మనసా వాచా నిన్నే వలచా...

మనసా వాచా నిన్నే వలచా నిన్నే ప్రేమించా
నిన్నే తలచా నన్నే మరిచా నీకై జీవించా
ఆ మాట దాచా కాలాలు వేచా
నడిచానే నీ నీడలా ||మనసా||

చరణం 1

చిన్న తప్పు అని చిత్తగించమని అన్నా వినదు
అప్పుడెప్పడో నిన్ను చూసి నీ వశమై మనసు
కన్నీరైనా గౌతమికన్నా తెల్లారైనా పున్నమికన్నా
మూగైపోయా నేనిలా... ||మనసా||

చరణం 2

నిన్న నాదిగా నేడు కాదుగా అనిపిస్తున్నా
కన్ను చీకటై కలలు వెన్నెలై కాటేస్తున్నా
గతమేదైనా స్వాగతమననా నీ జతలోనే బ్రతుకనుకోనా
రాముని కోసం సీతలా... ||మనసా||

గుండెచాటుగా ఇన్నినాళ్ళుగా ఉన్న ఊహలన్నీ

గుండెచాటుగా ఇన్నినాళ్ళుగా ఉన్న ఊహలన్నీ
ఉన్న పాటుగా హంస లేఖలై ఎగిరి వెళ్లిపోనీ నిన్ను కలుసుకోనీ...
నిన్ను కలుసుకోనీ... విన్నవించుకోనీ... ఇన్నాళ్ల ఊసులన్నీ ||గుండె||

చరణం: 1

నీలిమబ్బులో నిలిచిపోకలా నింగి రాగమాల
మేలిముసుగులో మెరుపు తీగలా దాగివుండనేల
కొమ్మకొమ్మలో పూవుగా దివిలోని వర్ణాలు వాలగా
ఇలకు రమ్మని చినుకు చెమ్మని చెలిమి కోరుకోనీ
నిన్ను కలుసుకోనీ.... విన్నవించుకోనీ ఇన్నాళ్ల ఊసులన్నీ ||గుండె||

చరణం: 2

రేయి దాటని రాణివాసమా అందరాని తార
నన్ను చేరగా దారి చూపదా రెండు చేతులారా
చెదిరిపోని చిరునవ్వుగా నా పెదవి పైన చిందాడగా
తరలిరమ్మని తళుకులిమ్మని వలపు తెలుపుకోనీ
నిన్ను కలుసుకోనీ... విన్నవించుకోనీ ఇన్నాళ్ల ఊసులన్నీ ||గుండె||

నీలగగన ఘనవిచలన ధరణిజ శ్రీరమణ...

నీలగగన ఘనవిచలన ధరణిజ శ్రీరమణ...
మధురవదన నళిననయన
మనవి వినరా రామా
రామ చక్కని సీతకి అరచేత గోరింట
ఇంత చక్కని చుక్కకి ఇంకఎవరు మొగుడంట
రామ చక్కని సీతకి

చరణం: 1

ఉడుత వీపున వేలు విడిచిన
పుడమి అల్లుడు రాముడే
ఎడమ చేతను శివుడి విల్లును ఎత్తిన
ఆ రాముడే
ఎత్తగలడా సీత జడను తాళి కట్టే వేళలో
రామ చక్కని సీతకి

చరణం: 2

ఎర్ర జాబిలి చేయి గిల్లి
రాముడేడని అడుగుతుంటే
చూడలేదని పెదవి చెప్పి
చెప్పలేమని కనులు చెప్పి
నల్లపూసైనాడు దేవుడు నల్లని రఘురాముడు
రామ చక్కని సీతకి

చరణం: 3

చుక్కనడిగా దిక్కునడిగా
చెమ్మగిల్లిన చూపునడిగా
నీరు పొంగిన కనులలోన
నీటితెరలే అడ్డు నిలిచే
చూసుకోమని మనసు తెల్పి
మనసు మాటలు కాదుగా
రామ చక్కని సీతకి అరచేత గోరింట
ఇంత చక్కని చుక్కకి
ఇంకఎవరు మొగుడంట
ఇందువదన కుందరదన మందగమన భామా
ఎందువలన ఇందువదన ఇంతమధన...
ప్రేమా...

