పెదవే పలికిన మాటల్లోనే తీయని మాటే అమ్మ..

పెదవే పలికిన మాటల్లోనే తీయని మాటే అమ్మ..
కదిలే దేవత అమ్మ.. కంటికి వెలుగమ్మ ||2||
తనలో మమతే కలిపి పెడుతుంది ముద్దగా
తన లాలి పాటలోని సరిగమ పంచుతుంది ప్రేమ మధురిమ ||పెదవే పలికిన||

చరణం 1

మనలోని ప్రాణం అమ్మ
మనదైన రూపం అమ్మ
ఎనలేని జాలి గుణమే అమ్మ
నడిపించే దీపం అమ్మ
కరుణించే కోపం అమ్మ
వరమిచ్చే తీపి శాపం అమ్మ
నా ఆలి అమ్మగా అవుతుండగా..
జో లాలి పాడనా.. కమ్మగా.. కమ్మగా ||పెదవే పలికిన||

చరణం 2

పొత్తిళ్ళో ఎదిగే బాబు..
నావొళ్ళో ఒదిగే బాబు..
ఇరువురికి నేను అమ్మవనా
నా కొంగు పట్టేవాడు..
నా కడుపున పుట్టేవాడు..
ఇద్దరికీ ప్రేమ అందించనా
నా చిన్ని నాన్ననీ.. వాడి నాన్ననీ..
నూరేళ్ళు సాకనా.. చల్లగా.. చల్లగా
ఎదిగీ ఎదగని ఓ పసికూన..
ముద్దుల కన్నా జో.. జో
బంగరు తండ్రీ.. జో.. జో.. బజ్జో లాలి జో..
పలికే పదమే వినక కనులారా నిదురపో..
కలలోకి నేను చేరి తదుపరి
పంచుతాను ప్రేమ మాధురి ||ఎదిగీ||
బజ్జో లాలి జో.. బజ్జో లాలి జో..