రేపల్లియ యెద ఝల్లున పొంగిన రవళి

రేపల్లియ యెద ఝల్లున పొంగిన రవళి
నవరస మురళి ఆ నందన మురళి
ఇదేనా ఆ.. మురళి మోహన మురళి ఇదేనా ఆ.. మురళి

చరణం 1

కాళింది మడుగున కాళీయుని పడగల
ఆబాలగోపాలం ఆ బాలగోపాలుని
అచ్చెరువున అచ్చెరువున విచ్చిన కన్నులజూడ
తాండవమాడిన సరళి గుండెలనూదిన మురళి
ఇదేనా ఇదేనా ఆ.. మురళి
అనగల రాగమై తొలుత వీనులలరించి
అనలేని రాగమై మరల వినిపించి మరులే కురిపించి
జీవనరాగమై బృందావన గీతమై
కన్నెల కన్నుల కలువల వెన్నెల దోచిన మురళి
ఇదేనా ఇదేనా ఆ.. మురళి

చరణం 2

వేణుగాన లోలుని మురిపించిన రవళి
నటనల సరళి ఆ నందన మురళి
ఇదేనా ఆ.. మురళి మువ్వల మురళి
ఇదేనా ఆ.. మురళి
మధురా నగరిలో యమునా లహరిలో
ఆ రాధ ఆరాధనాగీతి పలికించి
సంగీత నాట్యాల సంగమ సుఖవేణువై
రాసలీలకే ఊపిరిపోసిన అందెల రవళి
ఇదేనా ఇదేనా ఆ.. మురళి ||రేపల్లియ||

శివ పూజకు చిగురించిన సిరిసిరి మువ్వా సిరిసిరి మువ్వా

శివ పూజకు చిగురించిన సిరిసిరి మువ్వా సిరిసిరి మువ్వా
మృదు మంజుల పద మంజరి పూచిన పువ్వా సిరిసిరి మువ్వా
యతి రాజుకు జతి స్వరముల పరిమళ మివ్వా సిరిసిరి మువ్వా
నటనాంజలితో బ్రతుకును తరించనీవా సిరిసిరి మువ్వా
పరుగాపక పయనించవె తలపుల నావా
కెరటాలకు తలవంచితె తరగదు త్రోవా
ఎదిరించిన సుడిగాలిని జయించినావా
మది కోరిన మధు సీమలు వరించిరావా ||పరుగాపక||

చరణం 1

పడమర పడగలపై మెరిసే తారలకై
రాత్రిని వరించకే సంధ్యా సుందరీ... ||పడమర||
తూరుపు వేదికపై వేకువ నర్తకివై
ధాత్రిని మురిపించే కాంతులు చిందనీ...
నీ కదలిక చైతన్యపు శ్రీకారం కానీ ||2||
నిదురించిన హృదయరవళి ఓంకారం కాని... ||శివపూజకు||

చరణం 2

తనవిల్లే సంకెళ్ళై కదలలేని మొక్కలా
ఆమనికై ఎదురు చూస్తు ఆగిపోకు ఎక్కడా
అవధిలేని అందముంది అవనికి నలు దిక్కులా
ఆనందపు గాలివాలు నడపనీ నిన్నిలా
ప్రతిరోజొక నవదీపిక స్వాగతించగా
వెన్నెల కిన్నెర గానం నీకు తోడుగా ||పరుగాపక||

చరణం 3

చలిత చరణ జనితం నీ సహజ విలాసం
జ్వలిత కిరణ కలితం సౌందర్య వికాసం
నీ అభినయ ఉషోదయం తిలకించిన రవి నయనం
గగన సరసి హృదయంలో...
వికసిత సతదల శోభిత సువర్ణకమలం...

వెన్నెల రోజు.. ఇది వెన్నెల రోజు...

