లలిత ప్రియ కమలం విరిసినది...

లలిత ప్రియ కమలం విరిసినది ||2|| కన్నుల కొలనిది ఆ....
ఉదయ రవీకిరణం మెరిసినది ఊహల జగతిని ||2||
అమృత కలశముగా ప్రతినిమిషం ||2||
కలిమికి దొరకని చెలిమిని కురిసిన అరుదకు వరమిది ||లలిత||

చరణం 1

రేయి పగలు కలిపే సూత్రం సాంధ్య రాగం కాదా నీలో నాలో పొంగే ప్రణయం
నేల నింగి కలిపే బంధం ఇంద్ర చాపం కాదా మన స్నేహం ముడివేసే పరువం
కలల విరుల వనం మన హృదయం ||2||
వలచిన ఆమని కూరిమి నీరగ చేరిన తరుణం
కోటి తలపుల చివురులు తొడిగెను తేటి స్వరముల మధువులు చిలికెను
తేటి పలుకుల చిలకల కిలకిల తీగ సొగసులు తొణికిన మిలమిల
పాడుతున్నది ఎదమురళి రాగ చరితల గళమృదురవళి
తూగుతున్నది మరులవనీ లేత విరి కులుకుల నటనగని
వేల మధుమాసముల పూల ధరహాసముల మనసులు మురిసెను ||లలిత||

చరణం 2

కోరే కోవెల ద్వారం నీవై చేరుకోగ కాదా నీకై మ్రొగే ప్రాణం ప్రణవం
తీసే శ్వాసే ధూపం చూసే చూపే దీపం కాదా మమకారం నీ పూజా కుసుమం
మనసు హిమగిరిగా మారినది ||2||
కలసిన మమతల స్వరజతి పశుపతి పదగతి కాగా
మేని మలుపుల చెలువపు గమనము వీణపలికిన బిలిబిలి గమకము
కాలి మువ్వగ నిలిచెను కాలము పూల పవనము వేసెను తాళము
గేయమైనది తొలి ప్రాయం రాయమని మాయని మధుకావ్యం
స్వాగతించెను ప్రేమ పదం సాగినది ఇరువురి బ్రతుకురధం
కోరికల తారకల సీమలకు చేరుకొనె వడి వడి పరుగిడి
ఉదయ రవికిరణం మెరిసినది ఊహల జగతిని ఆ... ||లలిత||

రంగులలో కలవో

పల్లవి

రంగులలో కలవో
ఎద పొంగులలో కళవో
నవ శిల్పానివో
రతి రూపానివో
తొలి వూహల వూయలవో...

చరణం 1

కాశ్మీర నందన సుందరిలో
కైలాస మందిర లాస్యానివో
ఆమని పూచే యామినివో
మరుని బాణమో మధుమాస గానమో
నవపరిమళాల పారిజాత సుమమో

చరణం 2

రంగులలో కలనై
ఎద పొంగులలో కళనై
నవ శిల్పాంగినై
రతి రూపాంగినై
నిను వూహల వూగించనా

చరణం 3

ముంతాజు అందాల అద్దానివో
కషాబాను అనురాగ సౌధానివో
లైలా కన్నుల ప్రేయసివో
ప్రణయ దీపమో నా విరహతాపమో
నా చిత్రకళా చిత్ర చైత్రరధమో! ||రంగు||

అదే నీవు అదే నేను

పల్లవి

అదే నీవు అదే నేను
అదే గీతం పాడనా
కధైనా కలైనా
కనులలో చూడనా

చరణం 1

కొండా కోన గుండెల్లో
ఎండా వానలైనాము
గువ్వాగువ్వ కౌగిల్లో
గూడు చేసుకున్నాము
అదే స్నేహము అదే మోహము
ఆది అంతం ఏదిలేని గానము ||అదే||

చరణం 2

నిన్నా రేపు సందెల్లో
నేడై వుందా మన్నావు
కన్నీరైన ప్రేమలో
పన్నీరౌదా మన్నావు
అదే బాసగా అదే ఆశగా
ఎన్నినాళ్లీ నిన్న పాటే పాడను ||అదే||

