జన్మమెత్తితిరా... అనుభవించితిరా...

జన్మమెత్తితిరా... అనుభవించితిరా ||2||
బ్రతుకు సమరంలో పండిపోయితిరా ||2||

అనుపల్లవి

మంచి తెలిసి మానవుడుగ మారినానురా... ||జన్మ||

చరణం 1

స్వార్థమను పిశాచి మదిని స్వారి చేసెరా
బ్రతుకంతా చెలరేగిన ప్రళయమాయెరా ||స్వార్థమను||
దైవశక్తి మృగత్వమునె సంహరించెరా ||2||
సమరభూమి నా హృదయం శాంతి పొందెరా ||జన్మ||

చరణం 2

క్రోధలోభ మోహములే పడగలెత్తెరా
బుసలుకొట్టి గుండెలోన విషముగ్రక్కెరా ||క్రోధలోభ||
ధర్మజ్యోతి తల్లివోలె ఆదరించెరా ||2||
నా మనసే దివ్య మందిరముగ మారిపోయెరా ||జన్మ||

చరణం 3

మట్టియందె మాణిక్యము దాగియుండురా
మనిషియందె మహాత్ముని కాంచగలవురా ||మట్టియందె||
ప్రతిగుండెలో గుడిగంటలు ప్రతిధ్వనించురా ||2||
ఆ దివ్య స్వరం న్యాయపథం చూపగగలుగురా ||జన్మ||

చిత్రం... ఆయ్ భళారే విచిత్రం...

చిత్రం... ఆయ్ భళారే విచిత్రం
చిత్రం.. అయ్యారే విచిత్రం
ఈ రాచనగరుకు రారాజును రప్పించుట విచిత్రం
పిలువకనే ప్రియ విభునే విచ్చేయుటే విచిత్రం ||చిత్రం||

చరణం 1

రాచరికపు జిత్తులతో రణతంత్రపు టెత్తులతో ||2||
సదమదము మామదిలో మదనుడు సందడి సేయుట
చిత్రం.. ఆయ్ భళారే విచిత్రం

చరణం 2

ఎంతటి మహరాజైన ఆ ఆ ఆ...
ఎంతటి మహరాజైన ఎపుడో ఏకాంతంలో
ఎంతో కొంత తన కాంతను స్మరించుటే సృష్టిలోని
చిత్రం.. ఆయ్ భళారే విచిత్రం

చరణం 3

బింబాధర మధురిమలు..
బిగి కౌగిలి ఘుమఘుమఘుమలు..
ఆ.. ఆఆఆ.. ||బింబాధర||
ఇన్నాళ్ళుగ మాయురే మేమెరుగక పోవుటే
చిత్రం.. ఆయ్ భళారే విచిత్రం

చరణం 4

ఆఆఆ... వలపెరుగని వాడననీ...
వలపెరుగని వాడనని పలికిన ఈ రసికమణీ
తొలిసారే ఇన్ని కళలు కురిపించుట
అవ్వ... నమ్మలేని చిత్రం అయ్యారే విచిత్రం
ఆయ్.. భళారే విచిత్రం అయ్యారే విచిత్రం ||3||

చిత్రం: దానవీరశూరకర్ణ (1977)
రచన: డా|| సి. నారాయణరెడ్డి
సంగీతం: పెండ్యాల నాగేశ్వరరావు
గానం: ఎస్. పి. బాలు, పి. సుశీల

ఆడువారి మాటలకు అర్ధాలే వేరులే...

అవునంటే కాదనిలే కాదంటే అవుననిలే ||2||
ఆడువారి మాటలకు అర్ధాలే వేరులే..
అర్ధాలే వేరులే.. అర్ధాలే వేరులే..

చరణం 1

అలిగి తొలిగి నిలిచినచో ||2||
చెలిమిజేయ రమ్మనిలే
చొరవ చేసి రమ్మనుచో ||2||
మరియాదగ పొమ్మనిలే ||ఆడువారి||

చరణం 2

విసిగి నసిగి కసిరినచో ||2||
విషయమసలు ఇష్టమెలే
తరచి తరచి ఊసడిగిన ||2||
సరసమింక చాలనిలే ||అడువారి||

అయినదేమో అయినదీ...