వెన్నెల రోజు.. ఇది వెన్నెల రోజు..
అమావాస్య నాడు వచ్చే పున్నమి రోజు.. ||2||

అనుపల్లవి

పెద్దలంత పిల్లలుగా మారే రోజు.. ||2||
పల్లేదో.. పట్టణమేదో.. తెలియని రోజు.. ||2||
దీపావళి రోజు.. దీపావళి రోజు.. ||వెన్నెల రోజు||

చరణం 1

చంటిపాప నవ్వులకు.. పువ్వులు విరిసే రోజు.. ||2||
మింటనున్న తారకలు.. ఇంటింట వెలిగే..
దీపావళి రోజు.. దీపావళి రోజు..
వెన్న్నెల రోజు.. ఇది వెన్నెల రోజు..

చరణం 2

జీవితం క్షణికమని.. చిచ్చుబుడ్డి చెబుతుంది
గువ్వల్లే బతకాలని.. తారాజువ్వ చెబుతుంది..
నిప్పుతోటి చెలగాటం.. ముప్పుతెచ్చిపెడుతుందని ||2||
తానందుకు సాక్ష్యమని.. టపాకాయ చెబుతుంది..
||వెన్న్నెల రోజు|| ||దీపావళి రోజు|| ||2||

అదిగో నవలోకం వెలసే మనకోసం...

ఆ... ఆ... ఆ...
అదిగో నవలోకం వెలసే మనకోసం
అహాహాహా ఆహా ఆహహా ఓ హోహోహో ||అదిగో||

చరణం 1

నీలినీలి మేఘాల లీనమై
ప్రియా నీవు నేను తొలిప్రేమకు ప్రాణమై ||నీలి||
దూరదూర తీరాలకు సాగుదాం
సాగి దోరవలపు సీమలో ఆగుదాం ||దూరదూర||
ఎచట సుఖముందో ఎచట సుధ గలదో
అచటే మనముందామా... ||అదిగో||

చరణం 2

పారిజాత సుమదళాల పానుపు
మనకు పరచినాడు చెఱకువంటి వేలుపు ||పారిజాత||
ఫలించె కోటి మురిపాలు ముద్దులు
మన ప్రణయానికి లేవు సుమా హద్దులు ||ఫలించె||
ఎచట హృదయాలు ఎపుడూ విడిపోవో
అచటే మనముందామా... ||అదిగో||

ఒక కొమ్మకు పూచిన పువ్వులం...

ఒక కొమ్మకు పూచిన పువ్వులం అనురాగం మనదేలే
ఒక గూటిని వెలిగిన దివ్వెలం మమకారం మనదేలే
చెల్లెమ్మా... నీవేను నా ప్రాణము
ఓ చెల్లెమ్మా... నీతోటిదే లోకము ||ఒక కొమ్మకు||
అన్నయ్యా... నీవేను నా ప్రాణము
ఓ అన్నయ్యా... నీతోటిదే లోకము

చరణం 1

మా చెల్లి నవ్వు సిరిమల్లె పువ్వు
పలికించె నాలో రాగాల వీణ
మా అన్న చూపు మేఘాల మెరుపు
కురిపించె నాలో పన్నీటి వాన
ఇది కరగని చెరగని కలగా ఎద నిలిచెనులే కలకాలం
చిరునవ్వుల వెన్నెల సిరిగా చిగురించునులే చిరకాలం
ఈ బంధం సాగేను ఏనాటికీ ఆ దైవం దీవించు ముమ్మాటికీ

చరణం 2

మా ఇంటి పంట చిన్నారి చెల్లి మాకంటి పాప బంగారు తల్లి
ఈ చోట ఉన్నా ఏచోట ఉన్నా ఎదలోన నిన్నే కొలిచేను అన్నా
మమకారం మనకే సొంతం విడరానిది ఈ అనుబంధం
ఈ అన్నకు నేనే చెల్లి కావాలి మళ్ళీ మళ్ళీ...
||ఈ బంధం|| ||ఒక కొమ్మకు||

రాయినైనా కాకపోతిని రామపాదము సోకగా...

