అసలేం గుర్తుకురాదు నా కన్నుల ముందు నువ్వు ఉండగా

అసలేం గుర్తుకురాదు నా కన్నుల ముందు నువ్వు ఉండగా
అసలేం తోచదు నాకు ఓ నిమిషం పాటు
నిన్నుచూడకా ||అసలేం||
నీలో ఉంది నా ప్రాణం అది నీకు తెలుసునా
ఉన్నా నేనూ నీకోసం
నువ్వు దూరమైతె బతకగలనా
ఏం గుర్తుకురాదు నా కన్నుల ముందు
నువ్వు ఉండగా
అసలేం తోచదు నాకు ఓ నిమిషం కూడ
నిన్నుచూడకా

చరణం 1

గోరువెచ్చని ఊసుతో చిన్న ముచ్చటని
వినిపించనీ...
ఆకుపచ్చని ఆశతో నిన్ను చుట్టుకుని
చిగురించనీ...
అల్లుకోమని గిల్లుతున్నది చల్ల చల్లని గాలి
తెల్లవారులు అల్లరల్లరి సాగించాలి
ఏకమై ఏకమయె ఏకాంతం లోకమయె వేళ
అహా జంట ఊపిరి వేడికి మరిగింది వెన్నెలా ||అసలేం||

చరణం 2

కంటిరెప్పెల చాటుగా నిన్ను దాచుకుని
బంధించనీ...
కౌగిలింతల సీమలో కోట కట్టుకుని
కొలువుండనీ...
చెంత చేరితె చేతి గాజులు చేసే గాయం
జంట మధ్యన సన్నజాజులు హాహాకారం
మళ్ళీ మళ్ళీ...
మళ్ళీ మళ్ళీ ఈ రోజూ రమ్మన్నా రాదేమో
నిలవనీ చిరకాలమిలాగే ఈ క్షణం ||అసలేం||