వేలా వేలా గోపెమ్మలా...

వేలా వేలా గోపెమ్మలా...
మువ్వా గోపాలుడే మా ముద్దూ గోవిందుడే ||2||
అహా అన్నుల మిన్నుల కన్నుల వెన్నెల వేణువులూదాడే
మది వెన్నలు దోచాడే ఆ హాహాహా... ||వేలా వేలా||

చరణం 1

మన్ను తిన్న చిన్నవాడే నిన్ను కన్న వన్నెకాడే ||2||
కన్న తోడు లేనివాడే కన్నె తోడువున్నవాడే
మోహనాల వేణువూదే మోహనాంగుడితడేనే ||2||
చీరలన్నీ దోచి దేహ చింతలన్నీ తీర్చినాడే
పోతన్న కవితలన్నీ పోతపోసుకున్నాడే
మా మువ్వా గోపాలుడే
మా ముద్దూ గోవిందుడే ఆ హాహాహా... ||వేలా వేలా||

చరణం 2

వేయి పేరులున్నవాడే వేల తీరులున్నవాడే ||2||
రాసలీలలాడినాడే రాయబారమేగినాడే
గీతార్థ సారమిచ్చీ గీతలెన్నో మార్చేనే ||2||
నీలమై నిఖిలమై కాలమై నిలిచాడే
వరదయ్య గానాల వరదలై పొంగాడే ||మా మువ్వా|| ||వేలా వేలా||