రాయినైనా కాకపోతిని రామపాదము సోకగా
బోయనైనా కాకపోతిని పుణ్యచరితను పాడగా ||రాయి||
పడవనైనా కాకపోతిని స్వామి కార్యము తీర్చగా
పాదుకైనా కాకపోతిని భక్తి రాజ్యము నేలగా

చరణం 1

అడవిలోపల పక్షినైతే అతివ సీతను కాచనా
అందువలన రామచంద్రుని అమిత కరుణను నోచనా ||అడవి||
కడలి గట్టున ఉడతనైతే బుడత సాయము చేయనా
కాలమెల్ల రామభద్రుని వేలిగురుతులు మోయనా ||రాయి||

చరణం 2

కాకినైనా కాకపోతిని ఘాతుకమ్మును చేయుచు
గడ్డిపోచను శరముచేసే ఘనత రాముడు చూపగా ||కాకి||
మహిని అల్పజీవులే ఈ మహిమలన్నీ నోచగా
మనిషినై జన్మించినానే మత్సరమ్ములు రేపగా
మద మత్సరమ్ములు రేపగా ||పడవ|| ||రాయి||

అందం శరణం గచ్చామి...

అందం శరణం గచ్చామి
అధరం శరణం గచ్చామి
ఈ సాయంత్ర వేళ నీ ఏకాంతసేవ
అతి మధురం అనురాగం
ఒదిగే వయ్యారం
ప్రణయం శరణం గచ్చామి
హృదయం శరణం గచ్చామి
ఈ సింధూర వేళ నీ శృంగారలీల
సుఖ శిఖరం శుభయోగం
అది నా సంగీతం

చరణం 1

ఎంతకు తీరని ఎదలో ఆశలేమో
అడగరానిదై చెప్పరానిదై
పెదవుల అంటింతనై
మాటతో తీరని మదిలో దాహమే
చిలిపి ముద్దుకై చినుకు తేనెకై
కసికసి కవ్వింతలై
నీ నవ్వు నాలో నాట్యాలు చేసే
కౌగిట్లో సోకమ్మ వాకిట్లో
తెరిచే గుప్పిళ్లలోన ||ప్రణయం ||

చరణం 2

చూపుతో గిచ్చక వయసే లేతదమ్మా
వలపు గాలికే వాడుతున్నది
విసరకు పూబాణమే
చేసుకో మచ్చిక వరసే కొత్తదమ్మా
చలికి రేగిన ఒడికి చేరిన
చెరిసగ మీ ప్రాణమే
నీ ఊపిరి నాలో పూలారబోసి
అందాలో నా ప్రేమ గంధాలో
ముసిరే ముంగిళ్లలోన
అందం శరణం గచ్చామి
హృదయం శరణం గచ్చామి
ఈ సాయంత్ర వేళ నీ ఏకాంతసేవ
సుఖ శిఖరం శుభయోగం
అది నా సంగీతం

నీలాల కన్నుల్లో మెలమెల్లగా...

నీలాల కన్నుల్లో మెలమెల్లగా
నిదుర రావమ్మా రావే...
నిండారా రావే
నెలవంక చలువల్లు వెదజల్లగా
నిదుర రావమ్మా రావే నెమ్మదిగా రావే ||నీలాల||

చరణం 1

ఓ ఓ ఓ... చిరుగాలి బాల
పాడింది జోల పాడిందీ జోల
చిగురాకు మనసు కనుపాపలందు
ఎద దోచెనమ్మా ఏవేవో కలలు
కలలన్నీ కళలెన్నో విరబూయగా
నిదుర రావమ్మా రావే...
నెమ్మదిగా రావే ||నీలాల||

చరణం 2

ఓ ఓ ఓ... నిదురమ్మ ఒడిలో
ఒరిగింది రేయి ఊగిందీ లాలీ
గగనాన్ని చూసి ఒక కన్నుదోయి
వినిపించమంది ఎన్నెన్నో కధలు
కధ చెప్పి మురిపించి మరిపించగా
నిదుర రావమ్మా రావే...
నెమ్మదిగా రావే ||నీలాల||

రారయ్యా పోయినవాళ్ళు...

