కదిలే కాలమా కాసేపు ఆగవమ్మా

కదిలే కాలమా కాసేపు ఆగవమ్మా
జరిగే వేడుక కళ్ళార చూడవమ్మా
పేగే కదలగా...
సీమంతమాయెలే ప్రేమదేవతకు నేడే ||కదిలే||

చరణం 1

లాలించే తల్లీ పాలించే తండ్రీ నేనేలే నీకన్నీ
కానున్న అమ్మ నీ కంటి చెమ్మ నే చూడలేనమ్మ
కన్నీళ్ళలో చెలికాడినే నీ కడుపులో పసివాడినే
ఏనాడు తోడును నీడను వీడనులే ||కదిలే||

చరణం 2

తాతయ్య తేజం పెదనానా నైజం
కలిసున్న పసిరూపం నీ రాణితనము నా రాచగుణము
ఒకటైన చిరుదీపం
పెరిగేనులే నా అంశము
వెలిగేనులే మా వంశము
ఎన్నెన్నో తరములు తరగని యశములకు
ఎన్నో నోములే గతమందు నోచిఉంటా
నీకే భార్యనై ప్రతి జన్మనందు ఉంటా
నడిచే దైవమా...
నీ పాదధూళులే పసుపు కుంకుమలు నాకు ||ఎన్నో||