చినుకులా రాలి నదులుగా సాగి

చినుకులా రాలి నదులుగా సాగి
వరదలైపోయి కడలిగా పొంగు
నీ ప్రేమ నా ప్రేమ నీపేరే నా ప్రేమ
నదివి నీవు కడలి నేను
మరచిపోబోకుమా... మమత నీవే సుమా ||చినుకులా||

చరణం 1

ఆకులు రాలి వేసవిగాలీ నా ప్రేమ నిట్టూర్పులే
కుంకుమ పూసే వేకువ నీవై తేవాలి ఓదార్పులే
ప్రేమలు కోరె జన్మలలోనే నే వేచి ఉంటానులే
జన్మలు దాటే ప్రేమను నేనై నే వెల్లువౌతానులే
ఆ చల్లనే చాలులే
హిమములా రాలి సుమములై పూసి
ఋతువులై నవ్వి మధువులై పొంగు
నీ ప్రేమ నా ప్రేమ నీపేరే నా ప్రేమ
శిశరమైనా... శిధిలమైనా...
విడిచిపోబోకుమా విరహమై పోకుమా

చరణం 2

తొలకరి కోసం తొడిమను నేనై
అల్లాడుతున్నానులే
పులకరమూదే పూవుల కోసం
వేసారుతున్నానులే
నింగికి నేల అంటిసలాడే ఆ పొద్దు రావాలిలే
నిన్నను నేడై రేపటి నీడై నా ముద్దు తీరాలిలే
ఆ తీరాలు చేరాలిలే
మౌనమై మెరిసి గానమై పిలిచి
కలలతో అలిసి గగనమై ఎగసె
నీ ప్రేమ నా ప్రేమ తారాడే నా ప్రేమ
భువనమైనా... గగనమైనా...
ప్రేమమయమే సుమా... హా...
ప్రేమ మనమే సుమా... ||చినుకులా||