ఏమైందీ ఈ వేళా ఎదలో ఈ సందడేలా

ఏమైందీ ఈ వేళా ఎదలో ఈ సందడేలా
మిల మిల మిల మేఘమాలా
చిటపట చినుకేయు వేళా
చెలి కులుకులు చూడగానే
చిరు చెమటలు పోయనేలా
ఏ శిల్పి చెక్కెనీ శిల్పం
సరికొత్తగా వుంది రూపం
కనురెప్ప వేయనీదు ఆ అందం
మనసులోన వింత మోహం
మరవలేని ఇంద్రజాలం
వానలోన ఇంత దాహం ||ఏమైందీ||

చరణం:1

చినుకులలో వానవిల్లూ నేలకిలా జారెనే
తళుకుమనే ఆమె ముందూ
వెలవెల వెలబోయెనే
తన సొగసే తీగలాగ నా మనసే లాగెనే
అది మొదలు ఆమె వైపే నా అడుగులు సాగెనే
నిశీధిలో ఉషోదయం ఇవాళిలా ఎదురే వస్తే
చిలిపి కనులు తాళమేసే
చినుకు తడిపి చిందులేసే
మనసు మురిసి పాటపాడే
తనువు మరిచి ఆటలాడే ||ఏమైందీ||

చరణం:2

ఆమె అందమే చూస్తే
మరి లేదు లేదు నిదురింకా
ఆమె నన్నిలా చూస్తే
ఎద మోయలేదు ఆ పులకింత
తన చిలిపి నవ్వుతోనే పెను మాయ చేసేనా
తన నడుము ఒంపులోనే నెలవంక పూచెనా
కనుల ఎదుటే కలగ నిలిచా
కలలు నిజమై జగము మరిచా
మొదటిసారి మెరుపు చూశా
కడలిలాగే ఉరకలేశా ||ఏమైందీ||