పాడుతా తీయగా సల్లగా...

పాడుతా తీయగా సల్లగా...
పాడుతా తీయగా సల్లగా...
పసిపాపలా నిదురపో హాయిగా బంగారు తల్లిగా
పాడుతా తీయగా సల్లగా...

చరణం 1

కునుకు పడితె మనసు కాస్త కుదుటపడతది
కుదుటపడ్డ మనసు తీపి కలలు కంటది ||2||
కలలె మనకు మిగిలిపోవు కలిమి సివరకూ ||2||
ఆ కలిమి కూడ దోచుకునే దొరలు ఎందుకు ||పాడుతా||

చరణం 2

గుండె మంటలారిపే సన్నీళ్ళు కన్నీళ్ళు
ఉండమన్న ఉండవమ్మ సానాళ్ళు ||2||
పోయినోళ్ళు అందరూ.. మంచోళ్ళు ||2||
ఉన్నోళ్ళు పోయినోళ్ళ తీపిగురుతులు ||పాడుతా||

చరణం 3

మణిసిపోతె మాత్రమేమి మనసు ఉంటదీ
మనసుతోటి మనసెపుడో కలసిపోతది ||2||
సావుపుటక లేనిదమ్మ నేస్తమన్నదీ ||2||
జనమజనమకది మరీ గట్టిపడతది ||పాడుతా||