నేను సైతం నేను సైతం నేను సైతం...

ఒంటరిగా దిగులు బరువు మోయబోకు నేస్తం
మౌనం చూపిస్తుందా సమస్యలకు మార్గం
కష్టం వస్తేనే కదా గుండె బలం తెలిసేది
దుఃఖ్ఖానికి తలవంచితె తెలివి కింక విలువేది
మంచైనా చెడ్డైనా పంచుకొను మేలైన
ఆ మాత్రం ఆత్మీయత కైనా పనికిరాన
ఎవ్వరితో ఈ మాత్రం పంచుకొన వీలులేని
అంతటి ఏకాంతమైన చింతలేమిటంది

చెప్పాలని వుంది గొంతు విప్పాలని వుంది ||3||
గుండెల్లో సుడి తిరిగే కలత కధలు
చెప్పాలని వుంది గొంతు విప్పాలని వుంది ||2||

కోకిలల కుటుంబంలొ చెడ బుట్టిన కాకిని అని
ఐన వాళ్ళు వెలివెస్తే ఐనా నే ఏకాకిని ||కోకిలల||
చెప్పాలని వుంది గొంతు విప్పాలని వుంది ||2||

పాత పాట మారాలని చెప్పటమే నా నేరం
గూడు విడిచి పొమ్మన్నది నన్ను కన్న మమకారం
వసంతాల అందం విరబూసే ఆనందం
తేటి తేనె పాట పంచె వన్నెల విరి తోట ||వసంతాల||
బ్రతుకు పుస్తకంలో ఇది ఒకటేనా పుట
మనిషి అడుగు జాడల్లో లేదా ఏ ముళ్ళ బాట ||2||
చెప్పాలని వుంది గొంతు విప్పాలని వుంది ||3||

ఏటి పొదుగున వసంతమొకటేనా కాలం
ఏది మరి మిగతా కాలాలకు తలం
నిట్టూర్పుల వడగళ్ళుల శృతిలో ఒకడు
కంటి నీటి కుంభవృష్టి జడిలో ఇంకొకడు
ముంచు వంచెనకు మోడై గోడు పెట్టు వాడొకడు
నీలి గొంతులోని చేత వెనుక వున్నదే రాగం
అనుక్షణం వెంటాడే ఆవేదన ఏ తాళం
అని అడిగిన నా ప్రశ్నకు అలిగినట్టె కోకిల
కళ్ళు వున్న కబోధిలా చెవులున్నా బధిరుడిలా
నూతిలోని కప్పలా బ్రతకమన్న శాసనం
కాదన్నందుకు అక్కడ కరువాయెను నా స్థానం
చెప్పాలని వుంది గొంతు విప్పాలని వుంది ||3||

అసహాయతలో దడ దడ లాడే హృదయ మృదంగ ధ్వానం
నదుల నడకల తడబడి సాగే ఆర్తుల ఆరని శోకం
యెదరి బతుకుల నిత్యం చస్తూ సాగే బాధల బీటలు
దిక్కు మొక్కు తెలియని దీనుల యదార్థ జీవన స్వరాలు
నిలువున నన్ను కమ్ముతున్నాయి శాంతితో నిలువనీయకున్నాయి
ఈ తీగలు సవరించాలి ఈ అపశృతి సరిచేయ్యాలి
జన గీతిని వద్దనుకుంటూ నాకు నేనె హద్దనుకుంటూ
కలలో జీవించను నేను కలవరింత కోరను నేను

నేను సైతం విశ్వ వీణకు తంతినై మూర్చనలు పోతాను
నేను సైతం భువన ఘోషకు వెర్రి గొంతుక విచ్చి మోస్తాను
నేను సైతం ప్రపంచాజ్ఞకు తెల్ల రేఖై పల్లవిస్తాను
నేను సైతం నేను సైతం బ్రతుకు బాటకు గొంతు కలిపాను ||2||
సకల జగతిని శాశ్వతంగా వసంతం వరియించు దాకా
ప్రతీ మనిషికి జీవనంలో నందనం వికసించు దాకా
పాత పాటలు పాడలేను కొత్త బాటను వీడి పోను ||2||
నేను సైతం నేను సైతం నేను సైతం... ||2||

దోబూచులాటేలరా.. గోపాల మనసంత నీవేనురా...