ఎదుటా నీవే ఎదలోనా నీవే

పల్లవి

ఎదుటా నీవే ఎదలోనా నీవే
ఎటుచూస్తే అటు నీవే మరుగైనా కావే

చరణం 1

మరుపే తెలియని నా హృదయం
తెలిసీ వలచుట తొలి నేరం
అందుకె ఈ గాయం
గాయాన్నైనా మాననీవు
హృదయాన్నైనా వీడిపోవు
కాలం నాకు సాయం రాదు
మరణం నన్ను చేరనీదు
పిచ్చివాణ్ణి కానీదు
||ఎదుట||

చరణం 2

కలలకు భయపడిపోయాను
నిదురకు దూరం అయ్యాను
వేదన పడ్డాను
స్వప్నాలైతే క్షణికాలేగా
సత్యాలన్నీ నరకాలేగా
స్వప్నం సత్యమైతే వింత
సత్యం స్వప్నమయ్యేదుందా
ప్రేమకంత బలముందా
||ఎదుట||

చుక్కలాంటి అమ్మాయి చక్కనైన అబ్బాయి

పల్లవి

చుక్కలాంటి అమ్మాయి
చక్కనైన అబ్బాయి
ఇద్ద రొద్దికైనారు
ముద్దు ముద్దుగున్నారు
||చుక్క||

చరణం 1

ఈ పిల్లకు మనసైంది
ఆ కళ్ళకు తెలిసింది
ఆ పిల్లాడు వలచింది
ఈ బుగ్గకు సిగ్గైంది
కళ్యాణం వైభోగం
నేడో రేపో ఖాయం అన్నారు
మేళాలు తాళాలు బాణాసంచా కలలే కన్నారు
||చుక్క||

చరణం 2

పెళ్ళికి మాకేమిస్తారు?
కొత్త బట్టలు కుట్టిస్తారు
గుర్రం సార్టు ఎక్కిస్తారు
ఊరంతా ఊరేగిస్తారు
||చుక్క||

ప్రేమ ఎంత మధురం ప్రియురాలు

పల్లవి

ప్రేమ ఎంత మధురం
ప్రియురాలు అంత కఠినం
చేసినాను ప్రేమ క్షీరసాగర మథనం
మింగినాను హాలాహలం
ప్రేమించుటేనా నా దోషము
పూజించుటేనా నా పాపము
ఎన్నాళ్ళని ఈ ఎదలో ముల్లు
కన్నీరుగ ఈ కరిగే కళ్ళు
నాలోని నీ రూపము నా జీవనాధారము
అది ఆరాలి పోవాలి ప్రాణము
||ప్రేమ||

నే నోర్వలేను ఈ తేజము
ఆర్పేయరాదా ఈ దీపము
ఆ చికటిలో కలిసేపోయి
నా రేపటినే మరిచేపోయి
మానాలి నీ ధ్యానము కావాలి నే శూన్యము
అపు డాగాలి ఈ మూగగానము
||ప్రేమ||

ప్రేమలేదని ప్రేమించరాదని

పల్లవి

ప్రేమలేదని ప్రేమించరాదని
సాక్ష్యమే నీవని నన్ను నేడు చాటనీ
ఓ ప్రియా! జోహారులు!

చరణం 1

మనసు మాసిపోతే మనిషి కాదనీ
కటిక రాయికైనా కన్నీరుందనీ
వలపుచిచ్చు రగులుకుంటే ఆరిపోదనీ
గడియపడిన మనసు తలపుతట్టి చెప్పనీ
ముసురుగప్పి మూగవోయి నీ వుంటివి
||ప్రేమ||

చరణం 2

గురుతు చెరిపివేసి జీవించాలనీ
చెరప లేకపోతే మరణించాలనీ
తెలిసి కూడ చేయలేని వెర్రివాడిని
గుండె పగిలిపోవు వరకు నన్ను పాడనీ
ముక్కలలో లెక్కలేని రూపాలలో
మరల మరల నిన్ను చూచి రోదించనీ
||ప్రేమ||