తెలిమంచు కరిగింది

తెలిమంచు కరిగింది
తలుపు తీయనా ప్రభూ
ఇల గొంతు వణికింది
పిలిపునీయనా ప్రభూ ||తెలిమంచు||
నీ దోవ పొడవునా
కువకువలా స్వాగతం
నీ కాలి అలికిడికి
మెలకువలా వందనము ||తెలిమంచు||

చరణం 1

ఈ పూల రాగాల పులకింత గమకాలు
గారాబు కవనాల గాలి సంగతులు ||ఈ పూల||
నీ చరణ కిరణాలు
పలుకరించినా చాలు
పల్లవించును ప్రభూ
పవళించు భువనాలు
భానుమూర్తి... నీ ప్రాణకీర్తన విని
పలుకని ప్రణతులని ప్రణవశృతిని
పాడనీ ప్రకృతినీ ప్రధమ కృతినీ ||తెలిమంచు||

చరణం 2

భూపాల నీ మ్రోల ఈ బేల గానాలు
నీ రాజసానికవి నీరాజనాలు ||భూపాల||
పసరు పవనాలలో పసికూన రాగాలు
పసిడి కిరణాల పడి పదునుదేరిన చాలు
తలయుచు తలిరాకు
బహుపరాకులు విని
దొరలని దోరనగపు దొంతరని
తరలని దారి తొలగి రాతిరిని ||తెలిమంచు||