దోబూచులాటేలరా గోపాల నా మనసంత నీవేనురా ||2||
ఆ ఏటి గట్టునేనడిగా చిరు గాలి నాపి నే నడిగా ||2||
ఆకాశాన్నడిగా బదులే లేదు ||2||
చివరికి నిన్నే చూసా హృదయపు గుడిలో చూసా ||2|| ||దోబూచులాటేలరా||

చరణం 1

నా మది నీకొక ఆటాడు బొమ్మయ.. ||2||
నాకిక ఆశలు వేరేవి లేవయ ఎద లోలో దాగదయా
నీ అధరాలు అందించ రా.. గోపాల ||2||
నీ కౌగిలిలో కరిగించరా నీ తనువే ఇక నా వెల్లువా
పాలకడలి నాడి నా గానం నీ వన్నె మారలేదేమి ||2||
నా యెదలో చేరి వన్నె మార్చుకో ఊపిరి నీవై నే సాగ
పెదవుల మెరుపు నువు కాగ చేరగ రా... ||దోబూచులాటేలరా||

చరణం 2

గగనమే వర్షించ గిరి నెత్తి కాచావు.. ||2||
నయనాలు వర్షించ నన్నెట్లు బ్రోచేవు
పూవునకనే నీ మతమా నేనొక్క స్త్రీ నే కదా గోపాల
అది తిలకించ కన్నులే లేవా నీ కలలే నే కాదా
అనుక్షణము ఉలికే నా మనసు అరె మూగ కాదు నా వయసు
నా ఊపిరిలోన ఊపిరి నీవై ప్రాణం పోనీకుండ ఎపుడూ నీవే అండ కాపాడరా ||దోబూచులాటేలరా||

నా చూపే నిను వెతికినది నీ వైపే నను తరిమినది

నా చూపే నిను వెతికినది నీ వైపే నను తరిమినది
నాకెందుకిలా ఔతోంది నా మదినడిగితె చెబుతుంది
నువ్వే నువ్వే తనలోనె ఉన్నావంటు
నీకే నీకే చెప్పాలి అంటున్నది

చరణం 1

నిన్నే తలచిన ప్రతి నిమిషం ఏదో తెలియని తీయదనం
నాలో నిలవని నా హృదయం ఏమౌతుందని చిన్న భయం
గుండెలోన చోటిస్తాలే నన్ను చేరుకుంటే
వేలు పట్టి నడిపిస్తాలే నా వెంటే నీవుంటే

చరణం 2

పెదవులు దాటని ఈ మౌనం అడిగేదెలాగ నీ స్నేహం
అడుగులు సాగని సందేహం చెరిపేదెలాగ ఈ దూరం
దిగులు కూడ తీయగలేదా ఎదురు చూస్తూ ఉంటే
పగలు కూడ రేయైపోదా నీవుంటే నా వెంటే

తరలిరాద తనే వసంతం...

తరలిరాద తనే వసంతం
తన దరికి రాని వనాల కోసం...
గగనాలదాక అల సాగకుంటే,
మేఘాల రాగం ఇల చేరుకోదా ||తరలిరాద||

చరణం 1

వెన్నెల దీపం కొందరిదా..
అడవిని సైతం వెలుగు కదా ||వెన్నెల్ల||
ఎల్లలు లేని చల్లన్ని గాలి..
అందరి కోసం బంధువు కాగా...
ప్రతీ మదిని లేపే ప్రభాతరాగం
పదే పదే చూపే ప్రధాన మార్గం
ఏదీ సొంతం కోసం కాదను సందేశం..
పంచే గుణమే పోతే ప్రపంచమే శూన్యం...
ఇది తెలియని మనుగడ కధ
దిశలెరుగని గమనము కద....