రారయ్యా పోయినవాళ్ళు
ఎవరయ్యా ఉండే వాళ్ళు
నవ్వు మరచి నన్ను మరచి
ఎందుకు కన్నీళ్ళు ఇలా ఎన్నాళ్ళూ
రారయ్యా పోయినవాళ్ళు

చరణం 1

తొలిసారి చూశాను నీ కళ్లను
అవి చిలికాయి నవ్వుల వెన్నెలను ||తొలిసారి||
నిలువునా పులకించాను
కలువనై విరబూచాను
మసకేసిన చందమామను
ఏమని చూస్తాను
నేనేమైపోతాను ||రారయ్యా||

చరణం 2

నీ కళ్లకే కాదు కన్నీళ్లకూ
నే తోడు ఉంటాను ఏ వేళకూ
నీ మమతలే కాదు నీ కలతనూ
నే పంచుకుంటాను ప్రతి జన్మకూ ||నీ మమతలే||
||రారయ్యా||

చరణం 3

నిదురల్లె వస్తాను నీ కంటికి
చిరునవ్వు తెస్తాను నీ పెదవికి ||నిదురెల్లె||
అమ్మల్లె లాలించి అనురాగం పలికించు ||రారయ్యా||

ఇది మల్లెల వేళయనీ ఇది వెన్నెల మాసమనీ...

ఇది మల్లెల వేళయనీ ఇది వెన్నెల మాసమనీ
తొందరపడి ఒక కోయిల
ముందే కూసింది విందులు చేసింది

చరణం 1

కసిరే ఎండలు కాల్చునని
ముసిరే వానలు ముంచునని
ఇక కసిరే ఎండలు కాల్చునని
మరి ముసిరే వానలు ముంచునని
ఎరుగని కోయిల ఎగిరింది ||2||
విరిగిన రెక్కల ఒరిగింది
నేలకు ఒరిగింది ||ఇది మల్లెల||

చరణం 2

మరిగిపోయేది మానవ హృదయం
కరుణ కలిగేది చల్లని దైవం ||2||
వాడే లతకు ఎదురై వచ్చు
వాడని వసంత మాసం
వసివాడని కుసుమ విలాసం ||ఇది మల్లెల||

చరణం 3

ద్వారానికి తారామణిహారం
హారతి వెన్నెల కర్పూరం ||2||
మోసం ద్వేషం లేని సీమలో
మొగసాల నిలిచెనీ మందారం ||ఇది మల్లెల||

అయినదేమో అయినదీ...

ఆ... ఆ... ఆ... ఆ ఆ ఆ...
అయినదేమో అయినదీ
ప్రియ గానమేదే ప్రేయసి ||2||
ఆ... ప్రేమగానము సాగగానే
భూమి స్వర్గమె అయినది ||2|| ||అయిన||

చరణం 1

ఏమి మంత్రము వేసినావో
ఏమి మత్తును చల్లినావో ||2||
నిన్నుచూసిన నిముషమందే
మనసు నీ వశమైనది.. ||మనసు|| ||అయిన||

చరణం 2

కులుకులొలికే హొయలు చూసి
వలపు చిలికే లయలు చూసి ||2||
తలపులేవో రేగి నాలో
చాల కలవరమైనది.. ||2|| ||అయిన||

ఆకుచాటు పిందె తడిసె...

