ఎగిరే మబ్బులలోన పగలే వెన్నెల వాన

ఎగిరే మబ్బులలోన పగలే వెన్నెల వాన
పలికే నవ్వుల వీణ గుండెల్లో సాగే రాగాలేవో
ఈ ఉదయం ఏ హృదయం హే చేరుతుందో ఈ ప్రేమ
ఏ నిమిషం ఏది నిజం హే... తెలియకుందే ఈ మాయ
ఆశపడితే అందనందే ఊరుకుంటే చేరుకుందే
ఆగుబురులోనే చిగురు వేసిందే హేయ్… ||ఎగిరే||

చరణం 1

నిదరోయే నీకనులు ఎదలోన ఆ కలలు
ఎదురైనా ఎపుడైనా కళ్ళారా చూసేనా
నీతో కలిసి నీతో పెరిగి నీతో తిరిగి ఆశగా
నిన్నే తలచి నిన్నే పిలిచి ఇన్నాళ్ళుగా
నువ్వంటే ఇష్టం ఉన్నా నువ్వే నా సర్వం అన్నా
నా గుండెల్లో దాచేసిందే మౌనంగా ప్రేమ

చరణం 2

ఎటువైపే నీ పరుగు వినలేదా నా పిలుపు
ఇపుడైనా ఇకనైనా నీ పంతం ఆగేనా
అన్నీ మరిచి కోపం విడిచి నాతో చెలిమి చేసినా
పోయే వరకు నా ఈ బతుకు నీదే కాదా
నీతోడే కావాలంటూ నీ నీడై ఉండాలంటూ
నవరాగాలు ఆలాపించే నాలో ఈ ప్రేమ ||ఎగిరే||