చరణం 2

బ్రతుకున లేని శృతి కలదా..
ఎద సడిలోనే లయ లేదా ||బ్రతుకున||
ఏ కల కైనా.. ఏ కళ కైనా..
జీవిత రంగం వేదిక కాదా..
ప్రజాధనం కాని కళా విలాసం
ఏ ప్రయోజనం లేని వృధా వికాసం..
కూసే కోయిల పోతే కాలం ఆగిందా...
మారే ఏరై పారే మరో పదం రాదా..
మురళికి గల స్వరమను కళ
పెదవిని విడి పలకదు కద... ||తరలిరాద||

నిన్నేనా.. నేను చూస్తుంది నిన్నేనా...

నిన్నేనా.. నేను చూస్తుంది నిన్నేనా..
నువ్వేనా.. నువ్వులా ఉన్న ఎవరోనా..
కోపంలో నిప్పుల కొండలా.. రూపంలో చుక్కల దండలా..
నవ్వులో చిలకమ్మలా.. చిన్నారుల చేతికి బొమ్మలా..
ఇంతకీ నువ్ ఒకడివా వందవా… ఎంతకీ నువ్ ఎవరికీ అందవా..
కొత్తగా loveలో పడుతుంటే.. కొద్దిగా ఇదిలా ఉంటుందే..
ముందుగా మనసుకి తెలిసుంటే.. ముందుకే నెడుతూ ఉంటుందే..
తప్పుకోవాలనుకుంటూనే.. తప్పుకోలేననుకుంటుందే..
నొప్పిలో తీపి కలుస్తుందే.. రెప్పలో రేపు మరుస్తుందే.. ||నిన్నేనా||

చరణం 1

తడవక నడిపే గొడుగనుకోనా.. అడుగుల సడిలో పిడుగైనా..
మగతనిపించే.. మగతనమున్నా.. మునివనిపించే.. బిగువేనా..
ముళ్ళలా నీ కళ్ళిలా నను గిల్లిపోతున్నవా..
పువ్వులా నా సున్నితాన్నే కాపు కాస్తున్నవా..
నాకేమవుతావొ.. చెప్పవ ఇపుడయినా..
చెప్పమని అడిగేం లాభంలే..
ఎప్పుడో పొందిన answerలే ఉత్తినే వేసే questionలే..
ఊరికే తీసే ఆరాలే.. నిద్ర చెడగొట్టే నేరాలే..
కుదురుగా ఉంచని తొందరలే… దరిమిలా అంతా నీ వల్లే,
అంటు నిలదీసే నిందల్లే… ||నిన్నేనా||

చరణం 2

బిత్తరపోయే బెదురొదిలించూ.. కొత్తగ తెగువే కలిగించు
కత్తెర పదునై బిడియం తెంచు.. అత్తరు సుడివై నను ముంచు..
చెంప కుట్టే తేనె పట్టై ముద్దులే తరమనీ..
చెమట పుట్టే పరుగు పెట్టి హద్దులే కరగనీ..
అని అడగాలన్నా.. అడిగేయ్ లేకున్నా…
||చెప్పమని|| ||నిన్నేనా||

ధీర ధీర ధీర మనసాగలేదురా...

ధీర ధీర ధీర మనసాగలేదురా
చేర రార శూర సొగసందుకో దొరా
అసమాన సాహసాలు చూడ రాదు నిద్దురా
నియమాలు వీడి రాణివాసమేలుకోర
ఏకవీర ధీర ||ధీర ధీర||

చరణం 1

సమరములో దూకగా చాకచక్యం నీదేరా
సరసములో కొద్దిగా చూపరా
అనుమతితో చేస్తున్న అంగరక్షణ నాదేగా
అధిపతినై అది కాస్తా దోచేదా
పోరుకైన ప్రేమకైనను దారి ఒకటేరా
చెలి సేవకైన దాడికైన చేవ ఉందిగా
ఇటు ప్రాయమైన ప్రాణమైన
అందుకోరా ఇంద్రపుత్ర ||ధీర ధీర||

చరణం 2

శశిముఖితో సింహమే జంట కడితే మనమేగా
కుసుమముతో ఖడ్గమే ఆడగా
మగసిరితో అందమే అంటుకడితే అంతేగా
అణువణువూ స్వర్గమే అయిపోదా
శాసనాలు ఆపజాలని తాపముందిగా
చెఱసాలలోన ఖైదుకాని కాంక్ష ఉందిగా
శతజన్మలైన ఆగిపోని
అంతులేని యాత్ర చేసి
నింగిలోని తార నను చేరుకుందిరా
గుండెలో నగారా ఇక మోగుతోందిరా
నవ సోయగాలు చూడ చూడ రాదు నిద్దురా
ప్రియపూజలేవో చేసుకోన
చేతులార సేదదీర ||ధీర ధీర||

నీలాల కన్నుల్లో మెలమెల్లగా...

