నీవు లేని నేను లేను నేను లేక నీవు లేవు

నీవు లేని నేను లేను నేను లేక నీవు లేవు
నేనే నువ్వు నువ్వే నేను
నేను నువ్వు నువ్వు నేను లేనిచో
ఈ జగమే లేదు ||నీవు లేని||

చరణం 1

తీగల్లో నువ్వు నేనే అల్లుకొనేది
పూవుల్లో నువ్వు నేనే మురిసివిరిసేది ||తీగల్లో||
తెమ్మెరలో మనమిద్దరమే పరిమళించేది ||2||
తేనెకు మన ముద్దేలే తీపిని ఇచ్చేది ||2|| ||నీవు లేని||

చరణం 2

నువ్వు లేక వసంతానికి యవ్వనమెక్కడది
నువ్వు లేక వానమబ్బుకు మెరుపే ఎక్కడది
సృష్టిలోని అణువు అణువులో ఉన్నామిద్దరము
జీవితాన నువ్వూ నేనై కలిశామిద్దరము ||నీవు లేని||

చరణం 3

కొండల్లే నువ్వున్నావు నాకు అండగా
మంచల్లే నువ్వున్నావు నాకు నిండుగా ||కొండల్లే||
ఎన్ని జన్మలైనా ఉందాము తోడునీడగా ||2||
నిన్న నేడు రేపే లేని ప్రేమజంటగా ||2|| ||నీవులేని||