రేపంటి రూపం కంటి పూవింటి చూపుల వంటి

రేపంటి రూపం కంటి పూవింటి చూపుల వంటి
నీ కంటి చూపుల వెంట నా పరుగంటి
రేపంటి వెలుగే కంటి పూవింటి దొరనే కంటి
నా కనే కలలూ కళలూ నీ సొమ్మంటి

చరణం 1

నాతోడు నీవైయుంటే నీ నీడ నేనేనంటి...
ఈ జంట కంటే వేరేలేదు లేదంటి ||2||
నీ పైన ఆశలు వుంచి ఆపైన కోటలు పెంచి ||2||
నీకోసం రేపూ మాపూ వుంటివి నిన్నంటి ||రేపంటి||

చరణం 2

నే మల్లెపువ్వై విరిసి నీ నల్లని జడలో వెలసి
నీ చల్లని నవ్వుల కలిసి వుంటే చాలంటి ||2||
నీ కాలి మువ్వల రవళి నా భావి మోహన మురళి ||2||
ఈ రాగసరళి తరలిపోదాం రమ్మంటి ||రేపంటి వెలుగే||

చరణం 3

నీలోని మగసిరితోటి నాలోని సొగసుల పోటి
వేయించి నేనే ఓడిపోనీ పొమ్మంటి
నేనోడి నీవే గెలిచి నీ గెలుపు నాదని తలచి
రాగాలు రంజిలు రోజే రాజీ రమ్మంటి ||రేపంటి వెలుగే|| ||రేపంటి||