నీలాల కన్నుల్లో మెలమెల్లగా
నిదుర రావమ్మా రావే...
నిండారా రావే
నెలవంక చలువల్లు వెదజల్లగా
నిదుర రావమ్మా రావే నెమ్మదిగా రావే ||నీలాల||

చరణం 1

ఓ ఓ ఓ... చిరుగాలి బాల
పాడింది జోల పాడిందీ జోల
చిగురాకు మనసు కనుపాపలందు
ఎద దోచెనమ్మా ఏవేవో కలలు
కలలన్నీ కళలెన్నో విరబూయగా
నిదుర రావమ్మా రావే...
నెమ్మదిగా రావే ||నీలాల||

చరణం 2

ఓ ఓ ఓ... నిదురమ్మ ఒడిలో
ఒరిగింది రేయి ఊగిందీ లాలీ
గగనాన్ని చూసి ఒక కన్నుదోయి
వినిపించమంది ఎన్నెన్నో కధలు
కధ చెప్పి మురిపించి మరిపించగా
నిదుర రావమ్మా రావే...
నెమ్మదిగా రావే ||నీలాల||

తలచి తలచి చూశా...

తలచి తలచి చూశా వలచి విడిచి నడిచా
నీకై నేను బ్రతికే ఉంటిని... ఓ...
నీలో నన్ను చూసుకొంటిని
తెరచి చూసి చదువు వేళ
కాలిపోయే లేఖ బాలా... ||నీకై నేను||

చరణం 1

కొలువు తీరు తరువుల నీడ
నిన్ను అడిగె ఏమని తెలుప
రాలిపోయిన పూల మౌనమా...
రాక తెలుపు మువ్వల సడిని
దారులడిగె ఏమని తెలుప
పగిలిపోయిన గాజులు పలుకునా...
అరచేత వేడిని రేపే చెలియ చేతులేవి
ఒడిన వాలి కధలను చెప్ప సఖియ నేడు ఏది
తొలి స్వప్నం ముగియక మునుపే
నిదురే చెదిరెలే... ||తలచి||

చరణం 2

మధురమైన మాటలు ఎన్నో
మారుమోగె చెవిలో నిత్యం
కట్టె కాలు మాటే కాలునా
చెరిగిపోని చూపులు నన్ను
ప్రశ్నలడిగె రేయి పగలు
ప్రాణం పోవు రూపం పోవునా
వెంట వచ్చు నీడ కూడ మంట కలిసిపోవు
కళ్ళ ముందు సాక్ష్యాలున్నా నమ్మలేదు నేను
ఒకసారి కనిపిస్తావని బ్రతికే ఉంటినే..

నూటికో కోటికో ఒక్కరు...

నూటికో కోటికో ఒక్కరు...
ఎప్పుడో ఎక్కడో పుడతారు ||2||
అది మీరే.. మీరే.. మాస్టారు
మా దేవుడు మీరే మాస్టారు ||2|| ||నూటికో||

చరణం 1

దారే దొరకని చీకటిలో తానే వెలుగై నడిచాడు
జాతే నా వెలుగన్నాడు జాతిపిత మన జాతిపిత
దిక్కులు తెలియని సమయంలో
తానే దిక్కుగ నిలిచాడు శాంతిని నేతగ నిలిపాడు
శాంతిదూత మన శాంతిదూత
ఆ జాతిపిత బాపూజీ మీలో వెలిశాడు
ఆ శాంతి దూత నెహ్రూజీ మీలో కలిశాడు
ఎందరో ఇంకెందరో మీలో ఉన్నారు
మా దేముడు మీరే మాస్టారు ||2|| ||నూటికో||

