ఆకాశగంగా... దూకావె పెంకితనంగా

ఆకాశగంగా... దూకావె పెంకితనంగా
ఆకాశగంగా...
జలజల జడిగా తొలి అలజడిగా
తడబడు అడుగా నిలబడు సరిగా
నా తలపు ముడివేస్తున్నా నిన్నాపగా ||ఆకాశ||

చరణం 1

కనుబొమ్మ విల్లెత్తి ఓ నవ్వు విసిరావే
చిలకమ్మ గొంతెత్తి తీయంగ కసిరావే ||2||
చిటపటలాడి వెలిసిన వానా
మెరుపుల దాడి కనుమరుగైనా
నా గుండెలయలో విన్నా నీ అలికిడి ||ఆకాశ||

చరణం 2

ఈ పూట వినకున్నా నా పాట ఆగేనా
ఏ బాటలోనైనా నీ పైటనొదిలేనా ||2||
మనసుని నీతో పంపిస్తున్నా
నీ ప్రతి మలుపూ తెలుపవే అన్నా
ఆ జాడలన్నీ వెతికి నిన్ను చేరనా ||ఆకాశ||