సరసస్వర సురఝరీ గమనమౌ సామవేద సారమిది

సాకీ

విధాత తలపున ప్రభవించినది... అనాది జీవన వేదం... ఓం...
ప్రాణనాడులకు స్పందననొసగిన ఆది ప్రణవనాదం... ఓం...
కనుల కొలనులో ప్రతిబింబించిన విశ్వ రూప విన్యాసం
ఎద కనుమలలో ప్రతిధ్వనించిన విరించి విపంచి గానం... ఆ...

పల్లవి

సరసస్వర సురఝరీ గమనమౌ సామవేద సారమిది ||2||
నే పాడిన జీవన గీతం... ఈ గీతం...

అనుపల్లవి

విరించినై విరచించితిని ఈ కవనం
విపంచినై వినిపించితిని ఈ గీతం...

చరణం 1

ప్రాగ్దిశ వీణియపైన దినకర మయూఖ తంత్రులపైన
జాగృత విహంగ తతులే వినీల గగనపు వేదికపైన ||ప్రాగ్దిశ||
పలికిన కిలకిల స్వనముల స్వరగతి జగతికి శ్రీకారము కాగా
విశ్వకావ్యమునకిది భాష్యముగా... ||విరించినై||

చరణం 2

జనించు ప్రతి శిశుగళమున పలికిన జీవన నాద తరంగం
చేతన పొందిన స్పందన ధ్వనించు హృదయ మృదంగ ధ్వానం ||జనించు||
అనాది రాగం ఆదితాళమున అనంత జీవన వాహినిగా
సాగిన సృష్టి విలాపముగా ||విరించినై||
నా ఉచ్చ్వాసం కవనం
నా నిశ్వాసం గానం ||2|| ||సరస||