చరనం 2

జరిగే జీవిత సమరంలో జారే నైతిక విలువల్లో
నీతిని నేతగా నిలపాలి నవయువత యువనేత
చుక్కలు మాడే గుండెల్లో నిప్పులు వెలగని గుడిసెల్లో
ఆశను జ్యోతిగా నిలపాలి నవయువత యువనేత
ఈ యువత తాత గాంధీజీ మీలో మిగిలారు
మీ నవతకు నేతాజీ మీలో రగిలారు
అందరూ ఆ అందరూ మీలో ఉన్నారు
దేశానికి మీరే సారధులు ||2||

నిద్దురపోతున్న రాతిరినడిగా...

చెలియా నీవైపే వస్తున్నా...
కంటపడవా ఇకనైనా... ఎక్కడున్నా..

పల్లవి

నిద్దురపోతున్న రాతిరినడిగా...
గూటికిచేరిన గువ్వలనడిగా...
చల్లగాలినడిగా ఆ చందమామనడిగా
ప్రియురాలిజాడ చెప్పరేమనీ...
అందరినీ ఇలా వెంటపడి అడగాలా
సరదాగా నువ్వే ఎదురైతే సరిపోదా ||చల్లగాలి||

చరణం 1

ఓ... అసలే ఒంటరితనం.. అటుపై నిరీక్షణం..
అసలే ఒంటరితనం అటుపై నిరీక్షణం
అరెరే పాపమని జాలిగా చూసే జనం...
గోరంత గొడవ జరిగితే కొండంత కోపమా
నన్నొదిలి నువ్వు ఉండగలవ
నిజం చెప్పవమ్మా ||అందరినీ|| ||నిద్దురపోతున్న||

చరణం 2

ఓ... నువ్వు నా ప్రాణం అని.. విన్ననించు ఈ పాటని..
నువ్వు నా ప్రాణమని విన్నవించు ఈ పాటని
ఎక్కడో దూరానున్నా చుక్కలే విన్నాగానీ...
కదిలించలేద కాస్త కూడా నీ మనస్సుని
పరదాలు దాటి ఒక్కసారి పలకరించవేమే ||అందరినీ|| ||నిద్దరపోతున్న||

తేట తేట తెలుగులా తెల్లవారి వెలుగులా...

తేట తేట తెలుగులా తెల్లవారి వెలుగులా
తేరులా.. సెలయేరులా.. కలకల.. గలగల..
కదలి వచ్చింది కన్నె అప్సర..
వచ్చి నిలిచింది కనులముందర... ||2||

చరణం 1

తెలుగువారి ఆడపడుచు ఎంకిలా
ఎంకి కొప్పులోని ముద్దబంతి పువ్వులా ||2||
గోదారికెరటాల గీతాలవలె నాలో
పలికినది పలికినది పలికినది
చల్లగా.. చిరుజల్లుగా.. జలజల.. గలగల.. ||కదలి|| ||తేట తేట||

చరణం 2

రెక్కలొచ్చి ఊహలన్ని ఎగురుతున్నవి
ప్రేమ మందిరాన్ని చుక్కలతో చెక్కుతున్నవి ||2||
లోలోన నాలోన ఎన్నెన్నో రుపాలు
వెలిసినవి వెలిసినవి వెలిసినవి
వీణలా.. నెరజాణల.. కలకల.. గలగల.. ||కదలి|| ||తేట తేట||

నిలువుమా నిలువుమా నీలవేణి...

నిలువుమా!
నిలువుమా నిలువుమా నీలవేణి
నీ కనుల నీలినీడ
నా మనసూ నిదురపోనీ ||నిలువుమా||

చరణం 1

అడుగడుగున ఆడేలే నడుము సొంపులా ||2||
తడబడే అడుగుల నటనల మురిపింపుల ||2||
సడిసేయక ఊరించే...
సడిసేయక ఊరించే వయ్యారపు ఒంపుల
కడకన్నుల ఇంపుల గడసరి కవ్వింపులా
నడచిరా నడచిరా నాగవేణి
నీ కనుల నీలినీడ నా మనసూ నిదురపోనీ
నిలువుమా నిలువుమా నీలవేణి

చరణం 2

అద్దములో నీ చెలువు తిలకింపకు ప్రేయసీ
అలిగేవు నీ సాటి చెలిగా తలబోసి ||2||
నా ఊర్వశి రావే రావేయని పిలువనా ||2||
ఆ సుందరి నెరనీకు నీ గోటికి సమమౌనా
రా చెలీ నిను మది దాచుకోని ||2||
నీ కనుల నీలినీడ నా మనసూ నిదురపోనీ
నిలువుమా నిలువుమా నీలవేణి

దేశం మనదే తేజం మనదే...

