నమస్తే నమస్తే ప్రభో

పల్లవి

నమస్తే నమస్తే ప్రభో విశ్వమూర్తే
నమస్తే నమస్తే చిదానంద మూర్తే !
నమస్తే నమస్తే తపో యోగ గమ్య !
నమస్తే నమస్తే శృత జ్ఞానగమ్య !
ప్రభో శూలాపాణే విభో విశ్వనాధ
మహాదేవశంభో మహేశా త్రినేత్ర
శివాకాంత శాంత శ్వరారే పురారే
పదాంభోరుహం తే నమస్యామి శంభో !

బీదల రోదన వినవా

పల్లవి

బీదల రోదన వినవా
నిరు పేదల వేదన కనవా
ఓ కానని దైవమా ||బీదల||
కూటసాక్ష్యములు చెప్పేవాళ్లు
కొంపలు తీసి గడించేవాళ్లు
జారులు చోరులు కూనికోరులు
వీరా వూరికి పాలకులు
ఓ కానని దైవమా ||బీదల||
సొమ్మిస్తేనే రక్షిస్తావా
నమ్మినదీనుల శిక్షిస్తావా
దీనుల కాచే దేవుడందురు
దేనికి నీకీ పేరో చెపుమా
ఓ కానని దైవమా ||బీదల||
కానీ లేదుర ముడుపుగట్టుటకు
కన్నీటను నీ కాళ్లు కడిగెదను
అన్నెము పున్నెము ఎరుగమురా
మమ్మాదరించి కాపాడ రమ్మురా
ఓ కానని దైవమా ||బీదల||

ఏకాకిగ విలపించుచుంటినా

పల్లవి

ఏకాకిగ విలపించుచుంటినా చీకాకున బడి తల్లీ! ||ఏ||
కాపురముండవు కష్టాలేవీ కలకాలము ఓ చెల్లీ! ||ఏ||
మిడిసిపడే యీ పెత్తనదారులు మెత్తని కత్తులు తల్లీ!
కలిమి బలంతో పేదల జంపి కులుకుచుందురో చెల్లీ! ||ఏ||
అన్నను మించిన ఆప్తుని యొవడో హత్య చేసె గద తల్లీ!
దేవుని సన్నిధికేగిన తల్లీ తిరిగిరాదు ఓ చెల్లీ! ||ఏ||
విడదీసెడు మీ గువ్వల జంటను వేటకాడు నా తల్లీ!
నిజమేదో తెలియును జగతికి నిలకడ మీదను చెsల్లీ! ||ఏ||

నేడు నా మనసు ఉయ్యాల లూగెనే

పల్లవి

నేడు నా మనసు ఉయ్యాల లూగెనే
నాదు మదిలోని కోరికలు రేగెనే ||నేడు||
కొమ్మ మీద చిలకమ్మ
కొసరి కూసే కోకిలమ్మ
బావకు నాకూ పెళ్లోయమ్మా
పాటలు కమ్మంగ పాడాలమ్మ
మిమ్ము నే పిలువ వచ్చానే విందుకు
మీరే నిజమైన చుట్టాలైనందుకు ||నేడు||
మీతో పాటే వనిలో వుంటా
కాయలు పళ్లూ తిని జీవిస్తా
పనిపాటలలో పరుగులు తీస్తా
బావకు నేనే సాయం జేస్తా
అడవికి రాణీరాజులు మేమై
హాయిగ కాలం గడిపేస్తాం ||ఆహా||
యీ అడవి నా రాజు యిల్లులే
మమ్ము బ్రతికించే బంగారు తల్లివే ||నేడు||
బడలికతో బావ యిల్లు చేరితే
ఉడుకు నీళ్లతో వీపు కడుగుతా
బువ్వ పెట్టి కతలెన్నో చెపుతా
ఓ . . . చెలియలారా
పుట్టెడు అలసట తీరిచి వేస్తా ఓ
మాదే జీవితము మాదేను అందము
లేదు సోమరికి యిట్టాటానందము ||నేడు||

ఏది నిజం ?