ఆ... ఆ... ఆ... ఆ ఆ ఆ...
అయినదేమో అయినదీ
ప్రియ గానమేదే ప్రేయసి ||2||
ఆ... ప్రేమగానము సాగగానే
భూమి స్వర్గమె అయినది ||2|| ||అయిన||

చరణం 1

ఏమి మంత్రము వేసినావో
ఏమి మత్తును చల్లినావో ||2||
నిన్నుచూసిన నిముషమందే
మనసు నీ వశమైనది.. ||మనసు|| ||అయిన||

చరణం 2

కులుకులొలికే హొయలు చూసి
వలపు చిలికే లయలు చూసి ||2||
తలపులేవో రేగి నాలో
చాల కలవరమైనది.. ||2|| ||అయిన||

ఆకుచాటు పిందె తడిసె...

ఆకుచాటు పిందె తడిసె... కోకమాటు పిల్ల తడిసె...
ఆకాశ గంగొచ్చింది అందాలు ముంచెత్తింది
గోదారి పొంగొచ్చింది కొంగుల్ని ముడిపెట్టింది
గూడుచాటు గువ్వ తడుసె...
గుండెమాటు గుట్టుతడిసె... ||2|| ||ఆకాశ ||

చరణం 1

ముద్దిచ్చి ఓ చినుకు ముత్యమైపోతుంటే
చిగురాకు పాదాల సిరిమువ్వలౌతుంటే
ఓ చినుకు నినుతాకి తడియారిపోతుంటే
ఓ చినుకు నీ మెడలో నగలాగ నవ్వుతుంటే
నీ మాటవిని మబ్బుమెరిసి... ఆహా...
జడివానలే కురుసి కుదిపి ఒళ్ళు తడిసి వెల్లివిరిసి
వలపు సరిగంగ స్నానాలు చెయ్యాలి
అహా అహా అహా... అహ అహ అహా... ||ఆకుచాటు||

చరణం 2

మైమరచి ఓ మెరుపు నిన్నల్లుకుంటుంటే
ఎదలోన ఓ మెరుపు పొదరిల్లు కడుతుంటే
ఓ మెరుపు నీ చూపై ఉరిమేసి రమ్మంటే
ఓ మెరుపు నీ నవ్వై నన్నే నమిలేస్తుంటే ఆహా...
నీ విరుపులే ముడుపులిచ్చి చలిని పెంచి చెలిమి పంచి
కలలు వెచ్చంగ తడి ఆర్చుకోవాలి
అహ అహ అహా... అహ అహ అహ... ||ఆకుచాటు||

ప్రియురాల సిగ్గేలనే...

ప్రియురాల సిగ్గేలనే ||2||
నీ మనసేలు మగవాని జేరి ప్రియురాల సిగ్గేలనే
నాలోన ఊహించిన..
కలలీనాడు ఫలియించెస్వామి..
నాలోన ఉంహించిన..

చరణం 1

ఏమీ ఎరుగని గోపాలునికి ప్రేమలేవో నేరిపినావు ||2||
మనసుదీర పలుకరించి
మా ముద్దుముచ్చట చెల్లించవే ||ప్రియురాల||

చరణం 2

ప్రేమలు తెలిసిన దేవుడవని విని నా మదిలోన కొలిచితిని ||2||
స్వామివి నీవని తలచి నీకే బ్రతుకు కానుక చేసితిని ||నాలోన||

చరణం 3

సమయానికి తగు మాటలు నేర్చిన సరసురాలవే ఓ భామా ||2||
ఇపుడేమన్నా ఒప్పునులే ఇక ఎవరేమన్నా తప్పదులే ||ప్రియురాల||

చందురిని మించు అందమొలకించు...