నాననినాన నాననినాన
నాన నాన నననా నానా
దేశం మనదే తేజం మనదే ||2||
ఎగురుతున్న జెండా మనదే
నీతి మనదే జాతి మనదే
ప్రజల అండదండా మనదే
అందాల బంధం ఉంది ఈ నేలలో
ఆత్మీయరాగం ఉంది ఈ గాలిలో
ఏ కులమైనా ఏ మతమైనా ||2||
భరతమాతకొకటేలేరా
ఎన్ని బేధాలున్నా మాకెన్ని తేడాలున్నా
దేశమంటే ఏకమవుతాం అంతా ఈవేళా...
వందేమాతరం అందామందరం
వందేమాతరం ఓ... అందామందరం ||దేశం మనదే||
అందాల బంధం ఉంది ఈ నేలలో
ఆత్మీయరాగం ఉంది ఈ గాలిలో
ఏ కులమైన ఏ మతమైన
భరతమాతకొకటేలేరా
రాజులు అయినా పేదలు అయినా
భరతమాత సుతులేలేరా
ఎన్ని దేశాలున్నా మాకెన్ని దోషాలున్నా
దేశమంటే ప్రాణమిస్తాం
అంతా ఈవేళా...
వందేమాతరం అందామందరం
వందేమాతరం ఓ... అందామందరం
వందేమాతరం... వందేమాతరం...
వందేమాతరం... వందేమాతరం...
వందేమాతరం... వందేమాతరం...

నీవు లేక వీణ పలుకలేనన్నది...

నీవు లేక వీణ పలుకలేనన్నది
నీవు రాక రాధ నిలువ లేనన్నది
నీవు లేక వీణ...

చరణం 1

జాజి పూలు నీకై రోజు రోజు పూచే
చూసి చూసి పాపం సొమ్మసిల్లి పోయే
చందమామ నీకై తొంగి తొంగి చూచి ||2||
సరసను లేవని అలకలు బోయే ||నీవు లేక వీణ||

చరణం 2

కలలనైనా నిన్ను కనుల చుతమన్నా
నిదుర రాని నాకు కలలు కూడా రావే
కదల లేని కాలం విరహ గీతి రీతి
పరువము వృధగా బరువుగ సాగే ||నీవు లేక వీణ||

చరణం 3

తలుపులన్ని నీకై తెరచి వుంచినాను
తలపులెన్నొ మదిలో దాచి వేచినాను
తాపమింక నేను ఓపలేను స్వామి ||2||
తరుణిని కరుణను ఏలగ రావ ||నీవు లేక వీణ||

నువ్వంటే నాకిష్టమని అన్నది నా ప్రతి శ్వాస...

నువ్వంటే నాకిష్టమని అన్నది నా ప్రతి శ్వాస
నువ్వేలే నా లోకమని అన్నది నా ప్రతి ఆశ
నీ నవ్వులో.. శ్రుతి కలిపి పాడగా
నీ నీడలో.. అణువణువు ఆడగా
అనురాగం పలికింది సంతోషం స్వరాలుగా ||నువ్వంటే||

చరణం 1

నువ్వు నావెంట ఉంటే అడుగడుగునా నడుపుతుంటే
ఎదురయే నా ప్రతి కలా నిజమల్లె కనిపించదా
నిన్నిలా చూస్తు ఉంటే మైమరపు నన్నల్లుకుంటే
కనపడే నిజమే ఇలా కలలాగ అనిపించదా
వరాలన్ని సూటిగా.. ఇలా నన్ను చేరగా..
సుదూరాల తారక.. సమీపాన వాలగా..
లేనేలేదు ఇంకే కోరికా.. ఆ... ||నువ్వంటే||

