోకం బూచికి మా గుండె వణికితే మాకు ధైర్యమిచ్చేది మీలాలింపే
అమ్మనాన్నలిద్దరూ వేరు వేరయీ, అనాధలను చేయకండి పసిపిల్లలనీ ||ఆలో|| ||మీ||

సిరులు నొసగి సుఖశాంతులు కూర్చును షిరిడీ సాయికధా

పల్లవి

సిరులు నొసగి సుఖశాంతులు కూర్చును షిరిడీ సాయికధా
మధుర మధుర మహిమాన్విత భోధ సాయి ప్రేమ సుధా - 2
పారాయణతో సకల జనులకి భారాలను తొలగించే గాధ - 2 ||సిరు||

చరణం 1

షిరిడీ గ్రామంలో, ఒక బాలుని రూపంలో
వేపచెట్టుక్రిందా, వేదాంతిగా కనిపించాడు, తన వెలుగును ప్రసరించాడు
పగలూరేయీ ధ్యానం, పరమాత్మునిలో లీనం - 2
ఆనందమే ఆహారం, చేదు చెట్టునీడయే గురుపీఠం
ఎండకు వానకు కృంగకు, ఈ చెట్టు క్రిందనే ఉండకూ
సాయీ ... సాయిరా మశీదుకు అని మహల్సాపతి పిలుపుకు
మసీదుకు మారెను సాయి అదే అయినది ద్వారకమాయి
అక్కడ అందరు భాయీ భాయీ బాబా బొధల నిలయమనోయి ||సిరు||

చరణం 2

ఖురాను బైబిలు గీత ఒకటని కులమత భేదము వద్దనే
గాలి వాననొక క్షణమున ఆపే, ఉడికే అన్నము చేతితో కలిపే
రాతి గుండెలను గుడులను చేసి నీటి దీపములను వెలిగించే
పచ్చికుండలో నీటిని తెచ్చి పూలమొక్కలకు పోసి
నిండీభణమును పెంచి మధ్యలో అఖండ జ్యోతిని వెలిగించే
కప్పకు పాముకు స్నేహం కలిపే, తల్లి భాషకు అర్ధం తెలిపే
ఆర్తుల రోగాలను హరియించే, భక్తుల బాధలు తాను భరించే
ప్రేమా సహనం రెండు వైపుల ఉన్ననాడే గురుదక్షిణ అడిగే
మరణం జీవికి మార్పును తెలిపే మరణించి తను మరలా బ్రతికే
సాయిరాం సాయిరాం సాయిరాం - 4
నీదని నాదని అనుకోవద్దని ధునిలో ఊది విభూదిగనియిచ్చే
భక్తి వెల్లువలు జయజయఘోషలు కావడి ఉత్సవమై సాగగా
కక్కడ హారతులను అందుకోని కలిపాపాలను కడుగగా
సద్గురువై జగద్గురువై సత్యం చాటే దత్తాత్రేయుడై భక్తుని ప్రాణం రక్షించుటకై
జీవన సహచరి అని చాటిన తన ఇటుక రాయి
తృటిలోన పగులగా పరిపూర్ణుడై గురుపౌర్ణిమై
భక్తుల మనసులో చిరంజీవియై శరీర శేవాలంగన చేసి
దేహము విడిచెను సాయీ, సమాధి అయ్యెను సాయి
సాయిరాం సాయిరాం సాయిరాం -5
అఖిలాండకోటి బ్రహ్మండ నాయక శ్రీ సమర్ధ సద్గురు సాయినాధ మహరాజ్‌ ...