ఆకుచాటు పిందె తడిసె... కోకమాటు పిల్ల తడిసె...
ఆకాశ గంగొచ్చింది అందాలు ముంచెత్తింది
గోదారి పొంగొచ్చింది కొంగుల్ని ముడిపెట్టింది
గూడుచాటు గువ్వ తడుసె...
గుండెమాటు గుట్టుతడిసె... ||2|| ||ఆకాశ ||

చరణం 1

ముద్దిచ్చి ఓ చినుకు ముత్యమైపోతుంటే
చిగురాకు పాదాల సిరిమువ్వలౌతుంటే
ఓ చినుకు నినుతాకి తడియారిపోతుంటే
ఓ చినుకు నీ మెడలో నగలాగ నవ్వుతుంటే
నీ మాటవిని మబ్బుమెరిసి... ఆహా...
జడివానలే కురుసి కుదిపి ఒళ్ళు తడిసి వెల్లివిరిసి
వలపు సరిగంగ స్నానాలు చెయ్యాలి
అహా అహా అహా... అహ అహ అహా... ||ఆకుచాటు||

చరణం 2

మైమరచి ఓ మెరుపు నిన్నల్లుకుంటుంటే
ఎదలోన ఓ మెరుపు పొదరిల్లు కడుతుంటే
ఓ మెరుపు నీ చూపై ఉరిమేసి రమ్మంటే
ఓ మెరుపు నీ నవ్వై నన్నే నమిలేస్తుంటే ఆహా...
నీ విరుపులే ముడుపులిచ్చి చలిని పెంచి చెలిమి పంచి
కలలు వెచ్చంగ తడి ఆర్చుకోవాలి
అహ అహ అహా... అహ అహ అహ... ||ఆకుచాటు||

జోరుమీదున్నావు తుమ్మెదా

జోరుమీదున్నావు తుమ్మెదా
నీ జోరెవరికోసమే తుమ్మెదా ||2||
ఇల్లిల్లు తిరిగేవు తుమ్మెదా
నీ ఒళ్ళు జాగరతె తుమ్మెదా ||జోరు||

చరణం 1

ముస్తాబు అయ్యావు తుమ్మెదా
కస్తూరి రాశావు తుమ్మెదా
మసక ఎన్నెల్లోన తుమ్మెదా
మల్లెపందిరి కాడ తుమ్మెదా
మాల కడుతున్నావు తుమ్మెదా
ఆ మాలెవరికోసమే తుమ్మెదా ||జోరు||

చరణం 2

మెత్తన్ని పరుపూలు తుమ్మెదా
గుత్తంగ కట్టావు తుమ్మెదా
ఒత్తైన పరుపుపై తుమ్మెదా
అత్తర్లు చల్లావు తుమ్మెదా
పక్క వేసుంచావు తుమ్మెదా
ఆ పక్కెవరికోసమే తుమ్మెదా ||జోరు||

ప్రియురాల సిగ్గేలనే...

ప్రియురాల సిగ్గేలనే ||2||
నీ మనసేలు మగవాని జేరి ప్రియురాల సిగ్గేలనే
నాలోన ఊహించిన..
కలలీనాడు ఫలియించెస్వామి..
నాలోన ఉంహించిన..

చరణం 1

ఏమీ ఎరుగని గోపాలునికి ప్రేమలేవో నేరిపినావు ||2||
మనసుదీర పలుకరించి
మా ముద్దుముచ్చట చెల్లించవే ||ప్రియురాల||

చరణం 2

ప్రేమలు తెలిసిన దేవుడవని విని నా మదిలోన కొలిచితిని ||2||
స్వామివి నీవని తలచి నీకే బ్రతుకు కానుక చేసితిని ||నాలోన||

చరణం 3

సమయానికి తగు మాటలు నేర్చిన సరసురాలవే ఓ భామా ||2||
ఇపుడేమన్నా ఒప్పునులే ఇక ఎవరేమన్నా తప్పదులే ||ప్రియురాల||

నిలువుమా నిలువుమా నీలవేణి...

