గోరింట పూచింది కొమ్మలేకుండా

గోరింట పూచింది కొమ్మలేకుండా
మురిపాల అరచేత మొగ్గ తొడిగింది ||2||
ఎంచక్కా పండిన ఎర్రని చుక్క
చిట్టీపేరంటానికి కలకాలం రక్ష ||గోరింటా||

చరణం 1

మామిడీ చిగురెరుపు మంకెన పువ్వెరుపు
మణులన్నింటిలోన మాణిక్యం ఎరుపు ||2||
సందే వన్నెల్లోన సాగే మబ్బెరుపు
తానెరుపు అమ్మాయి తనవారిలోన ||గోరింటా||

చరణం 2

మందారంలా పూస్తే మంచి మొగుడొస్తాడు
గన్నేరులా పూస్తే కలవాడొస్తాడు ||2||
సింధూరంలా పూస్తే చిట్టి చేయంతా
అందాల చందమామ అతనే దిగివస్తాడు ||గోరింటా||
పడకూడదమ్మా పాపాయి మీద
పాపిష్టి కళ్ళు కోపిష్టి కళ్ళు
పాపిష్టి కళ్ళల్లో పచ్చాకామెర్లు
కోపిష్టి కళ్ళల్లో కొరివిమంటల్లు