స్వప్నవేణువేదో సంగీతమాలపించే...

స్వప్నవేణువేదో సంగీతమాలపించే
సుప్రభాతవేళా శుభమస్తు గాలి వీచే
జోడైన రెండు గుండెలా ఏక తాళమో
జోరైనా యవ్వనాలలో ప్రేమ గీతమో
లేలేతా పూలబాసలూ
కాలేవా చేతి రాతలూ... ||స్వప్నవేణువేదో||

చరణం 1

నీవే ప్రాణం... నీవే సర్వం...
నీకై చేశా వెన్నెల జాగారం
ప్రేమా నేనూ... రేయీ పగలూ...
హారలల్లే మల్లెలు నీకోసం
కోటి చుక్కలు అష్ట దిక్కులు
నిన్ను చూచువేళా
నిండు ఆశలే రెండు కన్నులై చూస్తే నేరాలా
కాలాలే ఆగిపోయినా... గానాలే మూగబోవునా ||స్వప్నవేణువేదో||
చరణం 2

నాలో మోహం... రేగే దాహం...
దాచేదెపుడో పిలిచే కన్నుల్లో
ఓడే పందెం... గెలిచే బంధం...
రెండూ ఒకటై కలిసే జంటల్లో
మనిషి నీడగా మనసు తోడుగా
మలుచుకున్న బంధం
పెను తుఫానులే ఎదురువచ్చినా చేరాలీ తీరం
వారేవా ప్రేమ పావురం...
వాలేదే ప్రణయ గోపురం ||స్వప్నవేణువేదో||