కొంటె చూపుతో నీ కొంటె చూపుతో

ఆ... ఆ... ఆ... ఆ...
కొంటె చూపుతో నీ కొంటె చూపుతో
నా మనసు మెల్లగా చల్లగా దోచావే
చిన్ని నవ్వుతో ఒక చిలిపి నవ్వుతో
ఏదో మాయజేసి
అంతలోనే మౌనమేలనే ||కొంటె||
మాటరాని మౌనం మనసే తెలిపే
ఎద చాటుమాటు గానం కనులే కలిపే ఈ వేళ
కళ్ళు రాసే నీ కళ్ళు రాసే
ఒక చిన్ని కవిత ప్రేమేనేమో
అది చదివినప్పుడు ||2||
నా పెదవి చప్పుడు
తొలి పాటే నాలో పలికినది

చరణం 1

పగలే రేయైనా యుగమే క్షణమైనా
కాలం నీ తోటి కరగనీ
అందని జాబిల్లి అందిన ఈ వేళ
ఇరువురి దూరాలు కరగనీ
ఒడిలో వాలాలనున్నది
వద్దని సిగ్గాపుతున్నది
తడబడు గుండెలలో మోమాటమిది ||కొంటె||

చరణం 2

కళ్ళలో నిద్రించి కలలే ముద్రించి
మదిలో దూరావు చిలిపిగా
నిన్నే ఆశించి నిన్నే శ్వాసించి
నీవే నేనంటూ తెలుపగా
చూపులు నిన్నే పిలిచెనే
నా ఊపిరి నీకై నిలిచినే
చావుకు భయపడనే నువ్వుంటే చెంత ||కళ్ళు|| ||మాటరాని||
కంటి చూపుతో నీ కంటి చూపుతో
నా మనసు మెల్లగా చల్లగా దోచావే ||చిన్ని||