ఇది తొలిరాత్రి... కదలని రాత్రి...

ఇది తొలిరాత్రి కదలని రాత్రి ||2||
నీవు నాకు నేను నీకు చెప్పుకున్న కథలరాత్రి
ప్రేయసి రావే ఊర్వశి రావే ||2|| ||ఇది||

చరణం 1

ఆ......
వెన్నెలమ్మ దీపాన్ని ఆర్పమన్నది
మల్లెల్లమ్మ పరదాలు మూయమన్నది ||2||
ధూపమేమో మత్తుగా తిరుగుతున్నది
దీపమేమో విరగబడి నవ్వుతున్నది
నీ రాక కొరకు తలుపు నీ పిలుపు కొరకు పానుపు
పిలిచి పిలిచి వేచి వేచి ఎదురు చూస్తున్నవి
ప్రేయసి రావే... ఊర్వశి రావే.. ||2||

చరణం 2

వెన్నెలంతా అడవిపాలు కానున్నది
మల్లెమనసు నీరుకారి వాడుతున్నది ||2||
అనురాగం గాలిలో దీపమైనది
మమకారం మనసునే కాల్చుతున్నది
నీ చివరి పిలుపు కొరకు ఈ చావు రాని బ్రతుకు
చూసి చూసి వేచి వేచి వేగిపోతున్నది
ఆ...... ప్రేయసి రావే... ఊర్వశి రావే.. ||2||