పల్లవించవా నా గొంతులో

పల్లవించవా నా గొంతులో
పల్లవి కావా నా పాటలో ||2||
ప్రణయ సుధా రాధా
నా బ్రతుకు నీది కాదా ||పల్లవించవా||

చరణం 1

నేనున్నది నీలోనే ఆ నేను నీవేలే
నాదన్నది ఏమున్నది నాలో
నీవేనాడొ మలిచావు ఈ రాతిని
నేనీనాడు పలకాలి నీ గీతిని
ఇదే నాకు తపమనీ ఇదే నాకు వరమని ||2||
చెప్పాలని ఉంది గొంతు విప్పాలని ఉంది ||2|| ||పల్లవించవా||

చరణం 2

నీ ప్రేమకు కలశాన్ని నీ పూజకు నిలయాన్ని
నీ వీణకు నాదాన్ని కానా
నే ఇన్నాళ్ళు చేసింది ఆరాధన
నీకు ఈనాడు తెలిపేది నా వేదన ||నీ ప్రేమకు||
ఇదే నిన్ను వినమని ఇదే నిజం అనమని ||2||
చెప్పాలని ఉంది గొంతు విప్పాలని ఉంది ||2|| ||పల్లవించవా||