ప్రియతమా ఓ ప్రియతమా

ప్రియతమా ఓ ప్రియతమా
ఈ మౌనరాగాలనే పలికే హృదయం ||2||
నిన్ను చూడాలని ఓ మాట చెప్పాలని
కలవరిస్తోందని తెలుసా ||ప్రియతమా||

చరణం -1

ఎప్పుడో అపుడెప్పుడో
ముడిపడినదీ బంధమేదో
ఇప్పుడే ఇపుడిప్పుడే నీ మనసు చెప్పింది నాతో
వానవిల్లు ఏదో మెరిసిందిలా
పూలజల్లు నాపై కురిసిందిలా
రాగమో అనురాగమో
ఈ వింత మాయనేమంటారో ||ప్రియతమా||

చరణం -2

గుట్టుగా కనిపెట్టగా మనసంత నీ సంతకాలే
మత్తుగా గమ్మత్తుగా ఎదనిండా నీ జ్ఞాపకాలే
నిన్ను చూడకుండా మనసుండదే
నిన్ను చూసినాక కునుకుండదే
మోహమో వ్యామోహమో
ఈ వింత మాయనేమంటారో ||ప్రియతమా||
నిన్ను చేరిందని తన మనసు విప్పిందనీ
ఐ లవ్‌ యూ అంటోందనీ తెలుసా ||2||