నీ ఆశా - అడియాస చేయిజారే మణిపూస

నీ ఆశా - అడియాస చేయిజారే మణిపూస
బ్రతుకంతా అమావాస లంబాడోళ్ళ రాందాస ||నీ||
[అతడు] తలచినదీ, ఒకటైతే జరిగినదీ వేరొకటి
[ఆమె] చితికినది నీ మనసు - అతుకుటకు లేరెవరు ||నీ||
[అతడు] గుండెల్లో గునపాలు - గుచ్చారే నీవారు
[ఆమె] కన్నిలలో గోదారే - కాలువలే కట్టింది ||నీ||
[అతడు] నీలాల చుక్కలకై - నిచ్చెనలే వేశావు
[ఆమె] ఆకాశం అందేనా - ఆశయమే తీరేనా ||నీ||

ఓ రంగయో- పూలరంగయో

ఓ రంగయో- పూలరంగయో
ఓరసూపు చాలించి సాగిపోవయో
పొద్దువాలి పోతున్నదోయి - ఇంత
మొద్దు నడక నీకేలనోయి
[అతడు] పగలనక రేయనక పడుతున్న శ్రమనంత
పరులకొరకు ధారపోయు మూగజీవులు
[ఆమె] ఆటలలో పాటలలో ఆయాసం మరిచిపోయి
ఆనందం పొందగలుగు ధన్యజీవులు ||ఓ||
[ఆమె] కడుపారగ కూడులేని - తలదాచగ గూడులేని
యీ దీనుల జీవితాలు మారుడెన్నడో
[అతడు] కలవారలు లేనివారి కష్టాలు తీరుదారి
కనిపెట్టి చేయగలిగినప్పుడే ||ఓ||

పాడవోయి భారతీయుడా

పల్లవి

పాడవోయి భారతీయుడా
ఆడి - పాడవోయి విజయగీతిక
నేడే స్వాతంత్ర్యదినం - వీరుల త్యాగఫలం
నేడే నవోదయం - నీదే ఆనందం ||పాడ||

చరణం 1

స్వాతంత్ర్యం వచ్చెననీ సభలే చేసి
సంబరపడగానే సరిపోదోయి
సాధించినదానికి సంతృప్తిని చెంది..
అదే విజయమనుకుంటే పొరబాటోయి
ఆగకోయి భారతీయుడా
కదలి సాగవోయి ప్రగతిదారులా ||ఆగ||

చరణం 2

ఆకాశం అందుకునే ధరలొకవైపు
అదుపులేని నిరుద్యోగం మింకొకవైపు
అవినీతి బంధు ప్రీతి చీకటిబజారు
అలుముకొన్న నీదేశం ఎటు దిగజారు
కాంచవోయి నేటి దుస్థితి
ఎదిరించవోయి ఈ పరిస్థితి ||కాం||

ముక్కోటి దేవతలు ఒక్కటైనారు

ముక్కోటి దేవతలు ఒక్కటైనారు
చక్కని పాపను ఇక్కడుంచారు
ఎక్కడున్నాగాని దిక్కు వారే కదా
చిక్కులను విడదీసి దరిచేర్చలేరా
||ముక్కోటి||


ఆలి ఎడబాటిపుడు అనుభవించెడివాడు
అలిమేలు మంగపతి అతనిలో ఒకడే
ఏడుకొండలవాడు ఎల్లవేళలయందు
దోగాడు బాలునికి తోడునీడౌతాడు
||ముక్కోటి||


నెల్లూరు సీమలో చల్లంగ శయనించు
శ్రీరంగ నాయకా ఆనంద దాయకా
తండ్రి మనసుకు శాంతి తనయునికి శరను
రయసేయుమా నీవు క్షణము యెడబాయక
||ముక్కోటి||

ఎల్లలోకాలకు తల్లివై నీ వుండ

పిల్లదానికి ఇంక తల్లిపేమా కొరత

బరువాయె బ్రతుకు చెరువాయె కన్నీరు

కరుణించి కాపాడు మా కనకదుర్గ || ముక్కోటి ||

గోపన్న వలె వగచు ఆపన్నులను గాచు

బాధలను తీర్చేటి భద్రాద్రివాసా

నిన్ను నమ్మిన కోర్కె నెరవేరునయ్యా

చైన్నారి బాలునకు స్రీరామరక్షన్ || ముక్కోటి ||

బాలప్రహ్లాదుని లాలించి బ్రోచిన - నరసింహుని కన్న

వేరు దైవము లేదు

అంతు తెలియగరాని ఆవేదనలు కలిగె

చింతలను తొలగించు సింహాచలేశ || ముక్కోటి ||

మొండి చేతులవాడ వెందుకైనావంటే

చేతికెముకయెలేని దాతవని చాటుటకే

నీ రధము కదిలితే శుభము లొనగూరేను

జీవపధమును మార్చు శ్రీ జగన్నాధా || ముక్కోటి ||

నీ ఉండేదా కొండపై నా స్వామి

నీవుండేదా కొండపై నా స్వామి
నేనుండేదీ నేలపై
ఏ లీల సేవింతునో.. ఏ పూల పూజింతునో

చరణం 1

శ్రీ పారిజాత సుమాలెన్నో పూచె
ఈ పేదరాలి మనస్సెంతో వేచె ||2||
నీ పాదసేవా మహాభాగ్యమీవా
నా పైని దయజూపవా.. నా స్వామి ||నీవుండేదా||

చరణం 2

దూరాననైన కనే భాగ్యమీవా
నీ రూపు నాలో సదా నిల్పనీవా
ఏడుకొండలపైనా రేడైన స్వామి
నా పైని దయజూపవా.. నా స్వామి ||నీవుండేదా||

తిరుమల మందిర సుందరా

తిరుమల మందిర సుందరా
హరి గోవిందా గోవిందా
కొండ కొమ్ముపై కూర్చుంటే నీ
దండ భక్తులే కొలువుంటే
నా మాట నీ చెవుల పడుతుందా నీ
మనసున దయపుడుతుందా ||గోవిందా||

చరణం 1

కోటిమెట్లబడి రాలేను ఏ
పాటి కానుకలు తేలేను
లోతుల నీకై చేతుల జాపి
నా తండ్రీయన నెనరుందా ||గోవిందా||

తిరుమల మందిర సుందరా

తిరుమల మందిర సుందరా
హరి గోవిందా గోవిందా
కొండ కొమ్ముపై కూర్చుంటే నీ
దండ భక్తులే కొలువుంటే
నా మాట నీ చెవుల పడుతుందా నీ
మనసున దయపుడుతుందా
||గోవిందా||

కోటిమెట్లబడి రాలేను ఏ
పాటి కానుకలు తేలేను
లోతుల నీకై చేతుల జాపి
నా తండ్రీయన నెనరుందా
||గోవిందా||