చందురుని మించు అందమొలకించు
ముద్దుపాపాయివే
నిను కన్నవారింట కష్టములనీడ
కరగిపోయేనులే
కరుణతో చూచి కనకదుర్గమ్మ కామితములిచ్చులే
లోకములనేలు వెంకటేశ్వరుడు నిన్ను దీవించులే ||2||

చరణం 1

అన్న ఒడి చేర్చి ఆటలాడించు నాటి కధ పాడనా
కలతలకు లొంగి కష్టముల కృంగు
నేటి కధ పాడనా కన్నీటి కధ పాడనా
కలతలకు లొంగి.. కష్టముల కృంగు..
కన్నీటి కధ పాడనా...
కంటిలోపాప ఇంటికే జ్యోతి చెల్లి నా పాణమే
చెల్లి నా ప్రాణమే
మము విధియె విడదీసె వెతలలో ద్రోసె
మిగిలెనీ శోకమే ||2||
విధియె విడదీసె.. వెతలలో ద్రోసె..
మిగిలెనీ శోకమే... ||చందురుని మించు||

చరణం 2

మనసులను కలుపు మధుర బంధాలు మాసిపోరాదులే
పెరిగి నీవైన మామగారింట మనువునే కోరుమా
బంధమే నిల్పుమా మా బంధమే నిల్పుమా
కాలమెదురైనా గతులు వేరైనా
మమతలే మాయునా
పెరిగి నీవైనా అత్తగారింట కోడలిగ చేరుమా
బంధమే నిల్పుమా మా బంధమే నిల్పుమా
దివిలో తారకలు భువిలో మానవులు
ధూళిలో కలిసినా
అన్నచెల్లెళ్ల జన్మబంధాలే నిత్యమై నిల్చులే
లాలి పాపాయి హాయి పాపాయి
లాలి పాపాయి జోజో లాలి పాపాయి జోజో

మనసే కోవెలగా మమతలు మల్లెలుగా...

మనసే కోవెలగా మమతలు మల్లెలుగా
నిన్నే కొలిచెదరా..
నన్నెన్నడు మరువకురా కృష్ణా... ||మనసే|

చరణం 1

ఈ అనురాగం ఈ అనుబంధం మన ఇరువురి ఆనందం ||2||
కలకాలం మదినిండాలి కలలన్నీ పండాలి ||2||
మన కలలన్నీ పండాలి ||మనసే||

చరణం 2

ఎన్నో జన్మల పుణ్యముగా నిన్నేతోడుగా పొందాను ||2||
ప్రతీ రేయీ పున్నమిగా
బ్రతుకు తీయగా గడిపేను ||2|| ||మనసే||

చరణం 3

నీ చూపులలో చూపులతో నీ ఆశలలో ఆశలతో ||2||
ఒకే ప్రాణమై ఒకే ధ్యానమై
ఒకరికి ఒకరై బ్రతకాలి ||2|| ||మనసే||

నామది నిన్ను పిలిచింది గానమై...

ఓ ప్రియతమా.. ప్రియతమా.. ప్రియతమా..
నామది నిన్ను పిలిచింది గానమై
వేణు గానమై నా ప్రాణమై ||2||

చరణం 1

ఎవ్వరివో నీవు నే నెరుగలేను
ఏ పేరున నిన్ను నే పిలువగలను ||2||
తలపులలోనే నిలిచేవు నీవే ||2||
తొలకరి మెరుపుల రూపమై ||నా మది||

చరణం 2

ఎన్ని యుగాలని నీ కొరకు వేచేను
ఈ మూగబాధ ఎందాక దాచేను ||2||
వేచిన మదినే వెలిగింపరావే ||2||
ఆరని అనురాగ దీపమై ||నా మది||
చిత్రం: ఆరాధన (1976)
రచన: డా. సి. నారాయణరెడ్డి
సంగీతం: సాలూరి హనుమంతరావు
గానం: మహమ్మద్‌ రఫీ

ఏమో... ఏమో... ఇది నాకేమొ ఏమొ అయినది...

