జయహే కృష్ణావతారా

పల్లవి

[నారదుడు] జయహే కృష్ణావతారా
నందయశోద పుణ్యావతారా ||జయహే||
పాపులనణచీ - సాధుల బ్రోవగ
వ్రేపల్లె వెలసిన - గోపకిశోరా ||జయహే||

[యశోద] ఎన్నో జన్మల పున్నెము పండీ
నిన్ను కంటిరా చిన్నారి తండ్రీ

[పూతన] కన్నతల్లి నీ కడుపెరగదు నా
చన్నుగుడువ కనుమూసెదు రారా

[నారద] విష పూతన ప్రాణాపహారీ
శకటాసుర సంహారి - శౌరీ ||జయహే||

[గోపికలు] 1) కాపురమ్ము సేయలేమమ్మా - వ్రేపల్లెలోన
ఓ యశోదా : ఈ పాపమెందూ చూడాలేదమ్మా
2) పాలు వెన్న మనగ నీడు
3) పడుచు నొంటిగ చనగనీడు
4) కలిము ఉంటే కట్టి కుడుతురు
5) కన్న సుతునిటు విడుతురా
కాపురమ్ము సేయలేమమ్మా

[నారద] జయ హే కృష్ణావతారా
నందకుమారా! నవనీత చోరా ||జయ హే||
కాళింగమడుగున కాళీయు పడగల
కాలూని ధిమి ధిమి నాట్యము చేసి
సర్పాధీశుని దర్పము నణచిన
తాండవ నాట్య వినోదా ||జయ హే||
కాళీయ మణిగణ రంజిత చరణా
జయ హే కృష్ణావతారా

[చిన్నికృష్ణ] తనువుల పై అభిమానము వీడిన గాని
తరణులార ననుజేర తరముగాదులే
సిగ్గు వదిలి యిరుచేతులు జోడించండి
చెల్లింతును మనసుదీర మీ కోరికలా

[నారద] జయ హే కృష్ణావతార
గోపకుమారీ : వస్త్రాపహార ||జయ హే||

[చిన్నికృష్ణ] బాలుడితడనీ - శైలము
చాల బరువనీ
మీ భయము వదులుకొండీ
నా అండను చేరగరండీ
ఈ కేలల్లాడదు నమ్మండీ

[నారద] గోవర్ధన గిరిధారి
సురనాయక గర్వాపహారి ||జయ హే||

[రాధ] కృష్ణా!!!
రాధా మానసచోరా
నీ మధు మురళీ గానమునా
నా మనమూ బృందావనమూ
నిలుపున పూచీ - నీ పద పూజకు
పిలిచేనోయీ - రావోయీ
సేవలు చేకొన - రావోయీ ||రాధా మానస చోరా||

శ్రీలోలా దివ్యనామ

పల్లవి

[నారద] శ్రీలోలా దివ్యనామ దీనాపనా
మమ్మేలే దైవరాయ మా మోహనా
నమో మా మోహనా ||శ్రీలోలా||
ఘనులే మీరా మేమూ వేరా
నాటక మేలయ్యా ఓ వేషధారి
సర్వం ఏకమే సకలం నీ లీలే ||శ్రీలోలా||
[దేవకన్యలు] మనురాగభావమే ఈ సీమ
ఓ లేమా . . . ఓ భామా ||మనరాగ||
[కన్య] విరజాజి రేఖ ఓ చెలి - మరుమల్లి తీవె ఓ సఖి
కలలేలే కద మనలీలేకద - నవనందనమ్ము మనమే ||మనరాగ||
[కన్య 2] ఎందెందులేనీ విందులు - వేరెందెందు కనరాని వింతలూ
యోగులైనా మౌనులైనా మరగేరు మా నీడనే
[నారద] ఆ పాట మానవేసుర వీణా - నీ మాట బూటకం నెర
ఓ వీణా . . . ఓ జాణా . . .

ఓం నమశ్శివాయ

పల్లవి

ఓం నమశ్శివాయ - నమశ్శివాయ - నమో నమస్తే
శంభో శంకర జగత్కారణా
సకల సురాసుర సేవిత చరణా
గంభీరం భోధ ర కభరీ భర
కాలకంఠ భవ సాగరతరణా ||ఓం||
పాహి పాహి పార్వతీ మనోహర
అహిభూషణ ఐశ్వర్య ప్రదాతా
మహాదేవ కైలాస నివాసా
చంద్రమౌళి మదనారి సదాశివ ||ఓం||
పరమ పురుష జగదీశ పరాత్పర
భక్త జనావన పరమ పావనా
కరుణాన్విత గంగాధర శ్రీకర
దురితదూర పరమాత్మ నిరంజన ||ఓం||