పల్లవి

ఏది నిజం ? ఏది నిజం ?
మేదినిలో ఏది నిజం ?
మానవుడా ఏది నిజం ?
పేదవారి వాదనలకు లేదుకదా ఖరీదు
వాయి తెరచి వాగునట్టి వాడెకదా నవాబు
పగలు పెంచి తలలు త్రుంచి
తిరగడమే రివాడు
ఇదా నిజం ఏది నిజం ?
తెలుసుకున్న నిజము కన్న
తెలియనిదే ఎక్కువ
దాచుకున్న అసలు కన్న
వడ్డీపై మక్కువ
గడుసుతనపు పెడసరులకు
అసలు సరుకు తక్కువ
ఇదా నిజం ? ఏది నిజం ?
నీరు పల్లమెరిగినట్లు
నిజ మెరుగును దేవు(డు
చెడుపు చేయునట్టివారి
శిక్షించక మానడు
అధికులనెడి అధములనెడి
అంతరాలు చూడడు
ఇదే నిజం - ఇదే - నిజం

నా రాజు రాడాయెనే చెలి

పల్లవి

నా రాజు రాడాయెనే చెలి
అదే రేరాజు ఏతెంచెనే ||నా రాజు||
పొద్దు గుంకేముందు పోయినా డేమందు
చెలి వాని విడనాడి మనజాలనే ||నా రాజు||
కన్ను సైగలు చేసి నన్ను మరలు కొలిపి
హరియించెనే మనసు అతని పాలీ వయసు
ఎదురుచూచీ విసిగి నిదురపోవగ నెంచి
కనుమూయ నా విభుడె కనుపించుచున్నాడె ||నా రాజు||

నిన్నే కోరిన చిన్నది

పల్లవి

నిన్నే కోరిన చిన్నది
నీ ఒడిలోనే ఉన్నది
మంచికి గానీ చెడ్డకి గానీ
నిన్నే నమ్ముకున్నది
ఆ చిన్నది ఏమన్నది?
మేడలు,మిద్దెలు
చీరలు, నగలు
వద్దు వద్దు నాకన్నది
యిద్దరి మనసులు ఏకం అయితే
అదియే పదివేలన్నది ||నిన్నే||
ఒళ్లు వొంచి నీవు శ్రమ పడుతుంటే
సాయం చేస్తానన్నది
నీతో ఆటలు నీతో పాటలు
అదియే స్వర్గం అన్నది ||నిన్నే||
నీవే సూర్యుడు తానే తామర
పూవై నిలిచా మన్నది
కీడు తలంచే చీడపురుగులను
దూరం చేస్తానన్నది
కడు దూరం చేస్తానన్నది ||నిన్నే||

గుత్తి వంకాయ కూరోయ్ బావా

పల్లవి

గుత్తి వంకాయ కూరోయ్ బావా
కోరి వండినానోయ్ బావా ||గుత్తి||
కూర లోపల నా వలపంతా
కూరపెట్టి నానోయ్ బావా
కోరికతో తినవోయ్ బావా ||గుత్తి||
తీయని పాయసమోయ్ బావా
తీరుగ వండానోయ్ బావా
పాయసములో ప్రేమనియేటి
పాలు పోసినానోయ్ బావా
బాగని మెచ్చాలోయ్ బావా ||గుత్తి||
కమ్మని పూరీలోయ్ బావా
కరకర వేచానోయ్ బావా
కరకర వేచిన పూరీల తన
కాంక్ష వేసినానోయ్ బావా
కనికరించి తినవోయ్ బావా ||గుత్తి||
వెన్నెల యిదిగోనోయ్ బావా
కన్నుల కింపౌనోయ్ బావా
వెన్నెలలో నా కన్నెవలపనే
వెన్న కలిపినానోయ్ బావా
వేగముగ రావోయ్ బావా ||గుత్తి||
పూవుల సజ్జదిగో
మల్లెపూవుల పరచిందోయ్ బావా
పూవులలో నాయవ్వనమంతా
పొదిపి పెట్టినానోయ్ బావా
పదవోయ్ పవళింతాం బావా

