ఏ దివిలో విరిసిన పారిజాతమో...

ఏ దివిలో విరిసిన పారిజాతమో...
ఏ కవిలో మెరిసిన ప్రేమగీతమో...
నా మదిలో నీవై నిండిపోయెనే... ||ఏ దివిలో||
నీ రూపమే దివ్య దీపమై
నీ నవ్వులే నవ్య తారలై
నా కన్నుల వెన్నెల కాంతి నింపెనే... ||ఏ దివిలో||

చరణం 1

పాలబుగ్గలను లేత సిగ్గులను పల్లవించగా రావే
నీలి ముంగురులు పిల్ల గాలితో ఆటలాడగా రావే ||2||
కాలి అందియలు ఘల్లుఘల్లుమన.. ||2||
రాజహంసలా... రా... వే... ||ఏ దివిలో||

చరణం 2

నిదుర మబ్బులను మెరుపు తీగవై కలలు రేపినది నీవే
బ్రతుకు వీణపై ప్రణయరాగములు ఆలపించినది నీవే ||2||
పదము పదములో మధువులూరగా ||2||
కావ్యకన్యవై... రా... వే... ||ఏ దివిలో||