స్వరాల వీణ ఈ వేళలోన

స్వరాల వీణ ఈ వేళలోన
నీకేమయిందే ఆకాశమా ||2||
ఎండలో ఇలా పూలవానలా
మెరుపు కూడ మల్లెతీగలా
నేలపై ఇలా నా అడుగు నిలవదా
లోకమంతా కొత్త చోటులా
నువ్వు తప్ప కళ్ళముందు లేరు ఎవరు
నమ్మవా... ||స్వరాల||

చరణం 1

రేయి చీర కప్పుకున్న చందమామని
నిన్ను చూసి ఒక్కసారి పలకరించి వెళ్ళనీ
తారలన్నీ అల్లుకున్న మేఘమాలని
వాలు కళ్ళ సాగరాన కాటుకల్లే మారనీ
వాలే పొద్దులా జారే నీ జడ
నడుముపై నాట్యమే ఆడితే
విరిసే పూవులా కురిసే మంచులా
నువ్వలా చల్లగా నవ్వితే
నేను చూడలేను చూశాక ఆగలేను
ఎన్నాళ్ళు నిన్ను వదిలి ఉండను... ||స్వరాల||

చరణం 2

మూసి ఉన్న రెప్పలలో కల వనంలా
నిదుర రాని వేళలోన కలవరింతలా ఇలా
ఊపిరంత ఊహలలో నిండిపోయినా..
గుండెలోన నిన్ను ఇంక దాచి ఉంచడం ఎలా
నేను నేనుగా లేనే లేనుగా
తాకే వింతగా ఉందిగా
నీలా ఎవ్వరూ నన్నే ఎప్పుడూ
కమ్ముకోలేదులే ఇంతలా
రేయి నిదుర రాదు పగలంత కునుకు లేదు
అసలేమయిందో నాకే తెలియదూ ||స్వరాల||