ఏమో... ఏమో... ఇది నాకేమొ ఏమొ అయినది ||2||
ఈ వేళలో నా గుండెలో ఏదో గుబులౌతున్నది
ఏమో... ఏమో... అది నీకేమి ఏమి అయినది
ఈ వేళలో నీ గుండెలో ఎందుకు గుబులౌతున్నది
హ... ఏమో ఏమో ఇది...

చరణం 1

కనులలో నీ కనులలో నా కలలే పొంగినవి
కురులలో ముంగురులలో నా కోరికలూగినవి
అహ హా.. అహా.. ఆ ఆ..
వింతగా కవ్వింతగా ఈ వెన్నెల పూచినది
చెంతగా నువు చేరగా గిలిగింతగ తోచినది
గిలిగింతగ తోచినది.. ||ఏమో..||

చరణం 2

ఎందుకో సిగ్గెందుకో నా అందాల బొమ్మకు
అందుకో చేయందుకో మరి ఆ వైపు చూడకు
అహహా.. ఓహో.. అహా..
నవ్వుతో.. ముసి నవ్వుతో హోయ్‌..
నను దోచివేయకు
మాటతో సయ్యాటతో నను మంత్రించి వేయకు..
మంత్రించి వేయకు.. ||ఏమో..||

జగమే మారినది మధురముగా ఈ వేళ...

ఆ... ఆ... ఆ...
జగమే మారినది మధురముగా ఈ వేళ ||2||
కలలూ కోరికలూ తీరినవి మనసారా ||జగమే||

చరణం 1

మనసాడెనే మయూరమై పావురములు పాడే
ఎల పావురములు పాడే ||2||
ఇది చేరెను గోరువంక రామచిలుక చెంత
అవి అందాల జంట ||2||
నెనరూ కురిమి ఈనాడే పండెను ||2||
జీవితమంతా చిత్రమైన పులకింత ||జగమే||

చరణం 2

విరజాజులా సువాసన స్వాగతములు పలుక
సుస్వాగతములు పలుక
తిరుగాడెను తేనెటీగ తీయదనము కోరి
అనురాగాల తేలి
కమ్మని భావమే చిందెనే ||2||
ప్రియమగు చెలిమి సాటిలేని కలిమి ||జగమే||

మల్లియలారా మాలికలారా...

మల్లియలారా మాలికలారా
మౌనముగా ఉన్నారా మా కధయే విన్నారా ||2||

చరణం 1

జాబిలిలోనే జ్వాలలు రేగే
వెన్నెలలోనే చీకటి మూగే ||2||
పలుకగ లేక పదములే రాక
పలుకగా లేక పదములే రాక
బ్రతుకే తానే బరువై సాగే ||మల్లియలారా||

చరణం 2

చెదరిన వీణ రవళించేనా
జీవనరాగం చివురించేనా ||2||
కలతలు పోయి వలపులు పొంగి
కలతలే పోయి వలపులు పొంగి
మనసే లోలో పులకించేనా ||మల్లియలారా||

రేపంటి రూపం కంటి పూవింటి చూపుల వంటి

రేపంటి రూపం కంటి పూవింటి చూపుల వంటి
నీ కంటి చూపుల వెంట నా పరుగంటి
రేపంటి వెలుగే కంటి పూవింటి దొరనే కంటి
నా కనే కలలూ కళలూ నీ సొమ్మంటి

చరణం 1

నాతోడు నీవైయుంటే నీ నీడ నేనేనంటి...
ఈ జంట కంటే వేరేలేదు లేదంటి ||2||
నీ పైన ఆశలు వుంచి ఆపైన కోటలు పెంచి ||2||
నీకోసం రేపూ మాపూ వుంటివి నిన్నంటి ||రేపంటి||

చరణం 2

నే మల్లెపువ్వై విరిసి నీ నల్లని జడలో వెలసి
నీ చల్లని నవ్వుల కలిసి వుంటే చాలంటి ||2||
నీ కాలి మువ్వల రవళి నా భావి మోహన మురళి ||2||
ఈ రాగసరళి తరలిపోదాం రమ్మంటి ||రేపంటి వెలుగే||