కర్నూలు ఎక్కడ కాకినాడ ఎక్కడ

పల్లవి

కర్నూలు ఎక్కడ కాకినాడ ఎక్కడ
ఏలూరు సాలూరు ఆలూరు ఎక్కడ వరంగల్లు ఎక్కడ
వాడవాడల నుండి వాలాము ఇక్కడ
లక్కా బంగారంలా అతుక్కుపోయామురా బ్రదర్

చరణం 1

భలే భలే మంచి రోజులులే మళ్ళీ మళ్ళీ ఇక రావులే||2||
స్టూడెంట్ లైఫే సౌఖ్యములే చీకుచింతలు దూరములే
||భలే భలే||

చరణం 2

పంపు నీళ్ళు బందయితే స్నానానికి నోచుకోము
గుయ్‌మని దోమలు దాడిచేస్తే శివరాత్రి జాగరణ చేస్తాము
ఉప్పు కారం లేని హోటల్ సాపాటుతో చప్పబడిపోయామురా బ్రదర్
ఎన్ని కష్టాలురా నా తండ్రీ భయపడకురా పుత్రా
కష్టాలను దిగమింగేద్దాం కలకల నవ్వుతూ గడిపేస్తాం
||భలే భలే||

చరణం 3

ఇంటికి పోతే పెళ్ళిపెళ్ళని వెంటపడతారు పెద్దలు
పెళ్ళి చేసుకుంటే మేమూ మేమని పుట్టుకొస్తారు పిల్లలు
ఈ జంజాటంలో విద్యనాశాయ సర్వం నాశాయ
నమో నమోరా బ్రదర్ సహనం సహనం ఉపాయం ఉంది నాయనా
పెళ్ళికి బకాయి పెట్టేస్తాం బాధ్యతలన్నీ నెట్టేస్తాం
||భలే భలే||

చరణం 4

బాధ్యతలెన్నడూ మరచిపోరాదు ప్రగతిమార్గము నెపుడు వదలిపోరాదు
క్రమశిక్షణ పాటించి కదలి రావాలిరా
ఆదర్శంగా నడవాలి అందరు భేషని పొగడాలి||2||
||భలే భలే||

శివ గోవింద గోవింద హరి గోవింద

పల్లవి

శివ గోవింద గోవింద హరి గోవింద గోవింద||2||

చరణం 1

సంతానమే లేక స్వర్గమే లేదని చిట్టి పాపను తెచ్చి పెంచుకుంటారు||2||
సంతు కలిగిందంటే చిట్టి పాపాయి గతి శ్రీమతే రామానుజాయ నమ||శివ గోవింద||

చరణం 2

తమ బాగు కోసమై తంటాలు పడలేనివారు
ఎదుటి కొంపకు ఎసరుపెడతారయా
పొరుగు పచ్చను ఓర్వలేనివారి గతి
శ్రీమతే రామానుజాయ నమ + వెలుగునీడలు,
||శివ గోవింద||

చరణం 3

ఒరుల కోసం త్యాగమొనరించు వారొకరు
పరుల మోసం చేసి బ్రతుకు వారింకొకరు
ఉపకారికే కీడు తలపెట్టువారి గతి
శ్రీమద్రమారమణ గోవింద
||శివ గోవింద||

చరణం 4

కలిమి లేనన్నాళ్ళు కలిసిమెలిసుంటారు
కలిమి చేరిననాడు కొట్లాడుకుంటారు
కలిమి పెంచే కాయకష్టజీవుల పని
శ్రీమతే రామానుజాయ నమ
||శివ గోవింద||

చరణం 5

ఆ నాడు శ్రీయోగి వీరబ్రహ్మంగారు
కాలజ్ఞానం బోధ చేశారయా
ఈ నాడు ఈ వెంగళప్ప మాట
అక్షరాలా జరిగి తీరేనయా
||శివ గోవింద||

శ్రీ మన్మహావిష్ణుదేవా!

