ప్రేమయే జనన మరణ లీల

ప్రేమయే జనన మరణ లీల
మృత్యుపాశమే అమరబంధమౌ ||2||
యువప్రాణుల మ్రోల... ఆ...
యువప్రాణుల మ్రోల... ||ప్రేమయే||

చరణం 1

ఆకాశమె చెరువయై తోచె
అలలె పొంగి హాయిగ వీచె ||ఆకాశమె||
జీవితమంతా ఒకే పాటుగా
ఎప్పటికీ మనమే ||ప్రేమయే||

చరణం 2

మధుర మధురతరమైన వాంఛలే
హృదయ సదనమును పరిపాలించె ||మధుర||
సుకృత జన్మము మాదే సఫలం సుఖమే ఈ వేళ ||ప్రేమయే||

చరణం 3

తను సాంగత్యము త్రుటియే కాదా ||2||
నిలచు దృఢముగా మానసగాధ ||2||
మృత్యుపాశమే అమరబంధమౌ ||2||
యువప్రాణుల మ్రోల... ||ప్రేమయే||

ధరిణికి గిరి భారమా

ధరిణికి గిరి భారమా
గిరికి తరువు భారమా
తరువుకు కాయ భారమా
కని పెంచే తల్లికి పిల్ల భారమా ||ధరణి||

చరణం 1

మనసునే నోచిన నా నోముపండగా
నా ఒడిలో వెలిగే నా చిన్ని నాయనా
పూయని తీవెననే అపవాదు రానీక ||2||
తల్లిననే దీవెనతో తనియించినావయ్య ||తరువు|| ||ధరణి||

చరణం 2

ఆపద వేళల అమ్మమనసు చెదురునా
పాపల రోదనకే ఆ తల్లి విసుగునా
పిల్లల కనగానే తీరేనా స్త్రీ విధి ||2||
ప్రేయముగా పాపలను పెంచనిదొక తల్లియా ||తరువు|| ||ధరణి||