చరణం 2

ఆగిపోవాలి కాలం మన సొంతమై ఎల్లకాలం
నిన్నగా సన సన్నగా చేజారిపోనీయక
చూడు నా ఇంద్రజాలం వెను తిరిగి వస్తుంది కాలం
రేపుగా మన పాపగా పుడుతుంది సరికొత్తగా
నీవు నాకు తోడుగా నేను నీకు నీడగా
ప్రతీరేయి తీయగా పిలుస్తోంది హాయిగా
ఇలా ఉండిపోతే చాలుగా.. ఆ... ||నువ్వంటే||

నామది నిన్ను పిలిచింది గానమై...

ఓ ప్రియతమా.. ప్రియతమా.. ప్రియతమా..
నామది నిన్ను పిలిచింది గానమై
వేణు గానమై నా ప్రాణమై ||2||

చరణం 1

ఎవ్వరివో నీవు నే నెరుగలేను
ఏ పేరున నిన్ను నే పిలువగలను ||2||
తలపులలోనే నిలిచేవు నీవే ||2||
తొలకరి మెరుపుల రూపమై ||నా మది||

చరణం 2

ఎన్ని యుగాలని నీ కొరకు వేచేను
ఈ మూగబాధ ఎందాక దాచేను ||2||
వేచిన మదినే వెలిగింపరావే ||2||
ఆరని అనురాగ దీపమై ||నా మది||
చిత్రం: ఆరాధన (1976)
రచన: డా. సి. నారాయణరెడ్డి
సంగీతం: సాలూరి హనుమంతరావు
గానం: మహమ్మద్‌ రఫీ

నే తొలిసారిగా కలగన్నది నిన్నే కదా..

నే తొలిసారిగా కలగన్నదీ నిన్నే కదా
నా కళ్లెదురుగా నిలుచున్నదీ నువ్వే కదా
స్వప్నమా నువ్వు సత్యమా
తేల్చి చెప్పవేం ప్రియతమా
మౌనమో మధుర గానమో
తనది అడగవేం హృదయమా
ఇంతలో చేరువై అంతలో దూరమై
అందవా.. స్నేహమా.. ||నే తొలిసారిగా||

చరణం 1

రెక్కలు తొడిగిన తలపు నువ్వే కాదా నేస్తమా..
ఎక్కడ వాలను చెప్పునువే సావాసమా..
హద్దులు చెరిపిన చెలిమి నువ్వై నడిపే దీపమా..
వద్దకు రాకని ఆపకిలా అనురాగమా..
నడకలు నేర్పిన ఆశవు కద
తడబడనీయకు కదిలిన కధ
వెతికే మనసుకు మమతే.. పంచుమా.. ||నే తొలిసారిగా||

చరణం 2

ప్రేమా నీతో పరిచయమే ఏదో పాపమా..
అమృతమనుకుని నమ్మటమే ఒక శాపమా..
నీ ఒడి చేరిన ప్రతి మదికీ బాధే ఫలితమా..
తీయని రుచిగల కటికవిషం నువ్వే సుమా..
పెదవులపై చిరునవ్వుల దగా
కనబడనీయవు నిప్పుల సెగ
నీటికి ఆరని మంటల రూపమా
నీ ఆటేమిటో.. ఏనాటికి ఆపవు కదా
నీ బాటేమిటో.. ఏ జంటకీ చూపవు కదా
తెంచుకోనీవు పంచుకోనీవు ఇంత చెలగాటమా
చెప్పుకోనీవు తప్పుకోనీవు నీకు ఇది న్యాయమా
పేరులో ప్రణయమా.. తీరులో ప్రళయమా..
పంతమా.. బంధమా.. ||నీ ఆటేమిటో||

దినకరా... శుభకరా...

దినకరా... ఆ... దినకరా... ఆ... హే... శుభకరా...
దినకరా... శుభకరా... దినకరా... శుభకరా... దేవా...
దీనాధార తిమిర సంహార... దినకరా శుభకరా...

