కలకానిది నిజమైనది...

కలకానిది విలువైనది
బ్రతుకు కన్నీటి ధారలలోనే బలిచేయకు ||2||

చరణం 1

గాలివీచి పువ్వులతీగ నేలవాలిపోగా ||2||
జాలివీడి అటులే దాని వదిలివైతువా ఓ....
చేరదీసి నీరుపోసి చిగురించనీయవా ||కలకానిది||

చరణం 2

అలముకున్న చీకటిలోనే అలమటించనేలా ||2||
కలతలకే లొంగిపోయి కలవరించనేల ఓ....
సాహసమున జ్యోతిని చేకొని సాగిపో ||కలకానిది||

చరణం 3

అగాధమౌ జలనిధిలోనా ఆణిముత్యమున్నటులే
శోకాల మరుగున దాగి సుఖమున్నదిలే ||2||
ఏదీ తనంత తానై నీ దరికిరాదు
శోధించి సాధించాలి... అదియే ధీరగుణం ||కలకానిది||