ఎదలో గానం పెదవే మౌనం

పల్లవి

ఎదలో గానం పెదవే మౌనం
సెలవన్నాయి కలలు సెలయేరైనా కనులలో
మెరిసెనిలా శ్రీరంగ కావేరి సారంగ వర్ణాలలో అలజడిలో

చరణం 1

కట్టుకధలా ఈ మమతే కలవరింత
కాలమొకటే కలలకైనా పులకరింత
శిలకూడా చిగురించే విధి రామాయణం
విధికైనా విధిమార్చే కధ ప్రేమాయణం
మరువకుమా వేసంగి ఎండల్లో
పూసేటి మల్లెల్లో మనసుకధ

చరణం 2

శ్రీ గౌరీ చిగురించే సిగ్గులెన్నో
పూచే సొగసులు ఎగసిన ఊసులు
మూగే మనసులు అవి మూగవై
తడి తడి వయ్యారాలెన్నో ప్రియా ప్రియా అన్నవేళ

తెలిసి తెలిసి వలలో పడెనే వయసు

పల్లవి

తెలిసి తెలిసి వలలో పడెనే వయసు
తలచి వలచి కలలే కనెనే మనసు
తనువున ఎన్నో తపనలు రేగే
తహ తహలోనే తకదిమి సాగే

చరణం 1

పొద్దసలే పోక నిద్దుర పోనీక
ఎవ్వరిదో కేక ఎదోతులదాకా
భారమాయె యవ్వనం బోరు కొట్టే జీవితం
రగిలేటి విరహాన రాధల్లె నేనున్నా
నీగాలి సోకేనా నా ఊపిరాడేనా
అది ఒక ఇదిలే ఇదిలే ఏదోలే

చరణం 2

నాకొద్దీ దూరం వెన్నెల జాగారం
బాత్‌రూం సంగీతం లేత ఈడు ఏంకాంతం
కోపమొచ్చే నామీద తాపమాయె నీ మీద
దేహాలు రెండైన ప్రాణాలు నీవేగా
విసిగించు పరువాన విధిలేక పడివున్న

చారుమతీ I LOVE YOU

పల్లవి

చారుమతీ I LOVE YOU
చంద్రముఖీ I LOVE YOU
రూపవతీ I LOVE YOU
నేను నీకే ఏకలవ్యు
a e i o u అన్నీ I LOVE YOU
I LOVE YOU
I LOVE YOU

చరణం 1

ఎదనే నీవు నిదురే లేపి ఎదురైనావు తొలి ప్రేమల్లే
కునుకే రాని ఉలుకైతీపి కలవై నావు ఎదనీడల్లే
అడిగా నిన్ను వరమిస్తావా
విడిగానన్ను వదిలేస్తావా
Yes No Yes No

చరణం 2

ఫ్లవరై విచ్చి కలరే ఇచ్చి వికసించావు తొలిఊహల్లో
చెలిమైవచ్చి చెలిగా నచ్చి ఉసిగొల్పావు నడిజాముల్లో
క్షణమే నాకు యుగమౌతావా
సఖివై నాకు సగమౌతావా

నువ్వేనా నా నువ్వేనా

పల్లవి

నువ్వేనా నా నువ్వేనా
నువ్వేనా నాకు నువ్వేనా
సూర్యుడల్లే సూదిగుచ్చే సుప్రభాతవేళ
మాటలాడే చూపులన్నీ మౌనరాగమేనా
చేరువైనా దూరమైనా ఆనందమేనా ఆనందమేనా

