పరితాప భారంబు భరియింప తరమా...

పరితాప భారంబు భరియింప తరమా
కటకటనే విధి గడువంగా జాలదు
పతి ఆజ్ఞను దాటగలనా
పుత్రుని కాపాడగలనా... ||పరి||

ఈ విషము నేనెటులను
తనయుని త్రావింపగలను?
ధర్మము కాపాడుదునా?
తనయుని కావగగలనా?... ||పరి||

మల్లియలారా మాలికలారా...

మల్లియలారా మాలికలారా
మౌనముగా ఉన్నారా మా కధయే విన్నారా ||2||

చరణం 1

జాబిలిలోనే జ్వాలలు రేగే
వెన్నెలలోనే చీకటి మూగే ||2||
పలుకగ లేక పదములే రాక
పలుకగా లేక పదములే రాక
బ్రతుకే తానే బరువై సాగే ||మల్లియలారా||

చరణం 2

చెదరిన వీణ రవళించేనా
జీవనరాగం చివురించేనా ||2||
కలతలు పోయి వలపులు పొంగి
కలతలే పోయి వలపులు పొంగి
మనసే లోలో పులకించేనా ||మల్లియలారా||

భలే భలే అందాలు సృష్టించావు

ఆ... నందన వనముగ
ఈ లోకమునే సృష్టించిన
ఓ... వనమాలీ!
మరచితివో మానవజాతిని దయమాలి

పల్లవి

భలే భలే అందాలు సృష్టించావు
ఇలా మురిపించావు అదే ఆనందం
అదే అనుబంధం
ప్రభూ మాకేల ఈయవు ||భలే భలే||

చరణం 1

మాటలు రాని మృగాలు సైతం
మంచిగ కలిసి జీవించేను
మాటలు నేర్పిన మా నరజాతి
మారణహోమం సాగించేను
మనిషే పెరిగి మనసే తరిగి ||2||
మమతే మరచాడు మానవుడు
నీవేల మార్చవు... ||భలే భలే||

చరణం 2

ఆ... ఆ... ఆ... ఆ...
చల్లగా సాగే సెలయేటివోలే
మనసే నిర్మలమై వికసించాలి
గుంపుగ ఎగిరే గువ్వలవోలే
అందరు ఒక్కటై నివసించాలి
స్వార్ధం మానుకొని సమతే పెంచుకొని ||2||
మంచిగ మానవుడే మాధవుడై
మహిలోన నిలవాలి... ||భలే భలే||

ఘనాఘన సుందరా కరుణా రసమందిరా

ఘనాఘన సుందరా కరుణా రసమందిరా ||2||
అది పిలుపో మేలుకొలుపో
అది మధుర మధుర మధురమౌ ఓంకారమో
పాండురంగ... పాండురంగ... ||ఘనాఘన||

చరణం 1

ప్రాభాత మంగళ పూజావేళ
నీ పద సన్నిధి నిలబడి
నీ పద పీఠిక తలనిడి ||2||
నిఖిల జగతి నివాళులిడదా ||2||
వేడదా.. కొనియాడదా..
పాండురంగ... పాండురంగా... ||ఘనాఘన||

చరణం 2

గిరులూ ఝరులూ విరులూ తరులూ
నిరతము నీ పాద ధ్యానమే
నిరతము నీనామ గానమే ||2||
సకల చరాచర లోకేశ్వరేశ్వరా ||2||
శ్రీకరా.. భవహరా..
పాండురంగ... పాండురంగ... ||ఘనాఘన||