మౌనమె నీ భాష ఓ మూగ మనసా...

మౌనమె నీ భాష ఓ మూగ మనసా ||2||
తలపులు ఎన్నెన్నో కలలుగా కంటావు
కల్లలు కాగానే కన్నీరౌతావు ||మౌనమె||

చరణం 1

చీకటి గుహ నీవు చింతల చెలి నీవు
నాటకరంగానివే... మనసా
తెగిన పతంగానివే
ఎందుకు వలచేవో ఎందుకు వగచేవో
ఎందుకు రగిలేవో ఏమై మిగిలేవో ||2|| ||మనసా||

చరణం 2

కోర్కెల సెగ నీవు కూరిమి వల నీవు
ఊహల ఉయ్యాలవే... మనసా
మాయల దెయ్యానివే
లేనిది కోరేవు ఉన్నది వదిలేవు
ఒక పొరపాటుకు యుగములు పొగిలేవు ||2|| ||మనసా||

సలలితరాగ సుధారససారం...

ఆ... ఆ... ఆ...
సలలితరాగ సుధారససారం ||2||
సర్వకళామయ నాట్య విలాసం ||2||
సలలితరాగ సుధారససారం

చరణం 1

మంజుల సౌరభ సుమకుంజముల ||2||
రంజిలు మధుకర మృధు ఝంకారం ||2|| ||సలలిత||
నిదాద సనీప నిదాప...
మగమదపా సరిగా...

చరణం 2

కల్పనలో ఊహించిన హొయలు ఆ...
కల్పనలో ఊహించిన హొయలు
శిల్పమనోహర రూపమునొంది ||2||
పదకరణములా మృదుభంగిమలా ||2||
ముదమార లయ మీరు నటనాల సాగే
సలలిత రాగ సుధారససారం
ఝణన ఝణన ఝణ నూపురనాదం
ఆ ఆ ఆ... ఆ... ఆ ఆ ఆ... ఆ... ||ఝణన||
భువిలో దివిలో రవళింపగా
పదపమపా... ఆ... ఆ...
మనిదమదా... ఆ... అ...
గమదనిరీసా... ఆ... ఆ...
రీసారీసా నిపద సానీసానీ దమప
నీదానీదా పమదప...
భువిలో దివిలో రవళింపగా
నాట్యము సలిపే నటరాయని ||2||
ఆనందలీలా వినోదమే ||సలలిత||

ఏటిలోని కెరటాలు ఏరు విడిచి పోవు...

ఏటిలోని కెరటాలు ఏరు విడిచి పోవు
ఎదలోపలి మమకారం ఎక్కడికీ పోదు ||ఏటిలోని||

చరణం 1

ఊరు విడిచి వాడ విడచి
ఎంతదూరమేగినా ||2||
సొంత ఊరు అయినవారు
అంతరాన ఉందురోయ్‌ ||2|| ||ఏటిలోని||

చరణం 2

పెంచుకున్న కొలది పెరుగు
తీయని అనుబంధము ||2||
గాయపడిన హృదయాలను
జ్ఞాపకాలే అతుకునోయ్‌ ||2|| ||ఏటిలోని||

చరణం 3

కనుల నీరు చిందితే
మనసు తేలికౌనులే ||2||
తనకు తన వారికి
ఎడబాటే లేదులే ||2|| ||ఏటిలోని||

శ్రీ రాఘవం దశరధాత్మజ మప్రమేయం

[శ్లోకం] శ్రీ రాఘవం దశరధాత్మజ మప్రమేయం
సీతాపతిం రఘు కులాన్వయ రత్నదీపం
ఆజానుబాహుం అరబ్వింద దళాయతాక్షం
రామం నిశాచర వినాశకరం నమామి