అయ్యప్ప దేవాయ నమః

పల్లవి

అయ్యప్ప దేవాయ నమః అభయస్వరూపాయనమః - 2
హరిహర సుపుత్రాయ నమః కరుణా సముద్రాయనమః
నిజభీర కంభీర శభరీగిరి శిఖర ఘన యోగ ముద్రాయనమః
పరమాణు హృదయాంతరాళ స్ధితానంత బ్రహ్మండరూపాయనమః ||అయ్యప్ప||

చరణం 1

పద్దెనిమిది పడిమెట్లపైకెక్కి గుడికేగు భక్తులకు ఎదురొచ్చె బంగారు స్వామి
ఇరుముడులు స్పృశించి శుభులనుచు దీవించి జనకృందములచేరె జగమేలు స్వామి
తనభక్తులొనరించు తప్పులకు తడబడి ఒకప్రక్క కొరిగెనా ఓంకార మూర్తి
స్వామియే శరణం అయ్యప్ప
స్వాములందరు తనకు సాయమ్ముకాగ ధీమంతుడైలేచి ఆకన్నె స్వామి
పట్టబంధము వీడి భక్తతటికై పరుగుపరుగున వచ్చె భువిపైకి నరుడై ||అయ్యప్ప||

చరణం 2

ఘోర కీకారణ్య సంసార యాత్రికుల శరణుఘోషలు విని రోజు శబరీషా
పాపాలు దోషాలు ప్రక్షాళనము చేయు పంపానది తీర ఎరుమేలి వాసా
నియమాల మాలతో సుగుణాల మెట్లపై నడిపించి కనిపించు అయ్యప్ప స్వామీ
మకర సంక్రాంతి సజ్యోతివై అరుదెంచి మహిమలను చూపించు మణికంఠ స్వామి
కర్మబంధము బాపు ధర్మ శాస్త్ర కలిభీతి తొలగించు భూతాదినేత ||అయ్యప్ప||

చరణం 3

ఆద్యంత రహితమో నీ విశ్వరూపము అజ్ఞాన తిమిరమ్ము అణుచు శుభదీపం
ఈ నాల్గు దిక్కులు పదునాల్గు భువనాలు పడిమెట్లుగా మారె ఈ దోపు ఊపం
అమరులెల్లరు చేయు అమృతాభిషేకం, నెరవేర్చుకో స్వామి నీదు సంకల్పం
ఓ ... పదములకు మ్రొక్కగా ఒక్కొక్కలోకం అందుకో నక్షత్ర పుష్పాభిషేకం
పంపానదీ తీర శంపాల పాపాత్మ పరిమార్చు స్వామి, భక్తులను రక్షించు స్వామీ
శరణమయ్యప్పా - శరణమయ్యప్పా
శంభు విష్ణు తనయ శరణమయ్యప్పా - 2
స్వామియే శరణమయ్యప్పా - 2 ఓం శాంతి శాంతి శాంతిః - 2

అందరి బంధువయా భద్రాచల రామయ్యా

పల్లవి

రామా ... రామా ...
అందరి బంధువయా భద్రాచల రామయ్యా
ఆదుకునే ప్రభువయ్యా ఆ అయోధ్య రామయ్యా - 2
చేయూతనిచ్చే వాడయ్యా మా సీతారామయ్యా - 2
కోర్కెలు తీర్చే వాడయ్యా కోదండరామయ్యా ||అంద|| ||రామా||

చరణం 1

తెల్లవారితే చక్రవర్తియై రాజ్యము నేలే రామయ్యా
తండ్రి మాటకై పదవిని వదలి అడవులకేగెనయ్యా
మహిలో జనులను కావగ వచ్చిన మహావిష్ణు అవతారమయ్యా
ఆలిని రక్కసుడు అపహరించితే ఆక్రోసించెనయ్యా
అసురునిత్రుంచి అమ్మను తెచ్చి అగ్ని పరీక్ష విధించెనయ్యా
సాకలి నిందకు సత్యము చాటగ కులసతినే విడనాడెనయా
నారాముని కష్టం లోకంలో ఎవరూ పడలేదయ్యా ... ఆ ... 2
సత్యం ధర్మం త్యాగంలో అతనికి సరిలేరయ్యా
కరుణాహృదయుడు శరణను వారికి అభయమొసగునయ్యా ||అంద||

చరణం 2

భద్రాచలము పుణ్యక్షేత్రము అంతా రామమయం
భక్తుడు బద్రుని కొండగ మార్చి కొలువై ఉన్న స్ధలం
పరమభక్తితో రామదాసు ఈ ఆలయమును కట్టించెనయా
సీతారామలక్ష్మణులకు ఆభరణములే చేయించెనయా
పంచవటిని ఆ జానకి రాముల పర్ణశాల అదిగో
సీతారాములు జలకములాడిన శేషతీర్ధమదిగో
రామభక్తితో నదిగా మారిన శబరి ఇదేనయ్యా - 2
శ్రీరామ పాదములు నిత్యం కడిగే గోదావరీ అయ్యా
ఈ క్షేత్రం తీర్ధం దర్శించిన జన్మ ధన్యమయ్యా ... ||అంద||

