మనసా నువ్వుండే చోటే చెప్పమ్మా

పల్లవి

[ఆమె] మనసా నువ్వుండే చోటే చెప్పమ్మా మనసే నీకేదో చెప్పాలందమ్మా
నిన్నా మొన్నా ఈ వైనం నాలో లేదమ్మా
ఈరోజేదో ఆనందం చంపేస్తుందమ్మా ||2||
[అతడు] ఓ సోనా వెన్నెలసోనా నేనింకా నువ్వైయ్యానా
నీరూపు రేఖల్లోనా నేనుండి వెలుగైపోనా
ఓ సోనా వెన్నెలసోనా నీవేలే కన్నుల్లోనా
నా చిత్రం చిత్రించేనా కనుపాపై పోనా (మనసా)


చరణం 1


[ఆమె] నీవే తోడని నిజంగా నీలో చేరితే క్రమంగా
నీవంటే ఒక యుగమే అయిపోయే ఇక క్షణమే
[అతడు] తెలుసా తెలుసా ఇది తెలుసా మార్చేసావే నా ఈ వరసా
నువ్వు మార్చేసావే నా ఈ వరసా ఓసోనా వెన్నెలసోనా రేపావే అల్లరి చాలా
చెక్కిళ్ళలో చుక్కైపోనా చూపుల్తో చుట్టెయ్‌సేనా ఓసోనా వెన్నెల సోనా ముంగిట్లో ముగ్గయు రానా
ముద్దుల్తో ముంచెయ్ సేనా కౌగిలికే రానా ||మనసా||


చరణం 2


[అతడు] కూసే కోయిల స్వయంగా వాలే వాకిట వరంగా
నీ ఊసే అది తెలిపే మౌనంగా మదిమురిసే
[ఆమె] కలిసా కలిసా నీతో కలిసా నీలో నిండి అన్నీ మరచా
నీలో నిండి అన్నీ మరిచా
[అతడు] ఓ సోనా వెన్నెల సోనా నీవైపే వచ్చానమ్మా
నీ ఊహే కన్నానమ్మా నా ఊసే పంపానమ్మా
ఓ సోనా వెన్నెల సోనా నీ గుండె చప్పుళ్ళోన
నా ప్రాణం నింపానమ్మా నిను చేరానమ్మా
మనసా నువ్వుండే చోటే చెప్పామ్మా
ఓ మనసా నీకేదో చెప్పాలందమ్మా
నిన్నా మొన్నా ఈవైరం నాలో లేదమ్మా
ఈరోజేదో ఆనందం చంపేస్తుందమ్మా