శ్రీ మన్మహావిష్ణుదేవా! నితాంత ప్రభావా! భవాంభోధినావా!
మహాయోగి హృన్మండలావాస! ఓ శ్రీనివాసా
దయాశాంత భావంబులన్ నీదునేత్రద్వయి న్నిత్పి
లోకాల పాలించు తేజోవిలాసా

మహొగ్ర స్వరుపంబునన్ నీదు చక్రానల జ్వాల ఈరేడు లోకంబులన్ నన్ను
వెన్నాడి, నా జీవ సంధుల్ దహింపంగ జొచ్చెన్ భరింపంగలేనయ్యా
దీనిన్ మరల్చంగ నీవే సమర్ధుండ వోదేవ దీనాతి దీనుంద ప్రాణార్తుండన్
నన్ను కాపాడవే శ్రీహరీ! పాహిమాం పాహిమాం పాహిమాం

శ్రీరామ నీనామమెంతో రుచి - ఎంతో రుచిరా!

శ్రీరామ నీనామమెంతో రుచి - ఎంతో రుచిరా!
ఓ రామ నీ నామ నీ నామ మెంతో రుచిరా
ఎంతో రుచి - ఎంతో రుచి - ఎంతో రుచిరా
||శ్రీరామ||

పాలు మీగడల గన్న - పంచదార చిలకల కన్న
||శ్రీరామ||
తప్పులు చేయుట మావంతు - దండన పొందుట
మావంతు - యమ దండన పొందుట మా వంటు
పాపం చేయుట మా వంతు - దయ చూపించడమే నీ వంతు
||శ్రీరామ||

రాతినే యిల నాతిగ మార్చి - కోతికే పలునీతులు నేర్పి
మహిమలెన్నో చూపిన దేవా - మము బ్రోవ రాలేవా
||శ్రీరామ||

పవమానసుతుడు బట్టు నీ పాదారవిందములకు
నీ నామ రూపములకు నిత్యజయ మంగళం

ముకుందరామ పాహిమాం

శ్రీరామా....రామా!
రామరామ పాహిమాం! ముకుందరామ పాహిమాం
రమస్మరణ చేయరే! ముకుందరామపాహొమాం
దానవులను సంహరించి తాపసులను సంరక్షించి
విల్లువంచి సీతనే వరించె రామ పాహిమాం
||ముకుంద||

పితృవాక్యపాలనకై రాజ్యమే త్యజించి
కాననమ్ము లాశ్రయించె రామ రామ పాహిమాం
||ముకుంద||

మాయలేడి జూచి సీత భ్రాంతి చెంది కోరగా
వెంబడించె రాముడే రామరామ పాహిమాం
||ముకుంద||

భిక్షురూపమందు వచ్చి రావణుండుమాయచేసి
అపహరించె సీతనే రారామ పాహిమాం
||ముకుంద||

శోకమూర్తి సీతనే అశోకవనమ్ములో
వాయు పుతృడోదార్చె రామ రామ పాహిమాం
||ముకుంద||

వార్దిపైన వారధి నిర్మించి దాశరధి
రావణుని సంహరించె రామ రామ పాహిమాం
||ముకుంద||

ప్రజాకోటి పూజలంది రామచంద్రుడే అయోధ్య
పాలనమ్ము సాగించెహ్ రామ రామ పాహిమాం పట్టాభి రామ పాహిమాం
రామ రామ పాహిమాం పట్టాభిరామ పాహిమాం
రామ రామ పాహిమాం పట్టాభిరామ పాహిమాం