విజయీభవా

పల్లవి

విజయీభవా - ప్రకృతి మాతా
భువనార్చితా - అజవందితా ||వి||
జయదేవి మాయా - జగదావనీ
సురలోకపూజ్యా - చరణాంబుజా ||వి||

కేళీలోలా కృష్ణగోపాలా

పల్లవి

కేళీలోలా కృష్ణగోపాలా
లీలానంద ముకుందా లీలానంద ముకుందా ||కే||
చీకటి బాధకు లోకాలన్ని
చీకాకందగ చిరునగవేలా
చీకాకందగ చిరునగవేలా

నీ సరిదేవతలేరీ యేరీ

పల్లవి

నీ సరిదేవతలేరీ యేరీ నటనసూత్రధారీ . . . ||నీ||
దాసజనావళి, దయతో కాచెదు
దోషుల కాలనురాచెదవాహా ||నీ||

చరణం

వేదములకు నీ పాదము పట్టక రాదుగదా విలువా,
అయినను యేదియు నేరని వానిగ నాడుదు
వాదనకా యిది శౌరీ ||నీ||

పాహిమాం దేవా

పల్లవి

పాహిమాం దేవా, పాహి పాహిమాం ||పాహి||
పాహిమాం జగదేకరక్షా,
పాహిమాం కరుణాకటాక్షా ||పాహి||

చరణం

స్నేహభావముతోడనైనా
వైరిద్వేషముచేతనైనా
నిన్నుదలచెడి వారినందర మన్ననల దేవించు దక్షా ||పాహి||

గోకుల విహారీ

పల్లవి

గోకుల విహారీ, మురారీ గోవర్ధన ధారీ . . . ||గో||
మాయానాటక సూత్రధారీ,
మానవ జన సంతాపహారీ ||గో||

చరణం

గోపీమండల సంతత హారీ
సరసమూహ విదారి శౌరి ||గో||

నీ మహిమనెన్న

పల్లవి

నీ మహిమనెన్న తరమా ||నీ||
నిఖిల లోకనాధాకృష్ణా
నీపద దాసులా, నిస్కారణముగ, ||నీ||
నిందించిన వారిని దండించెదు

చరణం 1

సాధుల బాధకు వేదన గాంచెదు,
సాయము చేయగ సరగున పోవుదు ||నీ||