ముద్దుగారే యశోద...

ముద్దుగారే యశోద ముంగిటి ముత్యము వీడు
తిద్దరాని మహీమల దేవకీ సుతుడు ||ముద్దు||

చరణం 1

అంతనింత గొల్లెతల అరచేతి మాణిక్యము
పంతమాడే కంసుని పాలి వజ్రము ||అంత||
కాంతుల మూడు లోకాల గరుడపచ్చ పూస ||2||
చెంతల మాలోనున్న చిన్ని కృష్ణూడూ... ||3|| ||ముద్దు||

చరణం 2

రతికేళి రుక్మిణికి రంగుమేవి పగడము
మితి గోవర్ధనపు గోమేధికము ||రతికేళి||
సతమై శంఖచక్రాల సందుల వైఢూర్యము ||2||
గతియై మమ్ము గాచే కమలాక్షుడు ||3|| ||ముద్దు||

చరణం 3

కాళింగుని తలలపై కప్పిన పుష్యరాగము
ఏలేటి శ్రీ వేంకటాద్రి ఇంద్రనీలము ||కాళింగు||
పాలజలధిలోన పాయని దివ్యరత్నము ||2||
బాలుని వలె తిరిగి పద్మనాభుడు ||3|| ||ముద్దు||

కురంజి రాగం, ఆదితాళం