నిలువుమా!
నిలువుమా నిలువుమా నీలవేణి
నీ కనుల నీలినీడ
నా మనసూ నిదురపోనీ ||నిలువుమా||

చరణం 1

అడుగడుగున ఆడేలే నడుము సొంపులా ||2||
తడబడే అడుగుల నటనల మురిపింపుల ||2||
సడిసేయక ఊరించే...
సడిసేయక ఊరించే వయ్యారపు ఒంపుల
కడకన్నుల ఇంపుల గడసరి కవ్వింపులా
నడచిరా నడచిరా నాగవేణి
నీ కనుల నీలినీడ నా మనసూ నిదురపోనీ
నిలువుమా నిలువుమా నీలవేణి

చరణం 2

అద్దములో నీ చెలువు తిలకింపకు ప్రేయసీ
అలిగేవు నీ సాటి చెలిగా తలబోసి ||2||
నా ఊర్వశి రావే రావేయని పిలువనా ||2||
ఆ సుందరి నెరనీకు నీ గోటికి సమమౌనా
రా చెలీ నిను మది దాచుకోని ||2||
నీ కనుల నీలినీడ నా మనసూ నిదురపోనీ
నిలువుమా నిలువుమా నీలవేణి

నీవు లేక వీణ పలుకలేనన్నది...

నీవు లేక వీణ పలుకలేనన్నది
నీవు రాక రాధ నిలువ లేనన్నది
నీవు లేక వీణ...

చరణం 1

జాజి పూలు నీకై రోజు రోజు పూచే
చూసి చూసి పాపం సొమ్మసిల్లి పోయే
చందమామ నీకై తొంగి తొంగి చూచి ||2||
సరసను లేవని అలకలు బోయే ||నీవు లేక వీణ||

చరణం 2

కలలనైనా నిన్ను కనుల చుతమన్నా
నిదుర రాని నాకు కలలు కూడా రావే
కదల లేని కాలం విరహ గీతి రీతి
పరువము వృధగా బరువుగ సాగే ||నీవు లేక వీణ||

చరణం 3

తలుపులన్ని నీకై తెరచి వుంచినాను
తలపులెన్నొ మదిలో దాచి వేచినాను
తాపమింక నేను ఓపలేను స్వామి ||2||
తరుణిని కరుణను ఏలగ రావ ||నీవు లేక వీణ||

చందురిని మించు అందమొలకించు...

చందురుని మించు అందమొలకించు
ముద్దుపాపాయివే
నిను కన్నవారింట కష్టములనీడ
కరగిపోయేనులే
కరుణతో చూచి కనకదుర్గమ్మ కామితములిచ్చులే
లోకములనేలు వెంకటేశ్వరుడు నిన్ను దీవించులే ||2||

చరణం 1

అన్న ఒడి చేర్చి ఆటలాడించు నాటి కధ పాడనా
కలతలకు లొంగి కష్టముల కృంగు
నేటి కధ పాడనా కన్నీటి కధ పాడనా
కలతలకు లొంగి.. కష్టముల కృంగు..
కన్నీటి కధ పాడనా...
కంటిలోపాప ఇంటికే జ్యోతి చెల్లి నా పాణమే
చెల్లి నా ప్రాణమే
మము విధియె విడదీసె వెతలలో ద్రోసె
మిగిలెనీ శోకమే ||2||
విధియె విడదీసె.. వెతలలో ద్రోసె..
మిగిలెనీ శోకమే... ||చందురుని మించు||

చరణం 2

మనసులను కలుపు మధుర బంధాలు మాసిపోరాదులే
పెరిగి నీవైన మామగారింట మనువునే కోరుమా
బంధమే నిల్పుమా మా బంధమే నిల్పుమా
కాలమెదురైనా గతులు వేరైనా
మమతలే మాయునా
పెరిగి నీవైనా అత్తగారింట కోడలిగ చేరుమా
బంధమే నిల్పుమా మా బంధమే నిల్పుమా
దివిలో తారకలు భువిలో మానవులు
ధూళిలో కలిసినా
అన్నచెల్లెళ్ల జన్మబంధాలే నిత్యమై నిల్చులే
లాలి పాపాయి హాయి పాపాయి
లాలి పాపాయి జోజో లాలి పాపాయి జోజో

మనసే కోవెలగా మమతలు మల్లెలుగా...

