ఆకాశం దించాలా నెలవంక తుంచాలా...

ఆకాశం దించాలా నెలవంక తుంచాలా
సిగలో ఉంచాలా... ఆ... ||2||
చెక్కిలి నువ్వు నొక్కేటప్పటి చక్కలి గింతలు చాలు
ఆకాశం నా నడుము నెలవంక నా నుదురు
సిగలో నువ్వేరా... ఆ... ఆ...

చరణం 1

పట్టుతేనె తెమ్మంటే చెట్టెక్కి తెస్తానే... తెస్తానే...
మిన్నాగు మణినైనా పుట్టలోంచి తీస్తానే... తీస్తానే...
ఆ... పట్టుతేనె నీకన్నా తియ్యంగా వుంటుందా!
మిన్నాగు మణికైనా నీ ఇలువ వస్తుందా!
అంతేనా అంతేనా...
అవును అంతేరా... ఆ...
ఆకాశం అంచుల్లో భూదేవి కలిసేలా
కౌగిట్లో కరిగేరా... ఆ... ||2||

చరణం 2

సూరీడు ఎర్రదనం సిందూరం చేస్తానే... చేస్తానే...
కరిమబ్బు నల్లదనం కాటుక దిద్దేనే... దిద్దేనే...
ఆ... నీ ఒంటి వెచ్చదనం నన్నేలే సూరీడు
నీ కంటి చల్లదనం నా నీడ నా గూడు ||అంతేనా||
మెరిసేటి చుక్కల్నీ మెడలోన చుట్టాలా
తలంబ్రాలు పొయ్యాలా
గుండెలోన గువ్వలాగ కాపురముంటే చాలు
ఆకాశం అంచుల్లో భూదేవి కలిసేలా
కౌగిట్లో కరిగేరా... ఆ...

ఏదో ఏదో అన్నది...

ఏదో ఏదో అన్నది ఈ మసక వెలుతురు
గూటి పడవలో విన్నది కొత్త పెళ్ళికూతురు ||ఏదో||

చరణం 1

ఒదిగి ఒదిగి కూచింది బిడియ పడే ఒయ్యారం
ముడుచుకొనే కొలది మరీ మిడిసి పడే సింగారం
సోయగాల విందులకై
వేయి కనులు కావాలి ఉ ఉ... ||ఏదో||

చరణం 2

నింగిలోని వేలుపులు ఎంత కనికరించారో
నిన్ను నాకు కానుకగా పిలిచి కలిమినొసగేరు
పులకరించు మమతలతో
పూల పాన్పు వేశారు ఉ ఉ... ||ఏదో||