చరణం 3

నీలోని మగసిరితోటి నాలోని సొగసుల పోటి
వేయించి నేనే ఓడిపోనీ పొమ్మంటి
నేనోడి నీవే గెలిచి నీ గెలుపు నాదని తలచి
రాగాలు రంజిలు రోజే రాజీ రమ్మంటి ||రేపంటి వెలుగే|| ||రేపంటి||

వగలరాణివి నీవే సొగసుకాడను నేనే

వగలరాణివి నీవే సొగసుకాడను నేనే
ఈడు కుదిరెను జోడు కుదిరెను మేడ దిగిరావే ||2||
వగలరాణివి నీవే...

చరణం 1

పిండి వెన్నెల నీకోసం పిల్లతెమ్మెర నాకోసం ||2||
రెండు కలసిన నిండుపున్నమి రేయి మనకోసం
వగలరాణివి నీవే...

చరణం 2

దోరవయసు చినదాన కోరచూపుల నెరజాణ ||2||
బెదురుటెందుకు కదలు ముందుకు ప్రియుడనేగాన
వగలరాణివి నీవే...

చరణం 3

కోపమంతా పైపైనే చూపులన్నీ నాపైనే ||2||
వరుని కౌగిట ఒరిగినంతట కరగిపోదువులే ||వగలరాణివి||
వగలరణివి నీవే...

కరుణించు మేరిమాత...

కరుణించు మేరిమాత... శరణింక మేరిమాత...
నీవే శరణింక మేరిమాత ||2||

చరణం 1

పరిశుద్ధాత్మ మహిమ వరపుత్రుగంటివమ్మ...
పరిశుద్ధాత్మ మహిమ వరపుత్రుగంటివమ్మ...
ప్రభు ఏసునాధు కృపచే మా భువికి కలిగే రక్ష... ||కరుణించు||

చరణం 2

తుది లేని దారిచేరి పరిహాసమాయే బ్రతుకు...
తుది లేని దారిచేరి పరిహాసమాయే బ్రతుకు...
క్షణమైన శాంతిలేదే దినదినము శోధనాయే ||కరుణించు||

శేషశైలావాస శ్రీవెంకటేశా

శేషశైలావాస శ్రీవెంకటేశా
శయనించు మా అయ్య శ్రీచిద్విలాసా...
శేషశైలావాస శ్రీవెంకటేశా...

చరణం 1

శ్రీదేవి వంకకు చిలిపిగా చూడకు
అలమేలుమంగకు అలుకరానీయకు ||2||
ముద్దు సతులిద్దరిని ఇరువైపుల జేర్చి ||2||
మురిపించి లాలించి ముచ్చటల తేల్చి ||శేషశైలావాస||

చరణం 2

పట్టుపానుపు పైన పవ్వళించర స్వామి ||2||
భక్తులందరు నిన్ను ప్రస్తుతించిపాడ
చిరునగవులొలుకుచూ నిదురించు నీ మోము ||2||
కరువుతీరా గాంచి తరియింతుమూ మేము ||శేషశైలావాస||

సుడిగాలిలోన దీపం కడవరకు వెలుగునా

సుడిగాలిలోన దీపం కడవరకు వెలుగునా
సుడిగాలిలోన దీపం...

చరణం 1

లోకాన పన్నీరు జల్లేవులే
నీకేమొ కన్నీరు మిగిలిందిలే
పరవారి గాయాలు మాన్పేవులే
నీలోన పెనుగాయ మాయెనులే ||2||
అణగారిపోవు ఆశ నీవల్లనె పలికే... ||సుడిగాలిలోన||

చరణం 2

ఒక కన్ను నవ్వేటివేళలో
ఒక కన్ను చెమరించసాగునా...
ఒక చోట రాగాలు వికసించునా
ఒక చోట హృదయాలు ద్రవియించునా ||2||
ఎనలేని ప్రాణదానం ఎద బాధ తీర్చునా... ||సుడిగాలిలోన||

చరణం 3

కల్లోల పవనాలు చెలరేగునా
గరళాల జడివాన కురిపించునా
అనుకోని చీకట్లు తెలవారునా
ఆనంద కిరణాలు ఉదయించునా ||2||
విధికేమొ లీల అయినా...
మది బరువు మోయునా... ||సుడిగాలిలోన||

నీలకంధరా దేవా దీనబాంధవా రావా నన్నుగావరా

జయ జయ మహాదేవ శంభో సదాశివా...
ఆశ్రితమందారా శృతిశిఖర సంచారా...