చరణం 1

మేఘమల్లే సాగివచ్చి
దాహమేదో పెంచుతావు
నీరు గుండెలోన దాచి
మెరిసి మాయమౌతావు
కలలేనా.. కన్నీరేనా..
తేనెటీగ లాగ కుట్టి తీపిమంట రేపుతావు
పువ్వులాంటి గుండెలోన
దారమల్లే దాగుతావు నేనేనా నీ రూపేనా

చరణం 2

కోయిలల్లే వచ్చి ఏదో
కొత్తపాట నేర్పుతావు
కొమ్మగొంతులోన గుండె
కొట్టుకుంటే నవ్వుతావు
ఏ రాగం.. ఇది ఏ తాళం..
మసక ఎన్నెలల్లే నీవు ఇసుక తిన్నె చేరుతావు
గసగసాల కౌగిలింత
గుసగుసల్లే మారుతావు ప్రేమంటే నీ ప్రేమేనా

వచ్చే వచ్చే నల్ల మబ్బుల్లారా

పల్లవి

వచ్చే వచ్చే నల్ల మబ్బుల్లారా
గిచ్చే గిచ్చే పిల్ల గాలుల్లారా
కళ్ళలోన పొంగుతున్న బాధలెన్నో మాకున్నాయి
గుండెలోన దాచుకున్న గాధలెన్నో మాకున్నాయి
తీరుస్తారా బాధ తీరుస్తారా
గాలివాన లాలి పాడేస్తారా

చరణం 1

పిల్లపాపలా వాన బుల్లిపడవలా వాన
చదువు బాధలే తీర్చి సెలవలిచ్చిన వాన
గాలివాన కబాఢ్డీ వేడి వేడి పకోడి
ఈడుజోడి ఢీ ఢీ ఢీ తోడుండాలి ఓ లేడి
ఇంద్ర ధనస్సులో తళుకుమనే ఎన్నిరంగులో
ఇంతి సొగసులే తడసినవి నీటి కొంగులో
శ్రావణమాసాలా జలతరంగం
జీవన రాగాలకిది ఓ మృదంగం

చరణం 2

కోరివచ్చినా ఈ వాన
గోరు వెచ్చెనై నాలోన
ముగ్గులా సిగ్గు ముసిరేస్తే
ముద్దులాటిదే మురిపాలా
మెరిసే మెరిసే అందాలు
తడిసే తడిసే పరువాలు
గాలివానలా పందిళ్ళు
కౌగిలింతలా పెళ్ళిళ్ళు
నెమలి ఈకలో ఉలికిపడే ఎవరికన్నుల్లో
చినుకు చాటునా చిటికెలతో ఎదురుచూపులో
నల్లని మేఘాలా మెరుపులందం
తీరని దాహంలా వలపు పందెం

యమునాతీరం సంధ్యారాగం

పల్లవి

యమునాతీరం సంధ్యారాగం
నిజమయినాయి కలలు నీలా రెండు కనులలో
నిలువగనే తేనెల్లో పూదారి ఎన్నెల్లో గోదారి మెరుపులతో

చరణం 1

ప్రాప్తమనుకో ఈ క్షణమె బ్రతుకులాగా
పండెననుకో ఈ బ్రతుకే మనసుతీరా
శిధిలంగా విధినైనా చేసేదే ప్రేమ
హృదయంలా తననైనా మరిచేదే ప్రేమ
మరువకుమా ఆనంద ఆనందమానందమానందమాయేటి మనసు కధ

చరణం 2

ఒక్క చిరునవ్వే పిలుపు విధికి సైతం
చిన్న నిట్టూర్పే గెలుపు మనకు సైతం
శిశిరంలో చలిమంటై రగిలేదే ప్రేమ
చిగురించే ఋతువుల్లే విరబూసే ప్రేమ
మరువకుమా ఆనంద ఆనందమానందమానందమాయేటి మధుర కధ