వేణువై వచ్చాను భువనానికి...

వేణువై వచ్చాను భువనానికి
గాలినై పోతాను గగనానికి ||2||
మమతలన్నీ మౌనగానం వాంఛలన్నీ వాయులీనం ||వేణువై||
మాతృదేవో భవా పితృదేవో భవా ఆచార్య దేవో భవా

చరణం 1

ఏడుకొండలకైన అండ తానొక్కటే
ఏడుజన్మల తీపి యీ బంధమే.. ||2||
నీ కంటిలో నలక లో వెలుగునే కనక
నేను నేననుకుంటె ఎద చీకటే హరీ.. హరీ...
రాయినై వున్నాను యీ నాటికీ..
రాము పాదము రాక ఏ నాటికీ.. ||వేణువై||

చరణం 2

నీరు కన్నీరాయె ఊపిరే బరువాయె
నిప్పు నిప్పుగ మారె నా గుండెలో.. ||2||
ఆ నింగిలో కలిసి ఆ శూన్యబంధాలు
పుట్టిల్లు చేరె మట్టి ప్రాణాలు ||హరి||
రెప్పనై వున్నాను నీ కంటికీ
పాపనై వస్తాను మీ ఇంటికీ ||వేణువై||