వక్రతుండ మహాకాయ, కోటిసూర్య సమప్రభా

పల్లవి

వక్రతుండ మహాకాయ, కోటిసూర్య సమప్రభా,
నిర్విఘ్నం కురుమేదేవ సర్వకార్యేషు సర్వదా... ఆ
జయజయ శుభకర వినాయక - శ్రీ కాణిపాక వరసిద్ధి వినాయక

చరణం 1

బాహుదానదీ తీరములోన బావిలోన వెలసిన దేవ
మహిలో జనులకు మహిమలు చాటి ఇహపరముల నిడుమహానుభావా
ఇష్టమైనదీ వదిలిన నీకడ ఇష్టకార్యములు తీర్చే గణపతి
కరుణను కురియుచు వరముల నొసగుచు నిరతము పెరిగే మహాకృతీ
సకల చరాచర ప్రపంచమే సన్నుతి చేసే విఘ్నపతీ
నీగుడిలో చేసే సత్యప్రమాణం ధర్మదేవతకు నిలపును ప్రాణం
విజయకారణం విఘ్న నాశనం కాణిపాకమున నీ దర్శనం ||జయ||

చరణం 2

పిండి బొమ్మవై ప్రతిభచూపి బ్రహ్మాండ నాయకుడివైనావు
మాతాపితలకు ప్రదక్షిణముతో మహాగణపతిగ మారావు
భక్తుల మొరలాలించి బ్రోచుటకు గజముఖ గణపతివైనావు
బ్రహ్మండము నీ బొజ్జలో దాచి లంబోదరుడవు అయినావు
లాభము శుభము కీర్తిని కూర్పగ లక్ష్మగణపతివైనావు
వేదపురాణములఖిల శాస్త్రముల కళలు చాటులను నీ వైభవం
వక్రతుండమే ఓంకారమని
విభుదులు చేసే నీకీర్తనం ||జయ||

సోని సెల్‌ఫోన్ ఫీసా పిల్లోకివ్వవే వీసా

పల్లవి

[అతడు] సోని సెల్‌ఫోన్ ఫీసా పిల్లోకివ్వవే వీసా సోనిక్ ఫైట్లు స్పీడే నేను చూశా
[ఆమె] నువ్వులవ్ వైరస్లాగా నాపై పోక్‌కాగా అల్లుకుపోనా నేనై గోల్డెన్ తీగ
[అతడు] నవ్వుతు మనస్సే కోస్తా మోనాలిసా
[ఆమె] హర్టే హిజా చేస్తా ఓయాసిస్సా
[అతడు] మోనాలిసా
[ఆమె] ఒయాసిస్సా ||2||

చరణం 1

[అతడు] లేత వెన్నెల్లో ఫ్యారిస్‌లా నన్నుసోకగా వైరస్‌లా
కలలు ఆగవు పరిగెడుతూ క్వాలిస్‌లా
[ఆమె] వయస్సు పొంగదా షాంపెన్‌లా మనస్సు మారెను
తుఫాన్‌లా నిన్ను రమ్మని మోగింది అనుసారంలా
[అతడు] రానా రాకెట్ లాగా
[ఆమె] నేనే వీనాస్ ప్లానిట్ కానా
[అతడు] ప్రాణం ఉన్నా ప్లాటినం ముద్దిస్తావా
[ఆమె] ముద్దులు ఇచ్చే ఏటీమ్ నేనూ వస్తాగా
[అతడు] ముద్దిస్తావా
[ఆమె] నేనొస్తాగా ||సోని||

