ముకుందా ముకుందా కృష్ణా

ముకుందా ముకుందా కృష్ణా
ముకుందా ముకుందా
స్వరంలో తరంగా బృందావనంలో వరంగా ||2||
వెన్న దొంగవైనా మన్ను తింటివా
కన్నె గుండె ప్రేమ లయలా మృదంగానివా ||ముకుందా||
జీవకోటి నీ చేతి తోలుబొమ్మలే
నిన్ను తలచి ఆటలాడే కీలుబొమ్మలే ||ముకుందా||

చరణం 1

నీలాల నింగి కింద తేలియాడు భూమి
తనలోనే చూపించాడు ఈ కృష్ణ స్వామి
పడగ విప్పి మడుగున లేచే సర్పశేషమే ఎక్కి
నాట్యమాడి కాళీయుని దర్పమణిచాడు
నీ ధ్యానం చేయు వేళ విజ్ఞానమేగా
అజ్ఞానం రూపుమాపే కృష్ణతత్వమేగా
అట అర్జునుడొందెను
నీ దయవల్ల గీతోపదేశం
జగతికి సైతం ప్రాణం పోసే మంత్రోపదేశం
వేదాల సారమంతా వాసుదేవుడే
రేపల్లె రాగం తానం రాజీవమే ||ముకుందా||

చరణం 2

మత్స్యమల్లె నీటిన తేలి వేదములను కాచి
కూర్మరూప ధారివి నీవై భువిని మోసినావే
వామనుడై పాదమునెత్తి నింగి కొలిచినావే
నరసింహుని అంశే నీవై హిరణ్యుని చీల్చావు
రావణుని తలలను కూల్చి రాముడివై నిలిచావు
కృష్ణుడల్లే వేణువూది ప్రేమను పంచావు
ఇక నీ అవతారాలెన్నెన్నున్నా ఆధారం నేనే
నీ ఒరవడి పట్టి ముడిపడి వుంటా
ఏదేమైనా నేనే
మదిలోని ప్రేమ నీవే మాధవుడా
మందార పువ్వే నేను మనువాడరా ||ముకుందా||