మనసే కోవెలగా మమతలు మల్లెలుగా
నిన్నే కొలిచెదరా..
నన్నెన్నడు మరువకురా కృష్ణా... ||మనసే|

చరణం 1

ఈ అనురాగం ఈ అనుబంధం మన ఇరువురి ఆనందం ||2||
కలకాలం మదినిండాలి కలలన్నీ పండాలి ||2||
మన కలలన్నీ పండాలి ||మనసే||

చరణం 2

ఎన్నో జన్మల పుణ్యముగా నిన్నేతోడుగా పొందాను ||2||
ప్రతీ రేయీ పున్నమిగా
బ్రతుకు తీయగా గడిపేను ||2|| ||మనసే||

చరణం 3

నీ చూపులలో చూపులతో నీ ఆశలలో ఆశలతో ||2||
ఒకే ప్రాణమై ఒకే ధ్యానమై
ఒకరికి ఒకరై బ్రతకాలి ||2|| ||మనసే||

ఝుమ్మంది నాదం... సై అంది పాదం...

ఝుమ్మంది నాదం... సై అంది పాదం...
తనువూగింది ఈ వేళ...
చెలరేగింది ఒక రాసలీల... ||ఝుమ్మంది||

చరణం 1

ఎదలోని సొదలా ఎలదేటి రొదలా
కదిలేటి నదిలా కలల వరదలా ||ఎదలోని||
చలిత లలిత పద కలిత కవితలెద
సరిగమ పలికించగా...
స్వర మధురిమలొలికించగా...
సిరిసిరిమువ్వలు పులకించగా... ||నీతో||

చరణం 2

నటరాజ ప్రేయసి నటనాల ఊర్వశి
నటియించు నీవని తెలిసీ ||నటరాజ||
ఆకాశమై పొంగె ఆవేశం
కైలాసమే వంగే నీకోసం ||ఝుమ్మంది||

చరణం 3

మెరుపుంది నాలో... అది నీ మేని విరుపు
ఉరుముంది నాలో... అది నీ మువ్వ పిలుపు
చినుకు చినుకులో చిందు లయలతో
కురిసింది తొలకరి జల్లు
విరిసింది అందాల హరివిల్లు
ఈ పొంగులే ఏడు రంగులుగా ||ఝుమ్మంది||

ఆకాశం దించాలా నెలవంక తుంచాలా...

ఆకాశం దించాలా నెలవంక తుంచాలా
సిగలో ఉంచాలా... ఆ... ||2||
చెక్కిలి నువ్వు నొక్కేటప్పటి చక్కలి గింతలు చాలు
ఆకాశం నా నడుము నెలవంక నా నుదురు
సిగలో నువ్వేరా... ఆ... ఆ...

చరణం 1

పట్టుతేనె తెమ్మంటే చెట్టెక్కి తెస్తానే... తెస్తానే...
మిన్నాగు మణినైనా పుట్టలోంచి తీస్తానే... తీస్తానే...
ఆ... పట్టుతేనె నీకన్నా తియ్యంగా వుంటుందా!
మిన్నాగు మణికైనా నీ ఇలువ వస్తుందా!
అంతేనా అంతేనా...
అవును అంతేరా... ఆ...
ఆకాశం అంచుల్లో భూదేవి కలిసేలా
కౌగిట్లో కరిగేరా... ఆ... ||2||

చరణం 2

సూరీడు ఎర్రదనం సిందూరం చేస్తానే... చేస్తానే...
కరిమబ్బు నల్లదనం కాటుక దిద్దేనే... దిద్దేనే...
ఆ... నీ ఒంటి వెచ్చదనం నన్నేలే సూరీడు
నీ కంటి చల్లదనం నా నీడ నా గూడు ||అంతేనా||
మెరిసేటి చుక్కల్నీ మెడలోన చుట్టాలా
తలంబ్రాలు పొయ్యాలా
గుండెలోన గువ్వలాగ కాపురముంటే చాలు
ఆకాశం అంచుల్లో భూదేవి కలిసేలా
కౌగిట్లో కరిగేరా... ఆ...