కాశ్మీరు లోయలో కన్యాకుమారిరో ఓ సందమామ...

కాశ్మీరు లోయలో కన్యాకుమారిరో ఓ సందమామ
కన్నె ఈడు మంచులో కరిగే సూరీడురో ఓ సందమామ
పొగరాని కుంపట్లు రగిలించినావే
పొగరెత్తి చలిగాణ్ణి తగిలేసినాడే
చెమ్మ చెక్క చేత చిక్క
మంచమల్లె మారిపోయే మంచుకొండలు
మంచిరోజు మార్చమంది మల్లెదండలు ||కాశ్మీరు||

చరణం 1

తేనీటి వాగుల్లో తెడ్డేసుకో పూలారబోసేటి ఒడ్డందుకో
శృంగార వీధుల్లో చిందేసుకో మందార బుగ్గల్ని చిదిమేసుకో
సూరీడుతో ఈడు చలికాచుకో పొద్దారి పోయాక పొదచేరుకో
గుండెలో నే పాగ చుట్టుగా వేశాక గుత్తమైన సోకు నీదే కదా
అరె తస్సచెక్కా ఆకు వక్క ఇచ్చుకోక ముందే ముట్టె తాంబూలము
పెళ్ళికాక ముందే జరిగే పేరంటము ||కాశ్మీరు||

చరణం 2

సిందూర రాగాలు చిత్రించుకో అందాల గంధాల హాయందుకో
పన్నీటి తానాలు ఆడేసుకో పరువాలు నా కంట ఆరేసుకో
కాశ్మీర చిలకమ్మా కసి చూసుకో చిలకపచ్చ రైక దిగి చూసుకో
గూటి పడవల్లోన చాటుగా కలిశాక
తీటికైన వేడి పుట్టాలిలే పూత మొగ్గ లేత బుగ్గ
సొట్టబడ్డ చోట పెట్టు నీ ముద్దులు
హే సొంతమైన చోట లేవు ఏ హద్దులు ||కాశ్మీరు||