ఒకరి కొకరు నువ్వు నేనని ఒకరినొదిలి ఒకరం ఉండలేమని

పల్లవి

[అతడు]ఒకరి కొకరు నువ్వు నేనని ఒకరినొదిలి ఒకరం ఉండలేమని
[ఆమె] ఒకే ఒకరం అయిపోవాలని ఒకే ఆశ నాలో ఎందుకోగాని
[అతడు] ఇన్నాళ్ళు చూడలేనే వెంటొచ్చే నీడని నువ్వయినా
చెప్పలేదే ఈ నిజాన్ని
[ఆమె] ఈ రోజే తెలుసుకున్నా గుండెల్లో ప్రేమని నీతో నే సాగిపోని
నిండు నూరేళ్ళు జీవితాన్ని ||ఒకరి...||

చరణం 1

[అతడు] అలని శిలని అడిగా తోడేదని
[ఆమె] అది తెలిసి జతగా నిలిచా నీ నీడనై
[అతడు] నీకై పుట్టానని నువ్వయి ఉంటానని
నీతో చెప్పాలని ఒకటే ఆశ
[ఆమె] నాలో ఏనాటికి నువ్వే ఉంటావని సాక్ష్యం
అంటున్నది నాలో శ్వాస ||ఒకరి||

చరణం 2

[ఆమె] ఒడిలో ఒదిగి ఒకటైపోవాలని
[అతడు] సరిగమలో శృతిలా లయలా సాగాలని
[ఆమె] ఎన్నో కష్టాలని ఎంతో ఇష్టాలుగా మార్చే
మంత్రానివి మరి నువ్వేనా
[అతడు] మండే సూరీడుని నిండు జాబిల్లిలా మొత్తం
మార్చిందిలా నువ్వేకదా ||ఒకరి...||

కొత్త కొత్తగా ఉన్నదీ నాకేమి అయినది

పల్లవి

[ఆమె]కొత్త కొత్తగా ఉన్నదీ నాకేమి అయినది
ఆ అంతుపట్టని హాయిది ఈ మాయ ఏమిటి
కల ఇది ఎలా తెలిసేది మనసంతా మబ్బుల్లో తేలి తూలుతుంది ||కొత్త||

చరణం 1

నిన్న మొన్న చూడలేదు ఇంత గొప్ప లోకమే ఆహా ఏమందమే
చిన్న పెదవి మీద పెద్ద నవ్వు చేరుకున్నది ఆహ ఆనందమే
అందుకో మరి సిగ్గెక్కువైనది ఎండ మధ్యన బుగ్గ ఎర్రగైనది
అమ్మతోడు ఖచ్చితంగా ఏదో అయినది ||కొత్త||

చరణం 2

అర్ధరాత్రి నిద్రలోన అతని తీపి ఊసులే ఆహ ఏం చెప్పనే
ఎక్కడైనా ఎప్పుడైన అతని మీద ధ్యాసలే ఓహో ఏమున్నది
మాట కందని సంతోషమే ఇది మాయ ఏమిటో నా కర్ధమైనది
నన్ను నేడు చేరుకుంది మొదటి ప్రేమని ||కొత్త||