పల్లవి

నీలకంధరా దేవా దీనబాంధవా రావా నన్నుగావరా ||2||
సత్యసుందరా స్వామీ నిత్యనిర్మలా పాహీ ||2|| ||నీలకంధరా||

చరణం 1

అన్యదైవము గొలువా...
అన్యదైవము గొలువా నీదుపాదము విడువా ||2||
దర్శనమ్మునీరా మంగళాంగ గంగాధరా ||2|| ||నీలకంధరా||

చరణం 2

దేహియన వరములిడు దానగుణసీమా
పాహియన్నను ముక్తినిడు పరంధామా
నీయమమున నీ దివ్యనామ సంస్మరణా
ఏమారక చేయుదును భవతాపహరణా
నీ దయామయ దృష్టి దురితమ్ములార
వరసుధావృష్టి నా వాంఛలీడేరా
కరుణించు పరమేశ దరహాసభాసా
హరహర మహాదేవ కైలాసవాసా...
కైలాసవాసా
ఫాలలోచన నాదు మొరవిని
జాలిని పూనవయా
నాగభూషణ నన్ను కావగ
జాగును సేయకయా ||2||
కన్నులనిండుగ భక్తవత్సల కావగ రావయ్యా ||2||
ప్రేమమీర నీదు భక్తుని మాటను నిల్పవయా ||2|| ||ఫాలలోచన||
శంకరా శివశంకరా అభయంకరా విజయంకరా ||3||

చేయి చేయి కలుపరావె హాయి హాయిగా

చేయి చేయి కలుపరావె హాయి హాయిగా
నదురు బెదురు మనకింక లేదు లేదుగా... ||2||
అహా... చేయి చేయి...
పెద్దవారి అనుమతింక లేదు లేదుగా
చేయి చేయి కలుపుటెలా హాయి హాయిగా... ||2||
ఉహు... చేయి చేయి...

చరణం 1

మగని మాటకెదురాడుట తగదు తగదుగా
నాతి చెంత విరహము నే తాళలేనుగా... ||2||
అహా... చేయి చేయి...

చరణం 2

వీలు కాని విరహమింక వలదు వలదుగా
దాసి మీద వలపు మీకు తగదు తగదుగా... ||2|| ||చేయి చేయి||

బొమ్మను చేసి ప్రాణము పోసి

బ్రతుకంత బాధగా కలలోని గాధగా
కన్నీటిధారగా కరిగిపోయె
తలచేది జరుగదు జరిగేది తెలియదు...

బొమ్మను చేసి ప్రాణము పోసి
ఆడేవు నీకిది వేడుకా ||2||
గారడిచేసి గుండెను కోసి
నవ్వేవు ఈ వింత చాలిక ||బొమ్మను||

చరణం : 1

అందాలు సృష్టించినావు దయతో నీవు
మరల నీ చేతితో నీవే తుడిచేవులే
దీపాలు నీవే వెలిగించినావె
గాఢాంధకారాన విడిచేవులే
కొండంత ఆశ అడియాశ చేసి ||2||
పాతాళ లోకాన తోసేవులే ||బొమ్మను||

చరణం : 2

ఒకనాటి ఉద్యానవనము నేడు కనము
అదియే మరుభూమిగా నీవు మార్చేవులే ||2||
అనురాగ మధువు అందించి నీవు
హాలాహల జ్వాల చేసేవులే
ఆనందనౌక పయనించువేళ ||2||
శోకాల సంద్రాన ముంచేవులే