అణువు అణువున వెలసినదేవా...

అణువు అణువున వెలసినదేవా
కనువెలుగై మము నడిపించరావా
అణువు అణువున వెలసినదేవా

చరణం 1

మనిషిని మనిషే కరిచేవేళ
ద్వేషం విషమై కురిసేవేళ
నిప్పులు మింగి నిజమును తెలిపి
చల్లని మమతల సుధలను చిలికి
అమరజీవులై వెలిగినమూర్తుల ||2||
అమృతగుణం మాకందించరావా ||2|| ||అణువు||

చరణం 2

జాతికి గ్రహణం పట్టిన వేళ
మాతృభూమి మొరపెట్టినవేళ
స్వరాజ్య సమరం సాగించి
స్వాతంత్ర్య ఫలమును సాధించి
ధన్యచరితులై వెలిగిన మూర్తుల
త్యాగనిరతి మాకందించరావా ||2|| ||అణువు||

చరణం 3

వ్యాధులు బాధలు ముసిరేవేళ
మృత్యువు కోరలు సాచేవేళ
గుండెకు బదులుగ గుండెను పొదిగి
కొన ఊపిరులకు ఊపిరులూది
జీవదాతలై వెలిగిన మూర్తుల ||2||
సేవాగుణం మాకందించరావా ||2|| ||అణువు||