చరణం

పతిత పావనా మంగళదాతా పాప సంతాప లోకహితా... ఆ...
బ్రహ్మ విష్ణు పరమేశ్వర రూపా... ఆ... ఆ... ||3||
ఆ... ఆ... ఆ... ||బ్రహ్మ విష్ణు||
ఆ... ఆ... ఆ... ||2||
వివిధ వేద విజ్ఞాన నిధాన వినతలోక పరిపాలక భాస్కర
దినకరా... శుభకరా... దేవా... దీనాధారా తిమిర సంహార...
దినకరా హే... దినకరా... ప్రభో... దినకరా... శుభకరా...

తెలుగు భాష తియ్యదనం...

తెలుగు భాష తియ్యదనం తెలుగు జాతి గొప్పదనం
తెలుసుకున్న వాళ్ళకి తెలుగే ఒక మూలధనం
తల్లి తండ్రి నేర్పినట్టి మాతృభాషరా
తెలుగు మరచిపోతే వాళ్ళని నువు మరచినట్టురా
ఇది మరువబోకురా ||తెలుగు||

చరణం 1

అమ్మా అన్న పిలిపులోన అనురాగం ధ్వనిస్తుంది
నాన్నా అన్న పదములోన అభిమానం జనిస్తుంది
మమ్మీ డాడీలోన ఆ మాధుర్యం ఎక్కడుందీ
మామ అన్న మాట మనసులోతుల్లో నిలుస్తుంది
అక్కా అంటే చాలు మనకు ఆదరణే లభిస్తుంది
ఆంటీ అంకుల్‌లోన ఆ ఆప్యాయత ఎక్కడుందీ
పరభాషా జ్ఞానాన్ని సంపాదించు ||2||
కాని నీ భాషలోనె నువ్వు సంభాషించు ||తల్లి తండ్రి||
తెలుగు మాట్లాడి నువ్వు వాళ్ళ రుణం తీర్చరా
కొంత రుణం తీర్చరా...

మా తెలుగు తెల్లికి మల్లెపూదండ
మా కన్న తల్లికి మంగళారుతులు

చరణం 2

కొమ్మల్లోన పక్షులన్ని తమ కూతను మార్చుకోవు
భూమిపైన ప్రాణులన్ని తమ భాషను మరువలేదు
మనుషులమై మన భాషకు ముసుగును తగిలిస్తున్నాము
ప్రపంచాన మేధావులు మన పలుకులు మెచ్చినారు
పొరుగురాష్ట్ర కవులు కూడ తెలుగును తెగ పొగిడినారు
ఆంధ్రులమై మన భాషకు అన్యాయం చేస్తున్నాము
అభివృద్ధికి ఉండాలి నింగే హద్దు ||2||
అది భాష ఆచారాలను మింగేయద్దు
తల్లి తండ్రి నేర్పినట్టి మాతృభాషరా
ఉగ్గుపాల భాష పలికేందుకు సిగ్గుపడకురా
వెనక్కి తగ్గమాకురా... ||తెలుగు||

మమ్మీ డాడీ అన్న మాట మరుద్దామురా
అమ్మా నాన్నా అంటూ నేటి నుండి
పిలుద్దామురా ప్రతిజ్ఞ పూనుదామురా

తెలియని ఆనందం నాలో కలిగినదీ ఉదయం...

తెలియని ఆనందం నాలో కలిగినదీ ఉదయం
పరవశమై పాడేనా హృదయం ||తెలియని||

చరణం 1

కలకలలాడెను వసంత వనము
మైమరిపించెను మలయా నిలము ||కలకల||
తీయని ఊహల ఊయలలూగి తేలే మానసము... ఏమో... ||తెలియని||

చరణం 2

రోజూ పూచే రోజా పూలు ఒలికించినవి నవరాగాలు ఆ... ||2||
పరిచయమైన కోయిల పాటే
కురిసే అనురాగం... ఏమో... ||తెలియని||

చరణం 3

అరుణ కిరణముల గిలిగింతలలో కరిగిన తెలిమంచు తెరలే తరలి ||2||
ఎరుగని వింతలు ఎదుటే నిలిచి వెలుగే వికసించే... ఏమో... ||తెలియని||