అందమైన లోకమనీ రంగు రంగులుంటాయని

అందమైన లోకమనీ రంగు రంగులుంటాయని
అందరూ అంటుంటారు రామ రామా...
అంత అందమైంది కానేకాదు చెల్లెమ్మ
చెల్లెమ్మా... అందమైంది కానేకాదు చెల్లెమ్మా ||అందమైన||

చరణం 1

ఆకలి ఆశలు ఈ లోకానికి మూలమమ్మా ||2||
ఆకలికి అందముందా రామ రామా...
ఆశలకు అంతముందా చెప్పమ్మా చెల్లెమ్మా... ||అందమైన||

చరణం 2

గడ్డిమేసి ఆవు పాలిస్తుంది
పాలు తాగి మనిషి విషమౌతాడు ||2||
అది గడ్డి గొప్పతనమా..
ఇది పాల దోష గుణమా.. ||2||
మనిషి చాలా దొడ్డాడమ్మా చెల్లెమ్మా
చెల్లెమ్మా... తెలివి మీరి చెడ్డాడమ్మా చిన్నమ్మా ||అందమైన||

చరణం 3

ముద్దుగులాబీకి ముళ్ళుంటాయి
మెగలిపువ్వులోన నాగుంటాది ||2||
ఒక మెరుపు వెంట పిడుగూ...
ఒక మంచిలోన చెడుగూ...
లోకమంత ఇదే తీరు చెల్లెమ్మా
చెల్లెమ్మా... లోతుకెళ్తే కథే వేరు చిట్టెమ్మా ||అందమైన||

చరణం 4

డబ్బు పుట్టి మనిషీ చచ్చాడమ్మా
పేదవాడు నాడే పుట్టాడమ్మా ||2||
ఆ ఉన్నవాడు తినడూ...
ఈ పేదను తిననివ్వడూ...
కళ్లులేని భాగ్యశాలి నువ్వమ్మా
ఈ లోకం కుళ్లు నీవు చూడలేవు చెల్లెమ్మా ||అందమైన||

ఏ తీగపూవునో ఏ కొమ్మ తేటినో కలిపింది

ఏ తీగపూవునో ఏ కొమ్మ తేటినో కలిపింది
ఏ వింత అనుబంధమౌనో
అప్పుడిన్న... అర్థం కాలేదా
ఏ తీగపూవునో ఏ కొమ్మ తేటినో కలిపింది
ఏ వింత అనుబంధమౌనో
తెలిసీ తెలియని అభిమానమౌనో

చరణం 1

మనసు మూగది మాటలు రానిది
మమత ఒకటే అది నేర్చినది
ఆహా అప్పుడియా... పెద్ద అర్ధం అయినట్టు
భాషలేనిది బంధమున్నది
మన ఇద్దరినీ జత కూర్చినది ||ఏ తీగపూవునో||

చరణం 2

వయసే వయసును పలకరించినది
వలదన్నా అది నిలువకున్నది
ఏ నీ రొంబ అళహారిక్కే ఆ రొంబ అంటే
ఎల్లలు ఏవీ ఒల్లలన్నది
నీది నాదొక లోకమన్నది ||2|| ||ఏ తీగపూవునో||

చరణం 3

తొలిచూపే నను నిలవేసినది
మారుమాపై అది కలవరించినది
నల్ల పొణ్ణు అంటే నల్ల పిల్ల
మొదటి కలయికే ముడివేసినది
తుదిదాకా ఇది నిలకడైనది ||2|| ||ఏ తీగపూవునో||

పల్లవించవా నా గొంతులో

పల్లవించవా నా గొంతులో
పల్లవి కావా నా పాటలో ||2||
ప్రణయ సుధా రాధా
నా బ్రతుకు నీది కాదా ||పల్లవించవా||

చరణం 1

నేనున్నది నీలోనే ఆ నేను నీవేలే
నాదన్నది ఏమున్నది నాలో
నీవేనాడొ మలిచావు ఈ రాతిని
నేనీనాడు పలకాలి నీ గీతిని
ఇదే నాకు తపమనీ ఇదే నాకు వరమని ||2||
చెప్పాలని ఉంది గొంతు విప్పాలని ఉంది ||2|| ||పల్లవించవా||

చరణం 2

నీ ప్రేమకు కలశాన్ని నీ పూజకు నిలయాన్ని
నీ వీణకు నాదాన్ని కానా
నే ఇన్నాళ్ళు చేసింది ఆరాధన
నీకు ఈనాడు తెలిపేది నా వేదన ||నీ ప్రేమకు||
ఇదే నిన్ను వినమని ఇదే నిజం అనమని ||2||
చెప్పాలని ఉంది గొంతు విప్పాలని ఉంది ||2|| ||పల్లవించవా||