చరణం 2

[అతడు] మేని మెరిసెను మేల్‌వోన్‌లా టోరె కోహినూర్ డైమెండ్‌లా
దాడి చేస్తిని సొగసులపై బిన్‌లాడెన్‌లా
[ఆమె] చూపు తాకితే యాసిడేల్ తీపిగుంది ప్రూట్ సలాడ్‌లా
ప్రేమ ప్రేమతో చంపెయ్యరా సైనేడ్‌లా
[అతడు] నడుమే నైలాన్ ఉయ్యాల ఊగితే రేగెను నాలో జ్వాలా
[ఆమె] మూసిన రెప్పల పైపైకి కలనై వస్తా
[అతడు] కలలే కన్నా ఊహలని నిజమే చేస్తా
[ఆమె] కలనై వస్తా
[అతడు] నిజమే చేస్తా ||సోని||

జగమంత కుటుంబం నాది ఏకాకి

పల్లవి

[అతడు] జగమంత కుటుంబం నాది ఏకాకి జీవితం నాది ||2||
సంసార సాగరం నాదే సన్యాసం శూన్యం నాదే

చరణం 1

[అతడు] కవినై కవితనై భార్యనై భర్తనై ||2||
మల్లెల దారిలో మంచు ఎడారిలో ||2||
పన్నీటి జయగీతాలు కన్నీటి జలపాతాల
నాతో నేను అనుగనిస్తూ నాలో నేనే భ్రమిస్తూ
ఒంటరినై అలవరతం కంటున్నా నిరంతరం
కలల్ని కధల్ని మాటల్ని పాటల్ని రంగుల్ని రంగవల్లుల్ని
కాంతి కన్యల్ని ఆడపిల్లల్ని
||జగమంత||

చరణం 2

[అతడు] మింటికి కంటికి నేనై కంటను మంటను నేనై ||2||
వంటల మాటునా వెన్నెలనేనై వెన్నెల పూతల మంటను నేనై
రవినై శనినై దైవమై నిశిమై నాతో నేను సాహగమిస్తూ నాతో నేనే శ్రమిస్తూ
ఒంటరినేఇ ప్రతి నిమిషం కంటున్నాను నిరంతరం కిరణాల్ని
కిరణాల హరిణాల్ని పరిణాల చరణాలన్ని చరణాల
చలనాల కనరాని గమ్యాల కాలాన్ని ఇంధ్రజాలాన్ని
||జగమంత||

చరణం 3

[అతడు] గాలి పల్లకిలోన తరలిన పాత పాప ఊరేగి వెడలె
గొంతు వాకిలిని మూసి మరలి తను మూగబోయిన గుండె మిగిలె
నా హృదయమే నా లోగిలి నా హృదయమే నా పాటకి తల్లి
నా హృదయమే నాకు ఆలి నా హృదయములో ఇది సేనే వాలి
||జగమంత||

ఒకే ఒక మాట మదిలోన దాగుంది

పల్లవి

[అతడు] ఒకే ఒక మాట మదిలోన దాగుంది మౌనంగా
ఒకే ఒక మాట పెదవోపలేనంత తియ్యంగా
నా పేరు నీ ప్రేమని నా దారి నీ వలపని నా చూపు నీ నవ్వని
నా ఊపిరి నువ్వని నీకు చెప్పాలని

చరణం 1

[అతడు] నేను అని లేను అని చెబితే ఏం చేస్తావు
నమ్మనని నువ్వనుకొని చాల్లే పొమ్మంటావు
నీ మనస్సులోని ఆశల నిలిచేది నేనని
నీ తనువులోని స్పర్శగా తగిలేది నేనని
నీ కంతి మైమరుపులో నన్ను పోల్చుకుంటానని
తల ఆంచినీ గుండెపై నా పేరు వింటానని నీకు చెప్పాలని
||ఒకే ఒక||

చరణం 2

[అతడు] నీ అడుగై నడవడమే పయనమన్నది పాదం
నిను విడిచి బతకడమే మరణమన్నది ప్రాణం
నువ్వురాక ముందు జీవితం గురుతైన లేదని
నిను కలుసుకున్న ఆ క్షణం నను వదిలిపోదని
ప్రతి గడియ ఓ జన్మగానే గడుపుకున్నానని
ఈ మహిమ నీదేనని నీకైనా తెలుసా అని నీకు చెప్పాలని
||ఒకే ఒక||